मर्कुस 3:2 - लिम्‍बु

² नाःम्‍सिङ् ये़न्‍नो खे़न् मनान् ये़सुरे़ वेःन्‍दुॽने़ फाॽग्र खुने़ॽ फोत्‍या कुःप्‍मा फाॽआङ् मनाहाॽरे़ ये़सुन् मे़सुगुर मे़वये़॥

मर्कुस 3:2 Referans Kwoze

निङ्‌वाॽफु साम्‍लोसुम् 37:32

कुइगे़भे़म्‍बाहाॽरे़ साम्‌योबा मनाहाॽ से़प्‍मासिरे़ लागि मे़सुगुसिआङ् मे़युङ्‌लो॥

लुका 14:1

थिक् नाःम्‍सिङ् ये़न्‍नो ये़सुन् लत्‍छा फरिसि लाम्‍लोबाल्‍ले़ कुहिम्‍मो चाजासे़ पे॥ खे़प्‍मो मनाहाॽरे़ खुने़ॽ मे़धोःप्‍सुआङ् मे़वये़,

लुका 6:7

आल्‍ल कुभा फरिसिहाॽ नु साम्‌योथिम्‍साम्‍बाहाॽरे़ ये़सुरे़ खे़न् मनान् नाःम्‍सिङ् ये़न्‍नो वेःन्‍दुल्‍ले़ आप्‍तिक् कुःप्‍मा फाॽआङ् खे़प्‍मो मे़सुगुआङ् मे़वये़रो॥

लुका 20:20

खे़ल्‍ले़चोगुल्‍ले़ खे़ङ्‌हाॽरे़ ये़सुन् ते़म्‍मा फाॽआङ् सुये़म् कोःप्‍मा मे़हेःक्‍तु॥ खे़ङ्‌हाॽरे़ मनाहाॽ याङ् मे़बिरुसिआङ् साम्‌योबा मे़ले़ङ्‌सिङ्‌ङाङ् ये़सुरे़ कुधोःम्‍से़ मे़बाङ्‌घुसि॥ खे़ङ्‌हाॽरे़ कुबाःन्‍नो ते़म्‍माआङ् रोमि युक्‍साबाहाॽ नु सुहाङ्‌गे़म्‍बाहाॽ पिमासि के़लॽबा निङ्‌वाॽ मे़जोगुरो॥

युहुन्‍ना 9:16

कुभा फरिसिहाॽरे़ अक्‍खे मे़बाःत्तु, “कन् ये़सु मे़प्‍मनाबाङ्‌ग निङ्‌वाॽफुमाङ्‌लाम् त्‍ये़बा मेःन्‍लो, थेआङ्‌भे़ल्‍ले़ खुने़ॽ नाःम्‍सिङ् ये़न्‍नो याःम्‍बक् चोक्॥” कर वेॽहाॽरे़ मे़बाःत्तु, “लायोबा मनाःल्‍ले़ आक्‍खेलॽरिक् निङ्‌वाॽ के़माबा याःम्‍बक् चोःक्‍मा सुक्‍तुबे?” हे़क्‍केलॽरिक् खे़ङ्‌हाॽरे़ खुनिॽ निङ्‌वाॽ मे़दङे़न्‍नाङ् मे़से़रे़रो॥

मत्ति 12:10

खे़प्‍मो कुहुक् के़सम्‍बा मनाधिक् वये़॥ हे़क्‍क्‍याङ् खे़प्‍मो कुभा यहुदिहाॽरे़ ये़सुन् आप्‍तिक् कुःप्‍मा फाॽआङ् मे़सुगुर मे़वये़आङ् सेःन्‍मे़दोसु, “नाःम्‍सिङ् ये़न्‍नो मनाहाॽ वेःम्‍मासि साम्‌योथिम्‍मिल्‍ले़ आबिॽबि मेःम्‍बि?”

दानिए़ल 6:4

खे़ब्‍याङ् युक्‍साबाहाॽ नु हाङ्‌जुम्‍मोबा यम्‍बा सुहाङ्‌गे़म्‍बाहाॽरे़ दानिए़ले़न् आप्‍तिक् कुःप्‍मारे़ लागि हाङ्‌जुम्‍बा याःम्‍बक्‍हाॽओ खुने़ॽ फेःन्‍दुबा पाःन्‍हाॽ कोःप्‍मा मे़हेःक्‍तु, कर खे़ङ्‌हाॽरे़ हे़क्‍के चोःक्‍मा मे़न्‍छुक्‍तुन्॥ खे़ङ्‌हाॽरे़ खुने़ॽओ थे़माआङ् फे़न्‌याःम्‍बक् खोमा मे़न्‍छुक्‍तुन्, थेआङ्‌भे़ल्‍ले़ खुने़ॽ निङ्‌वाॽइरे़ खोःप्‍तुबा हे़क्‍क्‍याङ् कुदोःप्‍मा याःम्‍बक् के़जोःक्‍पा नु कुबाःप्‍पाःत् पे़र्गे़क् वर्गे़क्‍काङ् मे़न्‍जोःक्‍मनाबा वये़॥

यर्मिया 20:10

के़रे़क्‍ले़ मुरा मुसिक् मुसिक् लॽरिक् मे़बाःत्तुबान् खे़प्‍सुङ्‌लो, “के़रे़क् पिसाङ् किमा यङ्‌मारक् वाॽरो, कल्‍ले़ कुदक्‍ले़ङ्‌वाओ आनिॽ सुहाङ्‌युक्‍पाहाॽओ लुङ्‌हाःन्‍पान् युक्‍खुम्‍लो!” आङ्‌गाॽ कुस्‍साङ् मे़ल्‍लःम्‍मनाबा पोङ्‌ङाबान् आनिःत्ताङ्‌बा आन्‍जुम्‍हाॽरे़आङ् मे़हाङ्‌घुर मे़वाॽरो॥ खे़ङ्‌हाॽरे़ मे़बाःत्तुॽ, “से़क्‍खाःल्‍ले़ खे़न् फे़न्‍पाःन्‍नो थाबिलारो, हे़क्‍केःल्‍ले़ खे़ल्‍ले़ ताप्‍फे़ःम्‍बा कुबाःन्‍निन् आघोसुम्‍माङ् खे़न् कुले़क्‌वा नुःक्‍मा आसुक्‍तुम्‍बिलारो॥”

मर्कुस 3:3

ये़सुरे़ खे़न् कुहुक् के़हेबा मनान् मे़त्तु, “फे़रे़ॽआङ् के़रे़क्‍ले़ खुनिॽ तगि ये़बे़ॽ॥”

युहुन्‍ना 8:6

खे़ङ्‌हाॽरे़ खुने़ॽ पाःन्‍नो थाःमाआङ् कुदक्‍ले़ङ्‌वाओबा पाःन्‍निन् खोमा फाॽआङ् कन् सेःन्‍मे़दोसुआङ् वये़, कर ये़सुन् थुःङ्‌सिङ्‌ङाङ् खाम्‍बाङ्‌ङो थेधेइ कुहुक्‍चोःल्‍ले़ साप्‍तुर युङे़॥