मर्कुस 12:2 - लिम्बु2 हे़क्क्याङ् चे़ल्ले़क्सेॽ तुप्मा ये़म् त्ये़ःल्ले़ कुलक् लासे़ कुसे़वारोबाधिक् इक्मःबाहाॽरो पाङ्घुरो॥ Gade chapit la |
मर्कुस 12:2
18 Referans Kwoze
यरुसले़म नु खे़न् के़रे़क् पिसाङ्बा पाङ्जुम्हाॽओ चिजि ये़म्ये़म् नु नुॽमादामा पोःक्खे़आङ् वये़ हे़क्क्याङ् नेगेव नु नाम्धा पिसाङ् थे़गुगुबादे़न्हाॽओ चिजि ये़म्ये़म् पोःक्खे़आङ् वये़बा तगिबा माङ्निङ्वाॽपान् के़बाःप्पाहाॽलाम् इङ्भन् पोःक्खे़बा यहवे दाङ्बे़ल्ले़ कुइङ्घङ्ङिन् हाबा कन् वये़रो॥’”
आङ्गाॽग के़साक्पा तुक्खे तुमुङ्ङाङ् वाॽरो! चे़ल्ले़क्सेॽ इक्ताप्पो कुजाॽ मे़दुबुआङ् एगाङ् आङ्गाॽ सिला के़गोःप्पा हे़क्तङ्बा चोःक्कारो, कुजाॽहाॽ मे़सुप्सु मे़सुरुआङ् एगाङ् चे़ल्ले़क्सेॽइल्ले़ कबजाए मे़बत्ने़न्लो, हे़क्क्याङ् आङ्गाॽ आसिराॽ के़धाङ्बा तगि के़दुम्बा पःत्छेल्ले़ कुलिङ्सम् मे़बत्ने़न्लो॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
खे़ने़ॽ के़से़वारोबा माङ्निङ्वाॽपान् के़बाःप्पाहाॽलाम् खे़न् आनिगे याप्मि के़बिरे़आङ् वये़॥ खे़न् आनिगे युक्तुम्बे़आङ् युङिगे़बा लाजेन् लत्थिक् आसुत्थो लाजेॽ चोक् फाॽआङ् खे़ङ्हाॽरे़ आनिगे याप्मि मे़मे़त्तिगे़आङ् वये़ थेआङ्भे़ल्ले़ खे़प्मो के़युङ्बा मनाहाॽरे़ खे़न् लाजेन् थिक् कुसुक्पोनु वेॽसमा कुसुक्पो थारिक् याम्गे़सिङ्बा याःम्बक्हाॽरे़ मे़धिम्सुआङ् ने़ःॽ॥
यहवे दाङ्बे़ल्ले़ खुने़ॽ के़रे़क् कुमाङ्निङ्वाॽपान् के़बाःप्पाहाॽ नु कुसुफो के़निबाहाॽलाम् इस्राइले़न् हे़क्क्याङ् यहुदान् साम्दिङ् पिरुसि—“खिन्छिॽ ताप्फे़ःम्बा ये़प्ले़क्हाॽ ले़रे़से़ॽ॥ आङ्गाॽ खे़न्छिॽ पाधे़बाहाॽ इःत्ते़म् नाःत्ते़म्मे़ॽ फाॽआङ् इङ्जाङ् पिरुङ्सिङ्ङाङ् वये़बा हे़क्क्याङ् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् खिनिॽ पिनिङ्ङाङ् वये़बा आङ्गाॽ आइङ्जाङ्हाॽ नु आइङ्भःन्हाॽ के़रे़क् साम्योथिम् इङ्जाङ् कुइसिक् इःत्ते़से़ॽ नाःत्ते़से़ॽ॥”
ये़सुन् खे़ङ्हाॽनु खे़दाॽओ अक्खेलॽरिक् पारे़, “उन्छेःन् मनाधिक्ले़ लत्छा इक्को चे़ल्ले़क्सेॽ लेःत्तुआङ् कुघिरि लुङ्धाक् से़त्तुआङ् फाङु, हे़क्क्याङ् कुलुम्मो लुम्बात् तयुआङ् खे़प्मो चे़ल्ले़क्सेॽ एःम्मा ते़न्धिक् चोगु॥ इक् कोमा याक्साधिक्काङ् चोगु, हे़क्क्याङ् खे़न् चे़ल्ले़क्सेॽ इक्किन् कुभ्रे़ःङ् लक् खोमारे़ लागि इक्मसाबाहाॽ पिरुसिआङ् खुने़ॽ लाम्दिक् चोःक्से़ पेरो॥
Piblisite