मर्कुस 16:8 - लिम्‍बु

⁸ हे़क्‍क्‍याङ् खे़ङ्‌हाॽ इःप्‍पुङ्‌लाम् लाःक्‍कात् मे़लःन्‍दे़आङ् मे़लोःक्‍ते़, थेआङ्‌भे़ल्‍ले़ खे़ङ्‌हाॽ साॽरिक् मे़गिसे़आङ् मे़वये़रो॥ खे़ङ्‌हाॽरे़ हाःत्ताङ् थेआङ् मे़म्‍मे़त्तुन्॥

मर्कुस 16:8 Referans Kwoze

लुका 24:37

हे़क्‍क्‍याङ् के़रे़क्‍ले़ खुनिॽ निङ्‌वाॽ मये़आङ् साॽरिक् मे़गिसे़॥ खे़ङ्‌हाॽरे़ग आल्‍ल सिसाम्‍मिन्‍ने़ आनिसुम् फाॽआङ् मे़इःत्तु॥

मत्ति 28:8

हे़क्‍केःल्‍ले़ खे़न् मे़न्‍छुमाहाॽ किःसे़त्‍छिसाङ् ओमुलॽरे़त्‍छिर ये़सुरे़ कुहुॽसाम्‍बाहाॽ मे़वये़बा ते़न्‍नो खे़न् पाःन्‍निन् मे़त्‍छे़ इःप्‍पुङ्‌लाम् चात्ते़त्‍छिर पेसिरो॥

लुका 10:4

खिनिॽ लाम्‍दिःक्‍को साब्रिहाॽ, सुक्‌वाहाॽ हे़क्‍क्‍याङ् लाङ्‌सुःप्‍हाॽ थेआङ् मे़याङ्‌ङासिम्‍मे़न्‍ने़ॽओ, हे़क्‍क्‍याङ् लाम्‍मो मनाहाॽनु से़वा मये़म्‍मे़ॽर मे़हम्‍सिङ्‌ङे़म्‍मिन्‍ने़ॽओ॥

२ हाङ् 4:29

खे़ब्‍याङ् एलिसाःल्‍ले़ गेहजिःन् मे़त्तु, “खे़ने़ॽ के़हे़प्‍सुबा तेःत्तिल्‍ले़ के़गेङ्‌ङो खेःक्‍खे़ॽ॥ कन् आङ्‌गाॽ आदक्‍काःत्ते़न् तेॽरे़आङ् लोःक्‍ते़ पेगे़ॽ॥ खे़ने़ॽ लाम्‍मो कुभा के़दुमुसिने़भग्र खे़ङ्‌हाॽ से़वा मे़मे़त्ते़से़न्‍ने़ॽ हे़क्‍क्‍याङ् खे़ङ्‌हाॽरे़ से़वा के़म्‍मे़त्‍ने़भग्र खे़ङ्‌हाॽ पाःन्‍मे़साःत्ते़से़न्‍ने़ॽ॥ कन् आङ्‌गाॽ आदक्‍काःत्तिन् खे़न् चुक्‍पे़ल्‍ले़ कुनाओ ने़स्‍से़ पिरे़ॽ॥”

मत्ति 7:28

ये़सुरे़ कन् के़रे़क् पाःन्‍हाॽ पाःत्तु सुरु, हे़क्‍क्‍याङ् कुनिसाम् के़घे़म्‍बा यरिक् मनाहाॽरे़ खुनिॽ निङ्‌वाॽ मये़रो,

मर्कुस 16:7

खिनिॽ पेगे़म्‍मे़ॽआङ् कुहुॽसाम्‍बाहाॽ नु पत्रुसे़न् कन् इङ्‌घङ्‌ङिन् पिरे़म्‍सिम्‍मे़ॽ, ‘खुने़ॽ तगि के़मे़त्तिबा हे़क्‍केए खिनिॽनुःल्‍ले़ तगि गालिलओ पेःक्‍लो, हे़क्‍क्‍याङ् खे़त्‍थोए खुने़ॽ के़दुमुम्‍लो॥’”

मर्कुस 16:9

((आल्‍ल ते़ने़बा ये़न्‍नो खाओःत्ते़र पत्‍छे़ल्‍ले़ ये़सुन् सिमे़न्‍लाम् याम्‍मो हिङे़आङ् थिक्‍सिगेःक्‍पो मरियम मग्‍दलिनिरो ओसेःन्‍धाक्‍सिङ्‌लो॥ खे़ल्‍लोलाम् नुसि फे़न्‍साम्‍हाॽ ये़सुरे़ नाःत्तु लःत्तुसिआङ् वये़॥