मर्कुस 2:2 - लिम्‍बु

² यरिक् मनाहाॽ खे़न् हिम्‍मो हत्‍मे़न्‍हत् लाम्‍धेःप्‍पुङ्‌नु लक्‍खुम्‍मो थारिक् मे़जुप्‍से़आङ् ये़सुरे़ खे़ङ्‌हाॽ सुनाइङ् इङ्‌भन्‌ चोगुसिरो॥

मर्कुस 2:2 Referans Kwoze

मर्कुस 2:13

याम्‍मो ये़सुन् वरक्‍किल्‍ले़ कुयाओ पे॥ यरिक् मनाहाॽरे़ खुने़ॽ मे़दिम्‍दुआङ् ये़सुरे़ खे़ङ्‌हाॽ खाहुन् हुॽरुसि॥

मर्कुस 1:45

कर खुने़ॽ पेआङ् नुरे़बा पाःन्‍निन् के़रे़क् मनाहाॽ चे़क्‍तुसि॥ खे़ल्‍ले़चोगुल्‍ले़ ये़सुन् पाङ्‌जुम्‍मो मनाहाॽरे़ मे़निसुर तामा मे़सुक्‍ते़न्‍लो॥ हे़क्‍क्‍याङ् खुने़ॽ लाःक्‍कात् एःक्‍सादे़न्‍नो वये़आङ् खे़प्‍मोए काक् पिसाङ्‌लाम् यरिक् मनाहाॽ मे़द्‌ये़रो॥

२ तिमोथि 4:2

सुनाइङ् इङ्‌भोसे़ॽ॥ आप्‍फाल्‍ले़साङ् सुनाइङ् से़मा खे़ने़ॽग यारिप् पोःक्‍खे़आङ् वये़ॽओ॥ निङ्‌वाॽ हाङ्‌गे़म्‍सिङ्‌ल निसाम्‍नु मनाहाॽ नुरिक्‍काङ् खाहुन् पिरे़से़ॽ, फे़ःक्‍ते़से़ॽ, हे़क्‍क्‍याङ् हाङ्‌हाङ् मे़त्ते़से़ॽओ॥

रोमि 10:8

कर कल्‍ले़ थे पाःत्तुबे? “पाःन्‍जाक्‍किङ्‌ग के़बेसाङ्‌ङे वाॽ, के़मुराओ हे़क्‍क्‍याङ् के़सिक्‍लुङ्‌मो वाॽ,” खे़ङ्‌ग आनिगे इङ्‌भोसुम्‍बे़बा ख्रिस्‍ते़न् नसाःन्‍निल्‍ले़ कुयाःम्‍बेओबा पाःन्‍जाक्‍लो—

सेःक्‌युक्‍मिबाहाॽ 16:6

पावल नु कुन्‍देःङ्‌हाॽ फ्रिगिया नु गलातियासमा थुम्‍मो लाम्‍दिक् मे़जोगे़, थेआङ्‌भे़ल्‍ले़ सेसेमाङ्‌ङिल्‍ले़ खे़न् ये़म्‍मो खे़ङ्‌हाॽ एसियासमा ते़ङ्‌गप्‍पो सुनाइङ् से़मा साक्‍तुसिआङ् वये़रो॥

सेःक्‌युक्‍मिबाहाॽ 14:25

खे़ङ्‌हाॽरे़ याम्‍मो पर्गाओ इङ्‌भन्‌ चोगे़त्‍छु, हे़क्‍क्‍याङ् अतालिया ये़क्‌यक्‍को पेसिरो॥

सेःक्‌युक्‍मिबाहाॽ 11:19

आल्‍ल स्‍तिफनसे़न् मे़से़रुआङ् एगाङ् यरुसले़म्‍मो तुक्‍खे मे़जाःत्तुसिबाल्‍ले़ चोगुल्‍ले़ नसानिबाहाॽ काक् पिसाङ् मे़से़रे़र मे़बेरो॥ कुभाग फोनिसिया ते़ङ्‌गप्, सैप्रस वागप्‍खाम्, नु एन्‍तिओक ये़क्‌यक्‍काङ् मे़गे़रे़रो॥ खे़ङ्‌हाॽरे़ग खे़प्‍मोबा यहुदिहाॽरक् सुनाइङ् इङ्‌मे़भोसुसिरो॥

सेःक्‌युक्‍मिबाहाॽ 8:25

हे़क्‍क्‍याङ् ये़सुरे़ कुयाःम्‍बेओ चे़क्‍खे़त्‍छुर दाङ्‌बाल्‍ले़ कुबाःन्‍जाक् इङ्‌भन्‌ चोगे़त्‍छुआङ् युहुन्‍नान् नु पत्रुसे़न् यरुसले़म ले़प्‍माङ् नुःक्‍खे़त्‍छिल्‍ले़ लाम्‍मोबा यरिक् सामरियासमा पाङ्‌भेॽहाॽओ सुनाइङ् से़से़त्‍छुरो॥

लुका 12:1

खे़प्‍मो निःत्‍मे़न्‍दे़त्ते हे़न्‍छिङ्‌ङाङ्‌धो मनाहाॽ चिए़त् चिए़त् मे़ए़त्‍छिङ्‌ल मे़जुप्‍से़॥ हे़क्‍क्‍याङ् ये़सुरे़ कुहुॽसाम्‍बाहाॽ अक्‍खेलॽरिक् मे़त्तुसि, “फरिसिहाॽरे़ खुनिॽ खरे़ःङ् के़भङ्‌बा सिदाॽलाम् सिङ्‌सिङ् लॽरे़म्‍मे़ॽओ! खे़न् सिदाॽ फाॽइन् खुनिॽ निङ्‌वाॽ चिःप्‍मान्‍लो॥

लुका 8:11

“कन् खे़दाॽइल्‍ले़ कुबेन् अक्‍तङ्‌बा चोक्—याॽरिःम्‍बा फाॽइन् निङ्‌वाॽफु पाःन्‍जाक्‍किन्‍लो॥

लुका 8:1

खे़न् एगाङ् ये़सुन् निङ्‌वाॽफुहाङ्‌जुम्‍मिल्‍ले़ कुयाःम्‍बेओ सुनाइङ् से़सुर ये़क्‌यक् नु पाङ्‌भेॽहाॽओ लाम्‍दिक् चोगे़॥ खुने़ॽनु थिक्-ने़त् कुहुॽसाम्‍बाहाॽ मे़वये़,

मर्कुस 1:37

खुने़ॽ मे़दुमुआङ् मे़मे़त्तु, “आदाङ्‌बे, के़रे़क् मनाहाॽरे़ खे़ने़ॽ के़म्‍गोःत्‍ल मे़वाॽरो॥”

मर्कुस 1:33

खे़न् पाङ्‌जुम्‍मोबा यरिक् मनाहाॽ खे़न् हिम्‍मो मे़जुप्‍से़॥

मर्कुस 1:14

आल्‍ल युहुन्‍नान् पुङ्‌लाहिम्‍मो मे़साक्‍तुआङ् यागे़ल्‍ले़ ये़सुन् निङ्‌वाॽफुमाङ्‌ङिल्‍ले़ कुसुनाइङ्‌ङिन् इङ्‌भन्‌ से़सुर गालिल थुम्‍मो त्‍ये़रो॥

मत्ति 5:2

हे़क्‍क्‍याङ् खुने़ॽ अक्‍खेलॽरिक् खे़ङ्‌हाॽ हुॽमा हेःक्‍तुसि—

निङ्‌वाॽफु साम्‍लोसुम् 40:9

आङ्‌गाॽ के़मनाहाॽरे़ खुनिॽ तगि आनिगे याप्‍मि से़न्‍लप् के़बि फाॽआङ् पाःत्तुङ्‌लो॥ यहवे दाङ्‌बाए, कन् पाःन्‍निन् पाःप्‍मा आङ्‌गाॽ मे़ले़त्तान् के़लॽबान् खे़ने़ॽ के़निसुरो॥

लुका 5:17

थिक्‌ये़न् ये़सुन् मनाहाॽ खाहुन् हुॽरुसिर युङे़ल्‍ले़ खे़प्‍मो गालिल नु यहुदियासमा यरिक् पाङ्‌जुम्‍मोलाम् हे़क्‍क्‍याङ् यरुसले़मलाम् फरिसिहाॽ नु साम्‌योथिम्‍साम्‍बाहाॽआङ् मे़द्‌ये़आङ् खाहुन् मे़घे़प्‍सुर मे़युङे़॥ ये़सुरे़ निङ्‌वाॽफुमाङ्‌ङिल्‍ले़ वेःम्‍मा कुमुक्‍साम्‍मिन् कत्तुआङ् वये़,

मर्कुस 6:34

हे़क्‍क्‍याङ् ये़सुन् खःङ्‌बेओलाम् लःन्‍दे़ल्‍ले़ यरिक् मनाहाॽ निसुसिआङ् कुलुङ्‌माॽ मे़दुगे़, थेआङ्‌भे़ल्‍ले़ खे़ङ्‌हाॽ मे़ल्‍लुक्‍कम्‍बा मेःन्‍नेबा मे़ल्‍लुक्‍हाॽ हे़क्‍के मे़लॽरे़॥ हे़क्‍केःल्‍ले़ ये़सुरे़ खे़ङ्‌हाॽ यरिक् निसाम् हुॽरुसि॥

मर्कुस 2:1

थिक्‌ये़न् निये़न् एगाङ् ये़सुन् कपर्नहुम पाङ्‌जुम्‍मो नुःक्‍खे़ त्‍ये़॥ हे़क्‍क्‍याङ् खुने़ॽ हिम्‍मो वाॽ के़लॽबा इङ्‌घङ्‌ङिन् से़रे़रो॥