मिका 7:2 - लिम्बु2 कुदोःप्मा मनाहाॽ लाजेॽलाम् मे़मे़गे़आङ् मे़वाॽरो, कुदोःप्मा मना हाःत्ताङ् याःक्ते़आङ् मे़वाॽने़न्लो॥ मना से़प्मासिरे़ लागि के़रे़क्ले़ मे़सुगुसिआङ् मे़युङ्लो, के़रे़क्ले़ चे़न् मे़गे़सुआङ् फुॽनुसाॽहाॽ मे़से़रुसिरो॥ Gade chapit la |
मिका 7:2
29 Referans Kwoze
साम्योबा मनाहाॽ मे़मे़क्लो, हे़क्क्याङ् खे़न् पाःन्निन् हाःत्ले़आङ् निनि खे़म्घे़म् मे़ल्लाप्तुन्लो॥ निङ्वाॽफुमाङ्ङो से़वा के़जोःक्पाहाॽ मे़भोःक्खु मे़देॽरुसिरो, कर के़दाबा तुक्खेलाम् से़ःप्मासिरे़ लागि साम्योबाहाॽ मे़भोःक्खु मे़देॽरुसिबा फाॽआङ् आत्तिन्हाॽरे़आङ् कुसिङ् मे़न्निःत्तुन्लो॥
यहवे दाङ्बे़ल्ले़ पाःत्तुॽ, “कर आङ्गाॽ यरिक् योःङ् के़ले़प्पाहाॽ पाङ्घुङ्सिङ्ॽ हे़क्क्याङ् खे़ङ्हाॽरे़ कन् मनाहाॽ मे़दे़म्सुसिॽ॥ खे़न् एगाङ्, आङ्गाॽ यरिक् सावागे़म्बाहाॽ पाङ्घुङ्सिङ् हे़क्क्याङ् खे़ङ्हाॽरे़ कन्हाॽ के़रे़क् नाङ्जङ्लुङ्, कोःक्मा फाङ्जङ् नु याक्पेॽओबा लुङ्भुक्कोहाॽलाम् मे़गोःत्तु मे़लःत्तुसिॽ॥
आम्बौ, आङ्गाॽ आहुक्को कत्तुङ्बा के़देःप्फे़राःन् ओमे़त्ते़ॽओ! आङ्गाॽ से़प्मा सुक्ने़मे़न् कर के़देःप्फे़राःन्लक् खक्तुङ्॥ कन्लाम्बाए आङ्गाॽ खे़ने़ॽ के़दक्ले़ङ्वाओ ताप्फे़ःम्बा निङ्वाॽ मे़इःत्तान् इग्र से़प्मा मे़गोःत्ने़म्बा पाःन्निन् निङ्वाॽ के़घोसुरो॥ आङ्गाॽ थेआङ् ताप्फे़ःम्बा मे़मे़त्ने़न्छाङ् खे़ने़ॽग आङ्गाॽ से़प्मा निङ्वाॽ के़जोगुआङ् के़नाःत्तार के़वाॽ॥
आङ्गाॽ आने़क्खोन् हङ् मे़त्तुङ्ङाङ् पान् खे़प्सुङ्लो, खे़ङ्हाॽग से़क्खा पान् मे़म्बाःप्ने़न्लो॥ कन्हाॽ लत्छाआङ् आबाङे ताप्फे़ःम्बा लायो चोःक्मालाम् मे़हिन्दे़बा होप्लो, खे़ङ्हाॽओ लत्छा थिक्ले़आङ् ‘आङ्गाॽ ताप्फे़ःम्बा चोगुङ्’ फाॽआङ् मे़इःत्तुबा होप्लो॥ अन्निन् थङ्ङो तगि लोःक्काङ् पेःक्लो खे़न् हे़क्के कन्हाॽ के़रे़क् आबाङे लाम्मो मे़धासिङ् मे़बेबान् मे़बेबाए मे़बोःक्खे़रो॥
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
“आल्ल आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्लो— चिःत्ते़स्ये़रो मना के़से़प्पाहाॽरे़ खुन्छिॽ ये़क्यक्, यरुसले़ःम्मिन् आक्तङ्बा तुक्खेःल्ले़ हाङ्घुबे, खे़ङ्ग लत्छा कुधोःक्मा खप्प्यारो खे़ल्ले़ कुभे़त्लाॽमान् इःङ्मा सुक्मे़दे़त्ने़न्लो॥ सामुल्लाःन् लत्छा लत्छा लाःक्कात् लःत्ते़ॽओ, थेआङ्भे़ल्ले़ आत्तिन् सामुल्लाःन्नाङ् वेॽसमान्नुःल्ले़ नुबा मे़जोक्ने़न्लो॥
“निङ्वाॽफुसाम्बासे, कन् पाःन्निन् खे़प्से़म्मे़ॽओ! इस्राइलि हिम्सयङ्से, सिङ्सिङ् ये़क्ये़क्काङ् खे़प्से़म्मे़ॽओ! हाङ् हिम्सयङ्से, निङ्वाॽ पिरे़म्मे़ॽआङ् खे़प्से़म्मे़ॽओ! कन् निःन्धो के़बोङ्बा खासे़न्निन् खिनिॽ तङ्ले़ङ्वाओ वाॽरो— मिस्पाओ खिनिॽ चे़न् नु तबोरओ के़मनाबा इदाक् के़बोःक्खिआङ् वाॽरो॥
थेआङ्भे़ल्ले़ आल्लआङ्धो लाजेॽओबा मनाहाॽ आलुङ्माॽ स्याःत् मे़ल्लॽने़न्॥ से़क्खासाङ् आङ्गाॽ के़रे़क् खुन्छिॽ आप्फेक् हिम्बेसाङ्बाहाॽरे़ खुन्छिॽ हुक्को नु खुन्छिॽ आप्फेक् हाङ्ङिल्ले़ कुहुक्को थासुङ्सिङ्ॽ॥ खे़ङ्हाॽरे़ लाजेन् मे़युक्तुॽ, हे़क्क्याङ् खे़ङ्हाॽरे़ खुन्छिॽ हुक्कोलाम् आङ्गाॽ खे़ङ्हाॽ मे़से़ःप्तुङ्सिङ्ङिन्ॽ॥”
थिक् मनाःल्ले़ वेॽसमा मनान् निङ्घुम् मे़त्तुरो थिक् मनान् वेॽसमा मनाःल्ले़ कुदक्ले़ङ्वाओ पोःक्लो॥ थिक् हिम्बेसाङ्बे़न् वेॽसमा हिम्बेसाङ्बे़ल्ले़ कुदक्ले़ङ्वाओ पोःक्लो, काप्पो तुम्साहाॽरे़ खुन्छिॽ तक्ले़ङ्वाओ चप्प्रक् थाङ्बे़न् के़गे़प्पाहाॽ मे़बोक्लो हे़क्क्याङ् मिङ्सो इङ्धाःङ्साबाहाॽरे़ खुन्छिॽ तक्ले़ङ्वाओ थेनाधेबा सुहि मनाहाॽ मे़बोक्लो॥
Piblisite