नहुम 1:2 - लिम्बु2 यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥ Gade chapit la |
नहुम 1:2
42 Referans Kwoze
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक् के़जोक्पे़न् खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ् लॽरिक् यहवे दाङ्बाल्ले़ पाःत्तुरो॥”
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
के़रे़क् लाम्हाॽरे़ कुया कुदिङ् के़मनाहाॽ खुन्छिॽ थना ले़क्खे़आङ् हर्जुॽ मे़जोःन्दे़आङ् मे़ने़रो॥ खे़ङ्हाॽग सावागे़म्बाल्ले़ कुइओ के़धाबा पे़ःङ्वा कुसिक् मे़लॽरो, खे़ङ्हाॽओ यहवे दाङ्बे़ल्ले़ कुसिक् पोःक्मे़न् थासुआङ् वाॽरो॥ हे़क्क्याङ् खुन्छिॽ निङ्वाॽफुमाङ्ङिल्ले़ साॽरिक् फे़ःक्तुसिआङ् मे़वाॽरो॥
थेआङ्भे़ल्ले़ खे़न् युक् के़जोःक्पाङ्ग के़लागि नुबा पान् के़जोःक्पा निङ्वाॽफुमाङ्ङिल्ले़ कुसेवारोबारो॥ कर खे़ने़ॽ फे़न् याःम्बक् के़जोगुने़ फाॽग्र किसे़ॽओ, थेआङ्भे़ल्ले़ खे़ल्ले़ग हने़ ताभेन् मे़हेःसुन्लो॥ खे़ङ्ग फे़न् याःम्बक् के़जोःक्पाल्लो खुम्दिङ् के़दाःप्पा निङ्वाॽफुमाङ्ङिल्ले़ कुसेवारोबारो॥
“खे़ल्ले़चोगुल्ले़, खे़ने़ॽ इस्राइलबा कोःक्मा फाङ्जङ्हाॽ नु थे़गु माङ्वाहाॽ हे़क्क्याङ् पाक्लुम्लुम्बादे़न्हाॽ नु ने़ने़बादे़न्हाॽरे़ कुयाःम्बेओ माङ्निङ्वाॽपान् मे़त्ते़से़ॽ॥ मुक्साम्दाङ्बा यहवे दाङ्बे़ल्ले़ अक्खे पाःत्तुॽ—कब्रिङ् पिसाङ्बा मे़न्छाम् सुवाङ्हाॽरे़ खुन्छिॽ तगि सिरिङ्ममो खिनिॽ के़ध्ये़ॽइबाल्ले़ चोगुल्ले़ आङ्गाॽ आनाहे़न्नाङ् साॽरिक् आसाक्के़न् पोक्॥
खुने़ॽ हे़न्छिङ् हे़न्छिङ् मनाहाॽ लुङ्माॽ तुक्तुसि, हे़क्क्याङ् फे़न्याःम्बक्, पिफ्युङ् नु लायोन् ले़प्मि चोगुॽ॥ कर खुने़ॽ आप्तिक्साबान् आक्खे फाॽआङ्साङ् खुम्दिङ् पिरु॥ पाधे़बाहाॽरे़ मे़जोगुबा फे़न्याःम्बक्किल्ले़ कुले़क्वा खे़ङ्हाॽरे़ खुन्छिॽ साहाॽ, मे़न्छाॽहाॽ हे़क्क्याङ् सुम्सिगेक्पा लिसिगेक्पा थाःक् थारिक् खुम्दिङ् पिरुसिॽ॥”
“आङ्गाॽ आमिङ्सो आधाःङ्सोरे़ लागि आङ्गाॽ थुक्काबा कुइसिक् इस्राइलिहाॽरे़ खुन्छिॽ लुम्मो एलाजाररे़ कुस्सा, निङ्वाॽफुसाम्बा हारुनरे़ कुम्मे़न्छाॽ पिनहासे़न् आङ्गाॽ मिङ्सो इङ्धाङ् पिमारे़ लागि थुक्तुआङ् वाॽ हे़क्क्याङ् इस्राइलिहाॽरे़ खुन्छिॽ लुम्मोलाम् आङ्गाॽ आसाक्के़न्निन् खे़त्तुदेसु॥ कल्ले़चोगुल्ले़ आङ्गाॽ आसिक् पोःक्मो खे़ङ्हाॽ आङ्गाॽ खाप्पुथ्यःङ् मे़जोगुङ्सिङ्ङिन्॥
के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ!
Piblisite