नहुम 1:5 - लिम्बु5 खुने़ॽ कुदगि कोःक्मा फाङ्जङ्हाॽ यङ्लो, हे़क्क्याङ् थे़गु माङ्वाहाॽ योःम्बेःक्लो॥ खुने़ॽ ताःल्ले़ इक्सादिङ् खाम्बेःक्मान् थुरुप्लुप्ना यङ्लो, योॽबान् नु खे़प्मो के़वाॽबाहाॽ के़रे़क् चिरिम्लिम्ना मे़यङ्लो॥ Gade chapit la |
नहुम 1:5
34 Referans Kwoze
खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥
कोःक्मा फाङ्जङ् थे़गु माङ्वा हे़क्तङ्बा पयम् यम्बा याप्मि के़हम्बा पाःन्हाॽ थे़माआङ्बे? यरुबाबेलरे़ कुदगि खे़ने़ॽ ले़प्पे़प्पा के़बोङ्ॽ॥ हे़क्क्याङ् मनाहाॽ मे़सःत्ताङ् ‘निङ्वाॽफुमाङ्ङिल्ले़ कन् हाङ्वागे़न् मुॽइसाम् पिरुर, हाङ्वागे़न् मुॽइसाम् पिरुर!’” तियाहा मे़लॽर मे़अःक्किल्ले़ खुने़ॽ कुम्मालुङ्ङिन् युक्खुॽ॥
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
के़रे़क् कुहिङ्वे़त् थक्साहाॽ, वरःङ्ङोबा ङाहाॽ, ताङ्साङ्बोबा पुसाहाॽ, खाम्बाङ्ङोबा थक्साहाॽ, खाम्बेःक्मो नाना कत्ना के़उःङ्सिङ्बा के़सःन्छिङ्बा चुजुक्सा थक्साहाॽ, हे़क्क्याङ् इक्सादिङ् खाम्बेःक्मोबा के़रे़क् मे़न्छाम् याप्मिहाॽ आङ्गाॽ आबेसाङ् पगि मे़गिआङ् थे़गक्कक्ना मे़यङ्ॽ॥ कोःक्मा फाङ्जङ् थे़गु माङ्वाहाॽ चोःन्धा, सियाक्पेॽ थे़याक्पेॽहाॽ पक्क्रे़ॽ पक्क्रे़ॽ पःङ्धा खम्भ्याङ् लुङ्धाक्हाॽ खाम्बाङ्ङो लुःन्॥
Piblisite