मिका 7:8 - लिम्बु8 आनिङ्मिसे, याप्मि कुनामे़न्छाॽ आम्मे़त्ते़न्ने़ॽओ हे़क्क्याङ् खिनिॽ निङ्वाॽ मे़दासे़म्मिन्ने़ॽओ! आङ्गाॽ चोःन्नासाङ् याम्मो पोःक्कारो॥ आल्लो आङ्गाॽ खामाक्मो वाॽआसाङ् यहवे दाङ्बे़न् आङ्गाॽ आओःत्ति पोङ्लो॥ Gade chapit la |
मिका 7:8
46 Referans Kwoze
“खे़ने़ॽ आप्फेक् के़न्साॽरे़ कुदॽयान् फे़रे़बा ये़न्नो खे़ने़ॽ सःप्माआङ् मे़न्नुॽमनाबा वये़रो, यहुदाबा मनाहाॽ खाप्पुथ्यःङ् मे़मे़गे़बा ये़न्नो खे़ने़ॽ सःप्माआङ् मे़न्नुॽमनाबा वये़रो, खे़ङ्हाॽरे़ के़साक्पा तुक्खे लाक्खे मे़दुमुबा ये़न्नो खे़ने़ॽ यम्बाआङ् हे़न्छिङ्मा मे़न्नुॽमनाबा वये़रो॥
इस्राइलबा ते़ङ्गप्पिन् मुरे़क् खारे़क् चिजि खक्खक् पोःक्खे़ल्ले़ खे़ने़ॽ के़सःत्ते़॥ आल्ल खे़ने़ॽ मुरे़क् खारे़क् चिजि खक्खक् के़बोङ्ङिल्ले़ आङ्गाॽ सःत्ता! सेइर कोःक्माओबा खिनिॽ मनाहाॽ नु एदोमओ के़युङ्बाहाॽ वरे़ङ्ले़ङ् के़मे़गिॽ! खे़ब्याङ् आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुरो॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
मे़दे़म्सु मे़देॽरुसिबाहाॽ मे़त्ते़से़ॽ ‘लःन्दे़म्पेगे़म्मे़ॽओ’ हे़क्क्याङ् खामाक्माओ के़वाॽबाहाॽ ‘ओःत्तिओ लन्दे़म्मे़ॽओ॥’ खे़ङ्हाॽ लाम्मिल्ले़ कुबेसाङ् चागे़राम्बा मे़ल्लुक् हे़क्के मे़लॽरो, खे़ब्याङ् मुरे़क् खारे़क्पा के़रे़क् कोःक्मा फाङ्जङ् थे़गु माङ्वाहाॽओ खे़ङ्हाॽरे़ चाराम्मादे़न् मे़घोसुरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ आनागे़हे़म्बा आयाःक्ले़ॽमे़ल्ले़ कन् मे़न्छाम् सुवाङ्हाॽ मिधिक्खुसिॽ, से़क्खाःल्ले़ एदोमे़न् मिधिक्खुॽ, थेआङ्भे़ल्ले़ खे़ङ्हाॽरे़ खुन्छिॽ आप्फेक् लागि मे़सःत्ल चाराम्मादे़न् कुइसिक् आङ्गाॽ आलाजेन् मे़देॽरुआङ् आङ्गाॽ साॽरिक् कुनामे़न्छाॽ मे़मे़त्ताबान् ओसेःन्धाङ् मे़जोगुआङ् वाॽ॥
सियोनरे़ कुस्सा मे़न्छुमाए, सागप्मा तुङ्ङिल्ले़ तरुमा मे़न्छुमान् हे़क्के खे़ने़ॽ खइक् खइक् के़इक्सिङ्ल तुक्मे़ल्ले़ के़भिःक्लो, थेआङ्भे़ल्ले़ खे़ने़ॽ कन् ये़क्यक्किन् ले़प्माए पोङ्लो हे़क्क्याङ् ताप्मे़रादे़न्नो युङ्मा पोङ्लो॥ आल्ल खे़ने़ॽ बेबिलोन पेःक्मा पोङ्लो, कर खे़ने़ॽ खे़प्मो ताङ्के़म्से़ःप्लो॥ खे़ने़ॽ के़निङ्मिहाॽरे़ खुन्छिॽ हुक्कोलाम् यहवे दाङ्बे़ल्ले़ खे़प्मोए खे़ने़ॽ के़धे़ॽरो॥
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
Piblisite