मर्कुस 1:11 - लिम्‍बु

¹¹ हे़क्‍क्‍याङ् साङ्‌ग्राम्‍पेदाङ्‌लाम् इक्‍लाधिक् त्‍ये़, “खे़ने़ॽ आमिःम् आस्‍साने़रो, खे़ने़ॽनु इङ्‌गाॽ साॽरिक् सःत्ताङ्‌ङाङ् वाॽआरो॥”

मर्कुस 1:11 Referans Kwoze

यसैया 42:1

यहवे दाङ्‌बे़ल्‍ले़ पाःत्तुरो, “कन् आङ्‌गाॽ आसे़वारोबारो, खे़न् आङ्‌गाॽ के़धुम्‍बा चोगुङ्‌लो, खे़न् सेगुङ्‌ङाङ् वाॽरो खुने़ॽनु आङ्‌गाॽ सःत्ताङ्‌ङाङ् वाॽआरो॥ आङ्‌गाॽ खे़न् आयाम्‍साम्‍मिल्‍ले़ थुक्‍तुर याःन्‍दुङ्‌ङाङ् वाॽरो हे़क्‍क्‍याङ् खे़ल्‍ले़ के़रे़क् सुवाङ्‌हाॽओ कुदोःप्‍मा खासे़न् तारुरो॥

मर्कुस 9:7

हे़क्‍क्‍याङ् खाप्‍मिःत्तिल्‍ले़ चिदे़प् ते़प्‍तुसिआङ् खाप्‍मिःत्तोलाम् अक्‍तङ्‌बा इक्‍ला मे़घे़प्‍सु, “कन् आमिःम् आस्‍सारो॥ खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

मत्ति 3:17

हे़क्‍क्‍याङ् साङ्‌ग्राम्‍पेदाङ्‌लाम् अक्‍खेलॽरिक् इक्‍लाधिक् त्‍ये़, “कन् आमिःम् आस्‍सारो, इङ्‌गाॽ खुने़ॽनु साॽरिक् सःत्ताङ्‌ङाङ् वाॽआरो॥”

निङ्‌वाॽफु साम्‍लोसुम् 2:7

यहवे दाङ्‌बे़ल्‍ले़ कुइङ्‌जाङ्‌ङिन् आङ्‌गाॽ इङ्‌भोसुङ्‌लो, “खे़ने़ॽग आबुगे़न् आस्‍साने़रो, आइन् आङ्‌गाॽ पानुदिङ् के़म्‍बा पोःक्‍खाङ्‌ङाङ् वाॽआ लॽरिक् खुने़ॽ मे़त्ताङ्‌लो॥

कलस्‍सि 1:13

थेआङ्‌भे़ल्‍ले़ खुने़ॽए माक्‍चिगे़न् खादाम्‍माल्‍ले़न् हाङ्‌जुम्‍लाम् आसे़ःप्‍ते़आङ् आबुगे़न् कुमिःम् कुस्‍साःल्‍ले़ कुहाङ्‌जुम्‍मो आनिॽ आदारे़आङ् वाॽरो॥

रोमि 1:4

हे़क्‍क्‍याङ् सेसेमाङ्‌ङिल्‍ले़ कुमुक्‍साम्‍लाम्‍बा खुने़ॽ सिमे़न्‍लाम् याम्‍मो हिङे़बाल्‍ले़ निङ्‌वाॽफुसारो फाॽआङ् ओसेःन्‍दाङ् पोःक्‍खे़रो॥ खुने़ॽए ये़सु ख्रिस्‍त आनिॽ दाङ्‌बारो॥

युहुन्‍ना 3:16

निङ्‌वाॽफुमाङ्‌ङिल्‍ले़ इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽ साॽरिक् लुङ्‌माॽ तुक्‍तुसिबाल्‍ले़ चोगुल्‍ले़ खुने़ॽ थिक्‍लक् कुस्‍सान् पाङ्‌घु युसुरो, हे़क्‍केलॽरिक् खुने़ॽ नसान् के़जोःक्‍पाहाॽग मे़म्‍मे़क्‍ने़न्, कर खे़ङ्‌हाॽरे़ मे़न्‍नुप्‍मनाबा हिङ्‌मन् मे़घोसुॽरो॥

युहुन्‍ना 5:37

हे़क्‍क्‍याङ् याप्‍मि के़बाङ्‌बा पानुदिङ् पाःल्‍ले़ इङ्‌गाॽ आयाःम्‍बेओ तोःन्‍दि पिरुआङ् वाॽरो॥ खिनिॽ आप्‍फाल्‍ले़आङ् कुबान् मे़ङ्‌घे़म्‍मे नु खुने़ॽ मे़न्‍निए के़वयिॽरो॥

युहुन्‍ना 1:34

हे़क्‍क्‍याङ् कन् पाःन्‍हाॽ ये़सुओ पोःक्‍खे़बा निसुङ्‌ङाङ् खुने़ॽए निङ्‌वाॽफुमाङ्‌ङिल्‍ले़ कुस्‍सा फाॽआङ् कुसिङ् निःत्तुङ्‌ङाङ् मनाहाॽ तोःन्‍दि पिरुङ्‌सिङ्‌लो॥”

लुका 9:35

खाप्‍मिःत्तोलाम् इक्‍लाधिक् त्‍ये़, “कन् आस्‍सारो, खुने़ॽए सेगुङ्‌ङाङ् वाॽआरो! खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

मत्ति 17:5

अक्‍खेलॽरिक् खुने़ॽ पारे़र पत्‍छे़ल्‍ले़ए फ लॽरिक् के़ओःप्‍पा खाप्‍मिःत्तिल्‍ले़ चिदे़प् ते़प्‍तुसिआङ् खाप्‍मिःत्तोलाम् अक्‍तङ्‌बा इक्‍ला मे़घे़प्‍सु, “कन् आमिःम् आस्‍सारो, खुने़ॽनु इङ्‌गाॽ सःत्ताङ्‌ङाङ् वाॽआरो॥ खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

युहुन्‍ना 6:69

खे़ने़ॽग निङ्‌वाॽफुमाङ्‌ङिल्‍ले़ के़बाङ्‌घे़बा सेसे कुमनाःन्‍ने़ॽ फाॽआङ् आनिगे निसुम्‍बे़ हे़क्‍क्‍याङ् नसान् चोगुम्‍बे़आङ् वाॽरो॥”

मत्ति 12:18

“इङ्‌गाॽ सेगुङ्‌बा नु लुङ्‌माॽ तुक्‍तुङ्‌बा आसेवारोबान् कप्‍मो वाॽरो॥ खुने़ॽनु इङ्‌गाॽ सःत्ताङ्‌ङाङ् वाॽआरो॥ कुसम्‍दाङ् आसेसेमाङ्‌ङिन् ने़स्‍सुङ्‌पिरुङ् हे़क्‍क्‍याङ् थिम्‍मे़न्‍दङ् सुवाङ्‌हाॽ खासे़न्‌रे़न् इङ्‌भन्‌ चोगुसिॽरो॥

मर्कुस 1:10

खुने़ॽ च्‍वाःत्तोलाम् लःन्‍दे़नुमे़ःन्‍ने ताङ्‌साक्‍पे़न् हरे़आङ् सेसेमाङ्‌ङिन् पुत्तुःक्‍के हे़क्‍के खुने़ॽ कुसम्‍दाङ् ये़र पत्‍छे़बा निसुरो॥

लुका 3:22

सेसेमाङ्‌ङिन् पुत्तुःक्‍के हे़क्‍के ये़आङ् खुने़ॽ कुसम्‍दाङ् चुक्‍ते़, हे़क्‍क्‍याङ् साङ्‌ग्राम्‍पेदाङ्‌ङोलाम् इक्‍लाधिक् ये़, “खे़ने़ॽ इङ्‌गाॽ आमिःम् आस्‍साने़रो॥ खे़ने़ॽनु इङ्‌गाॽ साॽरिक् सःत्ताङ्‌ङाङ् वाॽआरो॥”