मर्कुस 7:5 - लिम्‍बु

⁵ हे़क्‍केःल्‍ले़ फरिसिहाॽ नु साम्‌योथिम्‍साम्‍बाहाॽरे़ ये़सुन् सेःन्‍मे़लाप्‍तु, “के़हुॽसाम्‍बाहाॽरे़ग सुत्‍थो चोःक्‍मा थिम् मे़न्‍जोःक्‍के चा मे़जबा आनिगे निःम्‍ना॥ थेआङ् के़हुॽसाम्‍बाहाॽरे़ आनिॽ पाधे़बाहाॽरे़ मे़जोगु मे़युरुबा थिम्‍मिन् मे़न्‍इःत्तुन् मे़न्‍नाःत्तुन्‍बाबे?”

मर्कुस 7:5 Referans Kwoze

२ थिस्‍सलोनिकि 3:6

फुॽनुसाॽ नु ने़ॽनुसाॽसे, दाङ्‌बा ये़सु ख्रिस्‍तरे़ कुयुक्‍किल्‍ले़ आनिगे खिनिॽ इङ्‌जाङ् पिआसिगे़ॽरो॥ आत्तिन् ले़म्‍स्‍वाबा चोःक्‍काङ् आनिगे ओःन्‍धाक् पिरुम्‍बे़बा पाःन्‍नो मे़बत्‍ने़न्, खे़न्‍नु लाःत्‍लाःत् वये़म्‍मे़ॽओ॥

सेःक्‌युक्‍मिबाहाॽ 21:21

“थिम्‍मे़न्‍दङ् सुवाङ्‌लुम्‍मो के़युङ्‌बा यहुदिहाॽ मोसारे़ कुसाम्‌योथिम्‍मिन् ले़प्‍मादेःमा हे़क्‍क्‍याङ् खुनिॽ ये़म्‍बित्‍छाॽसाहाॽआङ् हर्दो हे़क्‍मा पिमासि मेःन्, हे़क्‍क्‍याङ् आनिॽ यहुदि साम्‌योथिम्‍माङ् नाःप्‍मा मेःन् लॽरिक् के़हुॽरुसिरो फाॽआङ् खे़ने़ॽ के़याःम्‍बेओ खे़ङ्‌हाॽरे़ मे़घे़प्‍सुआङ् मे़वाॽरो॥

गलाति 1:14

इङ्‌गाॽ यहुदि आबे़रे़हाॽनुःल्‍ले़आङ् यरिक् यहुदि साम्‌योओ पोमा निङ्‌वाॽ पिरुङ् हे़क्‍क्‍याङ् आम्‍बा आन्‍धे़बाहाॽलाम् के़बोङ्‌बा के़युःबा साम्‌योथिम्‍हाॽ इःप्‍मा नाःप्‍मा कुसिक् के़सम्‍बा वयाङ्‌लो॥

सेःक्‌युक्‍मिबाहाॽ 21:24

खे़ने़ॽआङ् कङ्‌हाॽ माङ्‌हिम्‍मो तेॽरे़से़ॽआङ् खे़ङ्‌हाॽनुए सोरिक् सेसे पोःक्‍खे़ॽओ॥ खे़ङ्‌हाॽरे़ सिदुङ्‌जभा चोःक्‍मारे़ लागि खे़न् थिम्‍मो चाहाबा के़जोःक्‍पा चिगक्‌वाहाॽ खे़ने़ॽ केःत्ते़ पिरे़से़ॽओ॥ खे़ङ्‌हाॽरे़ माङ्‌हे़क्‍सिङ्‌मान् के़रे़रो के़लॽबा ओसेःन्‍धाक्‍से़ खुनिॽ थे़गेःक्‍किन् हाराॽ मे़नःक्‍खुनिरो॥ अक्‍खेलॽरिक् खे़ने़ॽ साम्‌योथिम्‍मिन् के़नाःत्तुबा के़इःत्तुबा यहुदिहाॽरे़ मे़निसुआङ् के़याःम्‍बेओ मे़घे़प्‍सुबा पाःन्‍निन् से़क्‍खा मे़ःन्‍ले़छ फाॽआङ् के़रे़क्‍ले़ निङ्‌वाॽ मे़घोसुरो॥

मत्ति 15:2

“थेआङ् के़हुॽसाम्‍बाहाॽरे़ आनिॽ पाधे़बाहाॽरे़ मे़जोगु मे़युरुबा थिम्‍मिन् मे़न्‍इःत्तुन् मे़न्‍नाःत्तुन्‍बाबे? खे़ङ्‌हाॽरे़ चामानुःल्‍ले़ तगि चोःक्‍थिम् कुइसिक् हुक् वामे़न्‍हप्‍तुन्‍लो॥”

रोमि 4:12

अब्राहाम्‍मिङ्‌ग हर्दो के़हे़क्‍पाहाॽरे़न्‍नाङ् खुनिॽ पारो, कर हर्दो के़हे़क्‍पाआङ् अब्राहामरे़ हर्दो हे़क्‍मानुःल्‍ले़ तगि कत्तुबा कुइसिक् नसान् के़गप्‍पाहाॽरे़न्‍लक् खुनिॽ पारो॥

२ थिस्‍सलोनिकि 3:11

थेआङ् कन् पाःन्‍हाॽ मे़त्तासिगे़बा फाॽले़ खिनिॽ लुम्‍मो याःम्‍बक् मे़न्‍जोःक्‍मनाबा कुभा ले़म्‍स्‍वाबा मनाहाॽ मे़वाॽ॥ हे़क्‍क्‍याङ् खे़ङ्‌हाॽरे़ वेॽ मनाहाॽरे़ खुनिॽ याःम्‍बक्‍को नु पाःन्‍नोरक् हुक्‍मे़गेःत्तु के़लॽबान् खे़प्‍सुम्‍बे़आङ् वयिगे़रो॥

मर्कुस 7:8

खिनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् के़नाॽरुम्‍माङ् मे़न्‍छाम्‍गे़न् याप्‍मिहाॽरे़ खुनिॽ चोःक्‍थिम्‍मिन् के़इःत्तुम् के़नाःत्तुम्‍लो॥

मर्कुस 7:9

“खिनिॽ पाधे़बाहाॽरे़ मे़जोगु मे़युरुबा थिम्‍मिन् इःप्‍मा नाःप्‍मा साॽरिक् चाःप्‍पा के़जोगिॽआङ् निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् के़नाॽरुम्‍लो॥

मर्कुस 7:13

अक्‍खेलॽरिक् खिनिॽ के़बोङ्‌बा के़युःबा चोःक्‍थिम्‍हाॽ के़इःत्तुम् के़नाःत्तुम्‍माङ् निङ्‌वाॽफु पाःन्‍जाक्‍किन् के़ले़रुम् के़देःसुम्‍लो॥ बाहे़क्‍तङ्‌बा याःम्‍बक्‍हाॽरक् खिनिॽ के़जोगुम्॥”