मर्कुस 3:7 - लिम्‍बु

⁷ हे़क्‍क्‍याङ् ये़सुन् कुहुॽसाम्‍बाहाॽनु वरक्‍किल्‍ले़ कुयाओ पेःल्‍ले़ खे़प्‍मो गालिल थुम्‍मोलाम् यरिक् मनाहाॽरे़ खुने़ॽ मे़दिम्‍दुरो॥

मर्कुस 3:7 Referans Kwoze

लुका 6:17

हे़क्‍क्‍याङ् ये़सुन् कुहुॽसाम्‍बाहाॽनु यो थ्‍ये़आङ् ने़ने़बा ते़न्‍नो ये़म्‍सिङ्‌लो॥ खे़प्‍मो यरिक् कुहुॽसाम्‍बाहाॽ नु काक् यहुदिया थुम्, यरुसले़म, हे़क्‍क्‍याङ् वरक्‍किल्‍ले़ कुयाओ के़ने़बा तायर नु सिदोन ये़क्‌यक्‍कोलाम् यरिक् मनाहाॽ मे़द्‌ये़आङ् मे़वये़॥

मत्ति 4:25

हे़क्‍क्‍याङ् गालिल थुम्, देकापोलिस थुम्, यरुसले़म, यहुदिया नु यर्दन यङ्‌घङ् नाधाःम्‍बिबा थुम्‍मोलाम् के़दाबा यरिक् मनाहाॽरे़ खुने़ॽ मे़दिम्‍दुरो॥

मत्ति 12:15

ये़सुरे़ खे़न् चे़म्‍भन् मे़जोगुबान् निङ्‌वाॽ खोसुआङ् खुने़ॽ खे़प्‍मोलाम् पेरो॥ यरिक् मनाहाॽरे़ खुने़ॽ मे़दिम्‍दु हे़क्‍क्‍याङ् खे़न् के़दुक्‍पा के़यॽबाहाॽ के़रे़क् वेःन्‍दुसि,

लुका 23:5

कर खे़ङ्‌हाॽरे़ याम्‍मो ये़सुन् अक्‍खे मे़मे़त्तुर आप्‍तिक् मे़गुःत्तु, “कन् मनाःल्‍ले़ कुनिसाम्‍मिल्‍ले़ कन् के़रे़क् मनाहाॽ के़रे़क् यहुदिया नु गालिललाम् कप्‍मो थारिक् हाङ्‌बिफ्‍युङ् चोःक्‍मा हुसुसिर वाॽरो॥”

लुका 6:12

थिक्‌ये़न् ये़सुन् कोःक्‍माओ तुवा चोःक्‍से़ पेआङ् नाम्‍दाःत्ताःत् निङ्‌वाॽफुमाङ्‌ङो तुवा चोगे़रो॥

मर्कुस 1:39

हे़क्‍क्‍याङ् ये़सुरे़ गालिल थुम्‍मो खाराक् लाङ्‌घेगे़र खे़ङ्‌घात्तिबा यहुदि चुम्‍लुङ्‌हिम्‍मो सुनाइङ् से़सुआङ् फे़न्‍साम्‍हाॽ नाःत्तु लःत्तुसिरो॥

मत्ति 10:23

खिनिॽ थिक्‍ते़न्‍नो तुक्‍खे के़म्‍जाःत्तिल्‍ले़ वेॽसमा ते़न्‍नो खे़त्‍छिङ्‌ङे़म्‍मे़ॽओ॥ इङ्‌गाॽ से़क्‍खाए मे़त्‍निङ्, इङ्‌गाॽ मे़न्‍छाम्‍सान् नुःङ्‌ङा युआल्‍ले़ खिनिॽ कन् इस्राइलसमा के़रे़क् ये़क्‌यक्‍हाॽओ सुनाइङ् से़ःमा याःम्‍बक् मे़न्‍छुःत्ते के़वयिॽरो॥

यहोसु 21:32

नप्‍तालिरे़ कुधाःक्‍कोलाम् गालिलओ मना के़से़प्‍पे़ल्‍ले़ कुलागि से़ःप्‍सिङ्‌मादे़न् ये़क्‌यक् निःन्‍धो के़बोङ्‌बा केदेस, खे़प्‍मोबा थक्‍सा चाराम्‍दे़न्‍हाॽनु सोसोरिक् हे़क्‍क्‍याङ् हम्‍मोत-दोर नु कर्तान खे़प्‍मोबा थक्‍सा चाराम्‍दे़न्‍हाॽनु सोसोरिक् सुम्‍सि ये़क्‌यक्‍हाॽ मे़बिरुसि॥

यहोसु 20:7

हे़क्‍क्‍याङ् खे़ङ्‌हाॽरे़ यर्दन नाम्‍धा पिसाङ् गालिलओ नप्‍तालिबा कोःक्‍मा फाङ्‌जङ् लाजेॽओ केदेस, एफ्राइमबा कोःक्‍मा फाङ्‌जङ् लाजेॽओ सकेम नु यहुदाबा कोःक्‍मा फाङ्‌जङ् लाजेॽओ किर्यत-अर्बान् (खे़न् हेब्रोन मे़मे़त्तु) मे़दोन्‍दु॥

सेःक्‌युक्‍मिबाहाॽ 17:14

खिमो नसानिबा फुॽनुसाॽहाॽरे़ वालाम्‍दिक् चोःक्‍से़ पावले़न् वाहङ्‌ङिल्‍ले़ कुयाओ मे़बाङ्‌घु मे़देसुरो॥ कर सिलास नु तिमोथिन् ने़प्‍माङ् बेरियाओ वये़ लारे़त्‍छिरो॥

सेःक्‌युक्‍मिबाहाॽ 17:10

हे़क्‍क्‍याङ् से़न्‍दिक् पोःक्‍खे़आङ् खिमो नसानिबा फुॽनुसाॽहाॽरे़ पावल नु सिलासे़न् बेरिया पाङ्‌जुम् ले़प्‍माङ् मे़बाङ्‌घु मे़देसुसि॥ खे़प्‍मो के़रे़त्‍छिआङ् यहुदि चुम्‍लुङ्‌हिम्‍मो पेसिरो॥

युहुन्‍ना 7:52

हे़क्‍केःल्‍ले़ खे़ङ्‌हाॽरे़ नोगप् मे़बिरु, “खे़ने़ॽआङ् गालिललाम्‍मे के़द्‌ये़बाबि? खे़ने़ॽ आबाङे साम्‌योसाप्‍लान् निरे़ साॽरे़, गालिललाम्‍बाग आप्‍फाल्‍ले़आङ् माङ्‌निङ्‌वाॽपान् के़बाःप्‍पे़न् मे़दाने़न्‍लो॥”

युहुन्‍ना 7:41

वेॽहाॽरे़ मे़बाःत्तु “खुने़ॽग निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍तरो॥” कर आल्‍लसाङ् वेॽहाॽरे़ अक्‍खेलॽरिक् मे़बाःत्तु, “कङ्‌ग पोङ्‌माए मे़सुक्‍ने़न्‍लो, थेआङ्‌भे़ल्‍ले़ ख्रिस्‍ते़ङ्‌ग गालिल थुम्‍मोलाम् मे़दाने़न्‍लो॥

मत्ति 12:16

कर ये़सुरे़ खे़ङ्‌हाॽ खुने़ॽ कुयाःम्‍बेओ थेआङ् मे़म्‍बाःत्तुन्‍ल फाॽआङ् के़साक्‍पा इङ्‌जाङ् पिरुसि॥

मर्कुस 1:45

कर खुने़ॽ पेआङ् नुरे़बा पाःन्‍निन् के़रे़क् मनाहाॽ चे़क्‍तुसि॥ खे़ल्‍ले़चोगुल्‍ले़ ये़सुन् पाङ्‌जुम्‍मो मनाहाॽरे़ मे़निसुर तामा मे़सुक्‍ते़न्‍लो॥ हे़क्‍क्‍याङ् खुने़ॽ लाःक्‍कात् एःक्‍सादे़न्‍नो वये़आङ् खे़प्‍मोए काक् पिसाङ्‌लाम् यरिक् मनाहाॽ मे़द्‌ये़रो॥

मर्कुस 3:20

हे़क्‍क्‍याङ् ये़सुन् हिम्‍मो लासे़आङ् खे़प्‍मो यरिक् मनाहाॽ मे़जुप्‍से़बाल्‍ले़ चोगुल्‍ले़ खुने़ॽ नु कुहुॽसाम्‍बाहाॽरे़ चाजामा ये़म्‍मिन्‍ने मे़ङ्‌घोसुन्‍लो॥

मर्कुस 4:1

याङ्‌सि याम्‍मो ये़सुरे़ गालिल वरक्‍किल्‍ले़ कुयाओ निसाम् हुॽमा हेःक्‍तुसिरो॥ खे़प्‍मो यरिक् मनाहाॽ मे़जुप्‍से़, हे़क्‍केःल्‍ले़ खुने़ॽ खःङ्‌बेओ लासे़आङ् युङ्‌सिङ्, कर मनाहाॽ लाःक्‍कात् वरक्‍किल्‍ले़ कुयाओ मे़ये़बे़॥