मर्कुस 8:2 - लिम्‍बु

² “कन् मनाहाॽ इङ्‌गाॽ आलुङ्‌माॽ मे़दुक्‍लो, थेआङ्‌भे़ल्‍ले़ खे़ङ्‌हाॽग सुम्‌ये़न्‍नाङ्‌धो इङ्‌गाॽनुए मे़वाॽ, हे़क्‍क्‍याङ् खे़ङ्‌हाॽरे़ चामा थुङ्‌मा थेआङ् मे़ङ्‌गत्तुन्‍लो॥

मर्कुस 8:2 Referans Kwoze

मत्ति 9:36

ये़सुरे़ यरिक् मनाहाॽ निसुसिल्‍ले़ कुलुङ्‌माॽ स्‍याःत् लॽरे़, थेआङ्‌भे़ल्‍ले़ खे़ङ्‌हाॽग मे़ल्‍लुक्‍कम्‍बा मेःन्‍नेबा मे़ल्‍लुक् हे़क्‍के लाम् के़बोःप्‍पाआङ् तुक्‍खे के़जाबा कुइसिक् मे़जोगे़रो॥

मिका 7:19

खे़ने़ॽ याम्‍मो आनिगे याप्‍मि लुङ्‌माॽ के़दुक्‍लो, खे़ने़ॽ आनिगे लायोहाॽ के़लाङ्‌ङिल्‍ले़ के़दोॽरुरो हे़क्‍क्‍याङ् आनिगे के़रे़क् फे़न्‌याःम्‍बक्‍हाॽ कुदिम्‍बे केःम्‍बा वरःङ्‌ङो लाप्‍के़भुसु के़गेःत्तुरो॥

निङ्‌वाॽफु साम्‍लोसुम् 145:15

कुहिङ्‌वे़त् के़रे़क्‍ले़ खे़ने़ॽ ओगे़म्‍मे़त्‍लो, हे़क्‍क्‍याङ् खे़ङ्‌हाॽ चाहाब् मे़जोःक्‍किल्‍ले़ खे़ने़ॽ कुजा के़बिरुसिरो॥

निङ्‌वाॽफु साम्‍लोसुम् 103:13

आक्‍खेलॽरिक् पाःल्‍ले़ साहाॽ लुङ्‌माॽ तुक्‍तुसिरो, हे़क्‍केलॽरिक्‍के यहवे दाङ्‌बे़ल्‍ले़ खुने़ॽ मिङ्‌सो इङ्‌धाङ् के़बिबाहाॽ लुङ्‌माॽ तुक्‍तुसिॽरो॥

हिब्रु 5:2

खुने़ॽग थेआङ् निङ्‌वाॽ मे़ङ्‌घोए के़वाॽबाहाॽ हे़क्‍क्‍याङ् ताप्‍के़बे़ॽबाहाॽनु चुङ्‌जिगे़न् नःम्‍नःम्‍माङ् वाॽमा सुक्‍लो, थेआङ्‌भे़ल्‍ले़ खुने़ॽ आबाङेआङ् पान् फेःम्‍मा के़सुक्‍पा मे़न्‍छाम् याप्‍मिएरो॥

हिब्रु 4:15

आनिॽ मानिङ्‌वाॽफुसाम्‍बाल्‍ले़ नसाःन्‍नो के़धुम्‍बा आन्‍जोःक्‍ने़म्‍बा पाःन्‍निन् कुसिङ्‌निःत्तुॽ, थेआङ्‌भे़ल्‍ले़ खुने़ॽआङ् आनिॽ हे़क्‍केए काक् परिक्‍पा हङ्‌साॽमान् ताःक्‍तु, कर खुने़ॽ लायो मे़जोगुन्‍लो॥

लुका 15:20

“हे़क्‍क्‍याङ् खे़न् मुत्‍थ्रिक् पोगे़आङ् कुम्‍बारो नुःक्‍खे़ पे॥ खे़न् फे़रे़र पत्‍छे़बा माःङ्‌घालाम्‍नुए कुम्‍बारे़ निसुआङ् मिःम्‍जिरे़ कुलुङ्‌माॽ कुधिम् पोःक्‍खे़, हे़क्‍क्‍याङ् लोःक्‍ते़र पेआङ् खे़न् हे़प्‍प्रे़क् हे़प्‍तुआङ् चुप् मे़त्तुरो॥

लुका 7:13

ये़सुरे़ खे़न् मेमेदुमान् ओमे़त्तुल्‍ले़ कुलुङ्‌माॽ सियोन योःन्‍दे़आङ् खे़ने़ॽ मे़हाबे़न्‍ने़ॽओ मे़त्तुर आःन्‍छिङ्‌मा पिरुरो॥

मर्कुस 9:22

कन् फे़न्‍साम्‍मिल्‍ले़ यरिक्‍ले़ङ् से़प्‍मा कोःत्तुल्‍ले़ चुक्‍पे़न् मिओ नु च्‍वाःत्तो से़प्‍मा फाॽआङ् लाप्‍फुसु याक्‍तुरो॥ आदाङ्‌बे, लुङ्‌माॽ आदुक्‍ते़ॽओ, के़सुक्‍तुने़ फाॽग्र आभाॽरे़ॽओ॥”

मर्कुस 6:34

हे़क्‍क्‍याङ् ये़सुन् खःङ्‌बेओलाम् लःन्‍दे़ल्‍ले़ यरिक् मनाहाॽ निसुसिआङ् कुलुङ्‌माॽ मे़दुगे़, थेआङ्‌भे़ल्‍ले़ खे़ङ्‌हाॽ मे़ल्‍लुक्‍कम्‍बा मेःन्‍नेबा मे़ल्‍लुक्‍हाॽ हे़क्‍के मे़लॽरे़॥ हे़क्‍केःल्‍ले़ ये़सुरे़ खे़ङ्‌हाॽ यरिक् निसाम् हुॽरुसि॥

मर्कुस 5:19

कर ये़सुरे़ मे़दे़न्‍दे़न्‍ल अक्‍खे मे़त्तु, “खे़ने़ॽ नुःक्‍खे़ पेगे़ॽआङ् के़हिम्‍सयङ् नु के़बाङ्‌भेॽसाबाहाॽ निङ्‌वाॽफुमाङ्‌ङिल्‍ले़ के़लागि चोगुबा यम्‍बा याःम्‍बक्‍किन् नु लुङ्‌माॽ के़दुक्‍ते़बा पाःन्‍निन् चे़क्‍ते़से़ॽओ॥”

मर्कुस 1:41

ये़सुरे़ लुङ्‌माॽ तुक्‍तुर कुहुक्‍किल्‍ले़ सुसुआङ् मे़त्तु, “इङ्‌गाॽ निङ्‌वाॽ चोगुङ्, खे़ने़ॽ नुरे़ॽओ॥”

मत्ति 20:34

ये़सुरे़ खे़ङ्‌हाॽ लुङ्‌माॽ तुक्‍तुसिआङ् खुन्‍छिॽ मिक्‍हाॽ सुसु पिरुसि, हे़क्‍क्‍याङ् खिमो खे़ङ्‌हाॽ निमा के़सुक्‍पा पोःक्‍खे़त्‍छिआङ् खुने़ॽ कुएगाङ् कुएगाङ् खे़ङ्‌हाॽ थाने़त्‍छिरो॥

मत्ति 14:14

ये़सुन् खःङ्‌बेओलाम् लःन्‍दे़ल्‍ले़ यरिक् मनाहाॽ निसुसिआङ् लुङ्‌माॽ तुक्‍तुसि, हे़क्‍क्‍याङ् खे़प्‍मो के़वाॽबा खे़न् के़दुक्‍पा के़यॽबाहाॽ वेःन्‍दुसिरो॥

निङ्‌वाॽफु साम्‍लोसुम् 145:8

यहवे दाङ्‌बान् के़नुॽबा नु लुङ्‌माॽ आदुक्‍दुक्‍पा चोक्‍लो, हारा कुसाक्‍के़न् मे़न्‍जम्‍मनाबा नु आभे़ल्‍ले़साङ् याप्‍मि मिःम्‍जि आमे़प्‍मे़प्‍पा चोक्‍लो॥

हिब्रु 2:17

खे़ल्‍ले़चोगुल्‍ले़ खुने़ॽग निङ्‌वाॽफुमाङ्‌ङिन् से़वा के़जोःक्‍पा लुङ्‌गुम्‍साबा नु नसाःन्‍साबा मानिङ्‌वाॽफुसाम्‍बा पोङ्‌से़ काक् परिक्‍ले़ आनिॽ हे़क्‍के पोङ्‌मा पोःक्‍खे़रो॥ हे़क्‍क्‍याङ् आनिॽ लायोल्‍ले़न् ले़प्‍मि पिमा के़सुक्‍पा सिदुङ्‌जभा पोःक्‍खे़रो॥

मर्कुस 6:32

हे़क्‍केःल्‍ले़ ये़सुन् नु कुहुॽसाम्‍बाहाॽ खःङ्‌बेओ स्‍वाःत्ताङ् मे़लासे़आङ् एःक्‍सादे़न्‍नो मे़बे॥

मर्कुस 8:3

इङ्‌गाॽ खे़ङ्‌हाॽ हिम्‍मो बा अक्‍खेए पाङ्‌घुङ्‌देःसुङ्‌सिङ्‌ने़ फाॽग्र मे़बेःक्‍ल मे़बत्तिल्‍ले़सा साक्‍किल्‍ले़ साक्‍लाम्‍बत्तुसिॽ, थेआङ्‌भे़ल्‍ले़ कुभाग साॽरिक् माःङ्‌घा माःङ्‌घालाम् मे़द्‌ये़आङ् मे़वाॽरो॥”

१ हाङ् 19:6

खुने़ॽ नाना कत्‍ना ओमे़त्तु हे़क्‍क्‍याङ् खुने़ॽ कुधे़गेक् ले़प्‍माङ् के़ये़म्‍बा मिघाङ्‌ग्रोःक्‍को ओॽमनाबा चारःप्‍पा थिक् नु च्‍वाःत् याङ्‌मा फङ्‌ना थिक् निसु॥ खे़न् च थुङुआङ् याम्‍मो ने़सिङ्॥