मिका 6:7 - लिम्‍बु

⁷ थे हे़न्‍छिङ् हे़न्‍छिङ् मे़ल्‍लुक्‍हाॽ नु थिबोङ् हे़न्‍छिङ् निःङ्‌गेॽ वहःङ्‌हाॽरे़ यहवे दाङ्‌बे़न् कुनिङ्‌वाॽ ताआङ्‌बि? आङ्‌गाॽ आभे़न् याःम्‍बक्‍किल्‍ले़ लागि आस्‍सा तुम्‍बे़न् आयाम्‍साम्‍मोबा लायोल्‍ले़ लागि आधक्‍कोनु के़लःम्‍बा सान् सिदुङ्‌जभा तोःन्‍दुङ्‌बि?

मिका 6:7 Referans Kwoze

२ हाङ् 16:3

इस्राइलबा हाङ्‌हाॽरे़ मे़नाःत्तुबा लाम्‍मो खुने़ॽ लाङ्‌घेगे़॥ इस्राइलिहाॽरे़ खुन्‍छिॽ तगिलाम् यहवे दाङ्‌बे़ल्‍ले़ लःत्तुदेसुसिआङ् मे़वये़बा मनाहाॽरे़ खुन्‍छिॽ सिक्‍के़ले़ःङ्‌बा ये़प्‍ले़क्‍हाॽओ लाङ्‌घेगे़आङ् खुने़ॽ आप्‍फेक् कुस्‍सान्‍नाङ् मिओ मिधिङ्‌मनादेमनाबा सिदुङ्‌जभा तोःन्‍दु॥

निङ्‌वाॽफु साम्‍लोसुम् 51:16

थेआङ्‌भे़ल्‍ले़ खे़ने़ॽग सिदुङ्‌जभाओ के़न्‍छःत्‍ने़ल्‍लो, मेःन्‍ने़भग्र खे़ने़ॽओ सिदुङ्‌जभा तोःन्‍दुङ्‌बा मे़न्‍लो, मिधिङ्‌मनादेमनाबा सिदुङ्‌जभान् खे़ने़ॽ के़सिराॽ मे़धाङ्‌ने़ल्‍लो॥

१ सामुए़ल 15:22

कर सामुए़लरे़ मे़त्तु, “वयागे़न् सिदुङ्‌जभानुःल्‍ले़ यहवे दाङ्‌बाल्‍ले़ कुइङ्‌जाङ्‌ङिन् इःप्‍मा नाःप्‍माओए खुने़ॽ मे़सःत्‍ने़म्‍बि? वयागे़न् सिदुङ्‌जभानुःल्‍ले़ इङ्‌जाङ् इःप्‍मा नाःप्‍मा नुबारो॥ हे़क्‍क्‍याङ् कुबाःन्‍जाःक् इःप्‍मा नाःप्‍मान् मे़ल्‍लुक् सोःत्ते़नुःल्‍ले़ नुबारो॥

होसे 6:6

थेआङ्‌भे़ल्‍ले़ आङ्‌गाॽग वयागे़न् सिदुङ्‌जभाहाॽ मेःन्‍लो चक्‍मे़न्‍लॽए याप्‍मि मिःम् के़मे़त्तिबा निङ्‌वाॽ चोगुङ्‌लो, हे़क्‍क्‍याङ् मिधिङ्‌मनादेमनाबा सिदुङ्‌जभानुःल्‍ले़ आल्‍लसाङ् यरिक् निङ्‌वाॽफुमाङ्‌ङिन् कुसिङ् के़निःत्तुम्‍बा निङ्‌वाॽ चोगुङ्‌लो॥

यर्मिया 7:31

खे़ङ्‌हाॽरे़ हिन्‍नोमबा ने़ने़बादे़न्‍नो आबाङे साएहाॽ मिधिङ्‌मनादेमनाबा सिदुङ्‌जभा चोःक्‍मारे़ लागि तोपेत मे़प्‍मनाबा ले़त्ति तोःम्‍मादे़न्‍हाॽ मे़जोगुआङ् ने़ःॽ॥ आङ्‌गाॽ खे़न् चोःक्‍मा इङ्‌जाङ् पिरुङ्‌सिङ्‌बा मेःन्, हे़क्‍तङ्‌बा पाःन्‍ग आङ्‌गाॽ इःत्तुङ्‌बाआङ् होःप्‍ताङ्॥

निङ्‌वाॽफु साम्‍लोसुम् 50:9

के़बित्‍थाःङ्‌ङोबा कुम्‍बाबा पित्, हे़क्‍क्‍याङ् के़मे़ःन्‍दा खरहाॽओबा मे़ःन्‍दाहाॽ आङ्‌गाॽ चाहाब् मे़जोःक्‍काल्‍लो॥

२ हाङ् 23:10

मोलोख माङ्‌ङिल्‍ले़ कुलागि आत्तिन्‍हाॽरे़आङ् खुन्‍छिॽ ये़म्‍बित्‍छा इग्र मे़न्‍छुमा साहाॽ मिधिङ्‌मनादेमनाबा सिदुङ्‌जभा मे़न्‍जोगुसिन्‍ल फाॽआङ् योसियाह हाङ्‌ङिल्‍ले़ बेन-हिन्‍नोमबा ने़ने़बादे़न्‍नो के़ने़बा तोपेत माङ्‌धाने़न् आसुत्‍थो चोगु॥

२ हाङ् 21:6

खुने़ॽ आप्‍फेक् कुस्‍सा ये़म्‍बित्‍छान् मिओ मिधिङ्‌मनादेमनाबा सिदुङ्‌जभा चोगु, मिक्‍ले़ःङ्‌मा कित्‍चाक् चोगु, हे़क्‍क्‍याङ् थुम्‍म्‍या इसुआङ् साम्‍माङ् च्‍याङ्‌हाॽ नु सिसाम्‍हाॽ मुरा मे़त्तुसि॥ खुने़ॽ यहवे दाङ्‌बे़ल्‍ले़ कुनिमो चाॽरिक् ताप्‍फे़ःम्‍बा चोगु हे़क्‍क्‍याङ् साॽरिक् कुसिक् फोःक्‍खु॥

२ हाङ् 3:27

खे़ब्‍याङ् खुने़ॽ कुएगाङ् हाङ् के़बोङ्‌बा, खुने़ॽ कुस्‍सा तुम्‍बे़न् ये़क्‌यक्‍कोबा लुङ्‌धाक्‍को तेॽरुआङ् वयागे़न् सिदुङ्‌जभा इसिःक् तोःन्‍दु॥ हे़क्‍क्‍याङ् इस्राइलिहाॽओ साॽरिक् यम्‍बा सिक्‍पोःक्‍मान् थ्‍ये़, खे़ब्‍याङ् खे़ङ्‌हाॽ मे़नुःक्‍खे़आङ् आप्‍फेक् खुन्‍छिॽ लाजेॽओ मे़बेरो॥

यसैया 40:16

वयागे़न् सिदुङ्‌जभारे़ लागि ले़बनानबा सिङ्‌हाॽरे़ मे़योरुन्‍लो, खे़प्‍मो के़याक्‍पा थक्‍साहाॽरे़आङ् वयागे़न् सिदुङ्‌जभा चोःक्‍मा मे़योरुन्‍लो॥

ले़बि 18:21

“‘खे़ने़ॽ के़स्‍सा के़एहाॽ मोलोख माङ्‌ङिल्‍ले़ कुलागि मिमे़धिक्‍खे़से़न्‍ने़ॽआङ् के़निङ्‌वाॽफुमाङ्‌ङिल्‍ले़ कुमिङ्‌ङिन् फे़त्‍मे़लाःन्‍दे़न्‍ने़ॽ॥ आङ्‌गाॽए यहवे दाङ्‌बाआ॥

फिलेमोन 1:12

इङ्‌गाॽ खे़न् साॽरिक् लुङ्‌माॽ तुक्‍तुङ्‌बा मनान् खे़ने़ॽओ याङ्‌ना पाङ्‌घुङ्‌ङाङ् वाॽआरो॥

आमोस 5:22

खिनिॽ आङ्‌गाॽ आलागि मिधिङ्‌मनादेमनाबा सिदुङ्‌जभाहाॽ हे़क्‍क्‍याङ् कुजा सिदुङ्‌जभाहाॽ के़दोःन्‍दुम्‍साङ् मे़दाःक्‍कान्‍लो, के़रे़क्‍नुःल्‍ले़ नुबा खिनिॽ तङ्‌जुम् सिदुङ्‌जभाहाॽआङ् निनि मे़लाप्‍पान्‍लो॥

इजकिएल 23:37

खुन्‍छिॽ आङ्‌गाॽलाम् सावाःन्‍दे़छुसिबा साहाॽ सिदुङ्‌जभा कुइसिक् मिधिक्‍खे़छुसिआङ् से़रे़त्‍छुसि हे़क्‍क्‍याङ् नावाइत्‍लाहाॽ से़वा मे़त्ते़सुआङ् याम्‍बोःप्‍मा याःम्‍बक् नु मनासे़प्‍मा ने़प्‍माङ् याःम्‍बक् चोगे़छुआङ् वाॽसि॥

यर्मिया 19:5

हे़क्‍क्‍याङ् मिओ खुन्‍छिॽ साहाॽ मिधिङ्‌मनादेमनाबा सिदुङ्‌जभा तोःम्‍मारे़सिरे़ लागि बाल साम्‍माङ्‌ङो ले़त्ति तोःम्‍मादे़न्‍हाॽ मे़जोगुआङ् ने़ःॽ॥ आङ्‌गाॽ आप्‍फाल्‍ले़आङ् खे़ङ्‌हाॽ हे़क्‍के चोःक्‍मा इङ्‌जाङ् मे़बिरुङ्‌सिङ्‌ङिन्, अक्‍तङ्‌बा पान् आङ्‌गाॽ आनिङ्‌वाॽओ आप्‍फाल्‍ले़आङ् मे़द्‌ये़ने़न्॥

अयुब 29:6

आङ्‌गाॽ आबित् आमे़ःन्‍दाहाॽलाम् यरिक् पित्‍नु फिःन्‍दुङ्‌लो॥ लुङ्‌घ्रे़ःक् के़ने़बादे़न्‍नोआङ् आङ्‌गाॽ आङ्‌गाॽ आजैतुन सिङ्‌बुङ्‌हाॽ नुरे़धाङे़रो॥

खासे़न्‍लोःम्‍बा 11:39

ला ने़त्‍छि एगाङ् कुनुप्‍मो खुने़ॽ कुम्‍बारो नुःक्‍खे़द्‌ये़, हे़क्‍क्‍याङ् यिप्‍ताःल्‍ले़ खुने़ॽ चोगुबा माङ्‌हे़क्‍किन् के़त्तु॥ खे़न् सिसागे़न् मे़न्‍छ्‌याए वये़॥ कन् ये़म्‍माङ् कत्‍थो

खासे़न्‍लोःम्‍बा 11:31

आङ्‌गाॽ अम्‍मोनिहाॽ नाःन्‍दुङ्‌सिङ्‌ङाङ् नुःङ्‌ङाल्‍ले़ आङ्‌गाॽ आदुम्‍से़ आहिम्‍मोबा लाम्‍धेःत्‍लाम् लाःक्‍कात् के़लःम्‍बे़न् यहवे दाङ्‌बे़ल्‍ले़न्‍ने पोङ्‌ॽ॥ आङ्‌गाॽ खे़न् मिधिङ्‌मनादेमनाबा सिदुङ्‌जभा चोगुङ्‌ॽ॥”

ले़बि 20:1

यहवे दाङ्‌बे़ल्‍ले़ मोसान् मे़त्तु,

खाहुन् 15:8

कुॽइगे़भे़म्‍बा मनाःल्‍ले़ वयागे़न् कुसिदुङ्‌जभान् यहवे दाङ्‌बे़ल्‍ले़ कुनिमो सिक्‍के़ले़ःङ्‌बा चोक्‍लो, कर कुदोःप्‍माआङ् के़वाॽबाल्‍ले़ कुबेःल्‍लिःल्‍ले़ खुने़ॽ सःत्‍लो॥

खाहुन् 21:3

आत्तिन् पाःन्‍निन् नुबा चोक् हे़क्‍क्‍याङ् के़वाॽबा खासे़न् चोक्, हाबा खे़न्‍ने सिदुङ्‌जभानुःल्‍ले़आङ् यरिक् यहवे दाङ्‌बे़ल्‍ले़ कुसिराॽथाङ्‌लो॥

यसैया 1:1

यहुदाबा हाङ् उज्‍जियाह, योताम, आहाज हे़क्‍क्‍याङ् हिजकियारे़ युक् मे़जोगुबा ये़म्‍मो यहुदा नु यरुसले़मरे़ कुयाःम्‍बेओ आमोजरे़ कुस्‍सा ये़म्‍बित्‍छा यसैयाःल्‍ले़ निसुबा सुफोरो॥

होसे 5:6

खे़ङ्‌हाॽरे़ खुन्‍छिॽ मे़ल्‍लुक् मे़ःन्‍दाहाॽ नु पिप्‍मा पित् लुप्‍हाॽ मे़देॽरुसिआङ् सिदुङ्‌जभा तोःम्‍मासिरे़ लागि यहवे दाङ्‌बे़ल्‍ले़ कुगोःत्‍छे़ मे़बेःक्‍किल्‍ले़ खे़ङ्‌हाॽरे़ खुने़ॽ मे़न्‍दुमुन्‍लो, खुने़ॽ खे़ङ्‌हाॽलाम् लाःत्‍लाःत् खे़त्‍छिङ्‌घे़रे़आङ् वाॽरो॥

निङ्‌वाॽफु साम्‍लोसुम् 51:18

खे़ने़ॽ के़निङ्‌वाॽ कुइसिक् सियोन कोःक्‍माओ नुॽमादामा तारे़ॽओ, यरुसले़ःम्‍बा लुङ्‌धाक्‍हाॽ याम्‍मो से़त्ते़ॽओ॥

यर्मिया 6:20

सेबा लाजेॽलाम् नु माःङ्‌घा लाजेॽलाम् कुनाम्‍गे़नुॽबा सुक्‍पा हे़क्‍क्‍याङ् मारुक्‍हाॽ थेःल्‍ले़ लागि आङ्‌गाॽओ मे़दारुबाइरो? आङ्‌गाॽ खे़ङ्‌हाॽरे़ खुन्‍छिॽ मिधिङ्‌मनादेमनाबा सिदुङ्‌जभान् मे़दाःक्‍कान्‍लो, खे़ब्‍याङ् खे़ङ्‌हाॽरे़ खुन्‍छिॽ वयागे़न् सिदुङ्‌जभाःल्‍ले़आङ् आनिङ्‌वाॽ मे़दाने़ल्‍लो॥