मर्कुस 3:4 - लिम्‍बु

⁴ हे़क्‍क्‍याङ् ये़सुरे़ खे़ङ्‌हाॽ सेःन्‍दोसुसि, “नाःम्‍सिङ् ये़न्‍नो नुबा नु ताप्‍फे़ःम्‍बा याःम्‍बक्‍को, आत्तिन् चोःक्‍मा नुबाबे? हिङ्‌मन् ताङ्‌से़ःप्‍माबि मे़ङ्‌माबि?” कर खे़न् मनाहाॽ मे़म्‍बाःत्ते स्‍वाःत् मे़युङे़रो॥

मर्कुस 3:4 Referans Kwoze

लुका 6:9

ये़सुरे़ खे़ङ्‌हाॽ मे़त्तुसि, “इङ्‌गाॽआङ् पाःन्‍धिक् सेःन्‍दोनिङ्‌लो—नाःम्‍सिङ् ये़न्‍नो नुबा नु ताप्‍फे़ःम्‍बा याःम्‍बक्‍को, साम्‌योथिम्‍मिल्‍ले़ आत्तिन् चोःक्‍मा आबिॽबे? हिङ्‌मन् से़ःप्‍माबि मे़ङ्‌माबि?”

मर्कुस 9:34

कर खे़ङ्‌हाॽ मे़म्‍बारे़न्, थेआङ्‌भे़ल्‍ले़ खे़ङ्‌हाॽ आनिॽओ के़रे़क्‍नुःल्‍ले़ यम्‍बान् हाःप्‍पे फाॽआङ् पाःन्‍मे़धक्‍ते़आङ् मे़वये़रो॥

होसे 6:6

थेआङ्‌भे़ल्‍ले़ आङ्‌गाॽग वयागे़न् सिदुङ्‌जभाहाॽ मेःन्‍लो चक्‍मे़न्‍लॽए याप्‍मि मिःम् के़मे़त्तिबा निङ्‌वाॽ चोगुङ्‌लो, हे़क्‍क्‍याङ् मिधिङ्‌मनादेमनाबा सिदुङ्‌जभानुःल्‍ले़ आल्‍लसाङ् यरिक् निङ्‌वाॽफुमाङ्‌ङिन् कुसिङ् के़निःत्तुम्‍बा निङ्‌वाॽ चोगुङ्‌लो॥

मर्कुस 3:3

ये़सुरे़ खे़न् कुहुक् के़हेबा मनान् मे़त्तु, “फे़रे़ॽआङ् के़रे़क्‍ले़ खुनिॽ तगि ये़बे़ॽ॥”

मर्कुस 3:5

हे़क्‍क्‍याङ् ये़सुरे़ खे़ङ्‌हाॽरे़ खुनिॽ निङ्‌वाॽ चिःप्‍मान् निसुआङ् खुने़ॽ कुनिङ्‌वाॽ तुगे़आङ् साॽरिक् कुसिक् पोगे़रो॥ हे़क्‍क्‍याङ् खे़न् मनान् मे़त्तु, “के़हुक्‍किन् सन्‍छे़ॽ॥” हे़क्‍क्‍याङ् खे़ल्‍ले़ कुहुक्‍किन् सन्‍छुल्‍ले़ खिमो वेःत्ते़रो॥