नहुम 1:10 - लिम्बु10 खे़ङ्हाॽ तिङ्ग्रेक् लाहाॽओ मे़हम्लो, चे़ल्ले़क्सेॽ थिःल्ले़ मयुसिआङ् मुदङ् मे़लॽरो, खे़ङ्हाॽ के़हेबा यान् हे़क्के थ्यःङ् मे़बोङ्लो॥ Gade chapit la |
नहुम 1:10
19 Referans Kwoze
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
निस्सेसाङ् ताप्फे़ःम्बा याःम्बक् के़जोःक्पा मनाहाॽ मिःल्ले़ मिमे़दिक्लो, हे़क्क्याङ् खे़न् मिःल्ले़ सेर्दाःक्माहाॽ नु तिङ्हाॽ मिदिक्काङ् खाप्पुथ्यःङ् पोङ्लो॥ खे़न् मिःल्ले़ ताम्भुङ्ङोबा पोःक्लाहाॽ मिधिक्सुआङ् खे़ॽयोनु के़लःम्बा मिःक्खुॽइन् ताङ्साङ्बे़त्थाःङ् माक्स्दिःङ्ग्याःप्पा मिःक्खुन् हाःङ्गु हाःङ्गु लॽबेःक्लो॥
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
हे़क्क्याङ् खे़ङ्हाॽ खुन्छिॽ के़रे़क् सेॽजःङ्वाःन्नु खुन्छिॽ साॽरिक् सिक्पोःक्काङ् मे़ने़ःल्ले़, आङ्गाॽ वेॽ परिक्पा साभःङ्जा थिक् खे़ङ्हाॽरे़ खुन्छिॽ लागि यारिप् चोगुङ्लो॥ आङ्गाॽ खे़ङ्हाॽ मे़जोःन्नाङ् मे़इम्ल थारिक् मसुङ्सिङ्लो खे़ब्याङ् खे़ङ्हाॽ आप्फाल्ले़आङ् मे़न्छोने़न्लो,” यहवे दाङ्बे़ल्ले़ पाःत्तुआङ् वाॽरो॥
अबिगेले़न् हिम्मो नुःक्खे़आङ् त्ये़ःल्ले़ नाबालरे़ हिम्मो हाङ्ङिल्ले़ कुलागि यारिप् चोःक्मनाबा हे़क्केए यम्बा साभःङ्जा मे़जर मे़यागे़बा निसु॥ नाबाले़न् थिःल्ले़ मयुआङ् साॽरिक् कुनिङ्वाॽ त्ये़आङ् वये़॥ खे़न् साॽरिक् मयुआङ् वये़बाल्ले़ चोगुल्ले़ खे़ल्ले़ कुमेत् अबिगेलरे़ खुने़ॽ तानाम् थारिक् थेआङ् मे़जे़क्तुन्॥
Piblisite