Biblia Todo Logo
Bib sou entènèt

- Piblisite -




मिका 6:2 - लिम्‍बु

2 “कोःक्‍मा फाङ्‌जङ्‌से, खाम्‍बेःक्‍मे़ल्‍ले़ नुप्‍मे़न्‍दिङ् कुबुङ्‌से, यहवे दाङ्‌बे़ल्‍ले़ कुआप्‍तिःक्‍किन् नुरिक् खे़प्‍से़म्‍मे़ॽओ॥ थेआङ्‌भे़ल्‍ले़ खुने़ॽ कुमनाहाॽनु लुङ्‌हान् पाःन्‍हाॽ कत्तुरो, खुने़ॽ इस्राइले़न् आप्‍तिक् पान् थिक्‍तुर पत्‍लो॥

Gade chapit la Kopi




मिका 6:2
19 Referans Kwoze  

याकुबरे़ कुदक्‍ले़ङ्‌वाओ यहवे दाङ्‌बे़ल्‍ले़ लत्‍छा कुआप्‍तिक् वाॽरो, हे़क्‍क्‍याङ् खुने़ॽ याकुबे़न् खे़ल्‍ले़ कुये़प्‍ले़क् कुइसिक् खुम्‍दिङ् पिरुरो॥ खे़ल्‍ले़ कुयाःम्‍बक् कुइसिक् खुने़ॽओ कुले़क्‌वा हुङुरो॥


इस्राइलिसे, यहवे दाङ्‌बे़ल्‍ले़ कुबाःन्‍जाक्‍किन् खे़प्‍से़म्‍मे़ॽओ, थेआङ्‌भे़ल्‍ले़ कन् लाजेॽओ के़युङ्‌बाहाॽरे़ खुन्‍छिॽ सम्‍धाङ् यहवे दाङ्‌बे़ल्‍ले़ कुआप्‍तिक् अक्‍तङ्‌बा वाॽरो— “कन् लाजेॽओ कुदोःप्‍मा नसान् होप्‍लो, चक्‍मे़ल्‍लॽमनाबा लुङ्‌माॽ तुक्‍सिङ्‌मा होप्‍लो हे़क्‍क्‍याङ् निङ्‌वाॽफुमाङ्‌ङिल्‍ले़ कुसिक्‍कुम् निङ्‌वान् होप्‍लो॥


यहवे दाङ्‌बे़ल्‍ले़ पाःत्तु, “आल्‍ल त्‍ये़म्‍मे़ॽओ, आनिॽ सोरिक् युङिआङ् पाःन्‍धक्‍तिरो॥ खिनिॽ लायोहाॽ हे़ःत्ताङ्‌बा चोःक्‍साङ्, खे़ङ्‌हाॽ नाःङ् कुइसिक् फदाङ्‌बा पोङ्‌लो॥ हे़क्‍क्‍याङ् खे़निॽ लायोन् हे़ःक्‍कङ्‌गङ्‌बा चोःक्‍साङ् खे़न् फ के़लॽबा खि कुइसिक् पोङ्‌लो॥


इक्‍सादिङ् खाम्‍बेःक्‍मान् आभे़ल्‍ले़आङ् मे़म्‍मुमनाबा के़जोगुआङ् वाॽरो, खे़ने़ॽ खे़न् आभे़ल्‍ले़आङ् थधप् मे़ल्‍लॽमनाबा के़जोगुआङ् वाॽरो॥


यहवे दाङ्‌बाल्‍ले़ खुने़ॽ फे़ःक्‍तुसिल्‍ले़ कुन्‍बोओलाम के़लःम्‍बा सक्‍मान् फक्‍ते़ल्‍ले़ वरःङ्‌ङोबा च्‍वाःत्‍हाॽ चबे़आङ् ने़वाला लुम्‍बाःत्‍हाॽ निधाबे़रो हे़क्‍क्‍याङ् इक्‍सादिङ् खाम्‍बेःक्‍माल्‍ले़ कुयुक्‍नाहाॽ निधाबे़रो॥


थेआङ्‌भे़ल्‍ले़ आसाक्‍के़न्‍निल्‍ले़ मिधुङ् मिराःक् पोगे़रो, खे़ल्‍ले़ सिगाङ् मु सिमे़ल्‍ले़ हाङ्‌जुम्‍मिन् मिधिक्‍खुरो॥ खे़ल्‍ले़ इक्‍सादिङ् खाम्‍बेःक्‍मान् नु खे़प्‍मोबा कुजान् खाप्‍पुथ्‍यःङ् चोगुरो, खम्‍भ्‍याङ् कोःक्‍मा युक्‍नाहाॽओ के़रे़क् मिधुङ्‌दिङ् मिराःक् केःत्तुरो॥


खे़ने़ॽ तरःङ्‌गे़न् ताङ्‌साङ्‌बे़न् सिःक्‍मा के़सुक्‍तुने़भग्र हे़क्‍क्‍याङ् खाम्‍बेःक्‍माल्‍ले़ कुयुक्‍नान् कोःम्‍भो चोःक्‍मा के़सुक्‍तुने़भग्ररक् लायो मे़जोगुबाल्‍ले़ चोगुल्‍ले़ इस्राइलिहाॽ सदादिङ्‌ले़ लागि लाप्‍फुसुङ्‌सिङ्‌लो, आङ्‌गाॽ, यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”


खे़न् लोःक्‍खुबा इक्‍लान् इक्‍सादिङ् खाम्‍बेःक्‍माल्‍ले़ कुनुप्‍मो थारिक्‍के खे़म्‍दे़त्‍लो॥ थेआङ्‌भे़ल्‍ले़ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ यहवे दाङ्‌बे़ल्‍ले़ पाःन्‍धिक्‍तुसिआङ् वाॽरो॥ हे़क्‍क्‍याङ् खुने़ॽ के़रे़क् मनाहाॽरे़ खुन्‍छिॽ तक्‍ले़ङ्‌वाओ खासे़न् लोःन्‍दुरो खे़ब्‍याङ् कुॽइगे़भे़म्‍बाहाॽ खुने़ॽ ताभेःल्‍ले़ से़रुसिरो॥ यहवे दाङ्‌बे़ल्‍ले़ कन् पाःत्तुआङ् वाॽरो॥’”


कन् पाःन्‍निन् यहवे दाङ्‌बे़ल्‍ले़ उवा चोगुरो ‘खे़ल्‍ले़चोगुल्‍ले़, आङ्‌गाॽ आदुःन्‍दे़न् याम्‍मो खिनिॽ आमनाहाॽ चे़क्‍निङ्‌लो॥ हे़क्‍क्‍याङ् के़दाबा तङ्‌बेहाॽओ खिनिॽ सामे़न्‍छाॽहाॽ आप्‍तिक् कुःत्तुङ्‌सिङ्‌लो॥


आङ्‌गाॽ आलागि तगिबा पाःन्‍हाॽ निङ्‌वाॽसोओ ताराम्‍मे़ॽओ, कन् पाःन्‍हाॽरे़ लागि आनिॽ सोरिक् पान् थक्‍तिरो, खे़ने़ॽ आप्‍तिक् मेःन्‍नेबा कुदोःप्‍मा निधाःप्‍मारे़ लागि के़बाःन्‍हाॽ युक्‍खे़ॽओ॥


कल्‍ले़चोगुल्‍ले़ आङ्‌गाॽ आसिराॽ के़धाङ्‌बे़ल्‍ले़ पाःत्तुरो, “यरुसले़म नु यहुदाबा मनासे, आङ्‌गाॽ नु आजे़ल्‍ले़क्‍सेॽ इक्‍लुम्‍मो खासे़न् चोगे़ आबिरे़ॽरो॥


खुने़ॽ वरःङ्‌ङिल्‍ले़ कुइःन्‍दोहाॽ ने़स्‍सुल्‍ले़— खुने़ॽ कुइङ्‌जाङ्‌ङिन् काःक्‍तुआङ् च्‍वाःत्तिन् लाःक्‍कात् मे़ल्‍लःम्‍मा मे़म्‍बेःक्‍मारे़ लागि नु— खुने़ॽ इक्‍सादिङ् खाम्‍बेःक्‍माल्‍ले़ कुबुङ्‌हाॽ युक्‍खुल्‍ले़,


इक्‍सादिङ् खाम्‍बेःक्‍मान् यक्‍खे़रो, हे़क्‍क्‍याङ् लुप्‍लि थाङे़रो, ताङ्‌साक्‍पाल्‍ले़ कुयुक्‍नाहाॽ मे़यक्‍खे़रो॥ खे़ङ्‌हाॽ थे़गक्‍कक् मे़यक्‍खे़रो थेआङ्‌भे़ल्‍ले़ खुने़ॽ कुसिक् पोगे़आङ् वये़रो॥


खिनिॽ युक् चोःक्‍मारे़ लागि यर्दन नाधाःम्‍बि पेःक्‍मा के़इःत्तिबा खे़न् लाजेॽओ हारा ए खिनिॽ के़रे़क् हर्गुप् के़मे़गि फाॽआङ् आङ्‌गाॽ आइन्‍बा ये़न्‍नो साङ्‌ग्राम्‍पेदाङ् नु इक्‍सादिङ् खाम्‍बेःक्‍मान् खिनिॽ तक्‍ले़ङ्‌वाओ इङ्‌सुङ्‌ॽ, हे़क्‍क्‍याङ् यरिक् ये़न् युङ्‌मा के़ङ्‌घोसुम्‍मिन्‌ॽ कर वरे़ङ्‌ले़ङ् युम्रे़क् के़मे़गिॽ॥


यहवे दाङ्‌बान् कुघासे़न्‍लोःम्‍मा हिम्‍मो आबाङे कुयुक्‍नाओ युङ्‌लो, खुने़ॽ आबाङे कुमनाहाॽरे़ खुन्‍छिॽ तक्‍ले़ङ्‌वाओ खासे़न् चोःक्‍मारे़ लागि ये़म्‍सिङ्‌लो॥


यहवे दाङ्‌बे़ल्‍ले़ थे पाःत्तुॽ, खे़न् नुरिक् खे़प्‍से़म्‍मे़ॽओ— “खे़ने़ॽ इस्राइले़न् पोगे़ॽआङ् ये़बे़ॽओ, हे़क्‍क्‍याङ् कोःक्‍मा फाङ्‌जङ् तगि खे़ने़ॽ के़लुङ्‌हान् पाःन्‍हाॽ तोःन्‍दे़ॽओ, हे़क्‍क्‍याङ् के़बाःत्तुबान् थे़गु माङ्‌वाहाॽरे़ खे़प्‍सुररो॥


साप्‍पोःक्‍को खुने़ॽ कुम्‍भुॽरे़ कुलाङ्‌गाक्‍थिःम्‍बे़न् ते़म्‍सुरो, हे़क्‍क्‍याङ् यम्‍बा पोःक्‍खे़आङ् यहुदान् निङ्‌वाॽफुमाङ्‌ङिन्‍नु थक्‍ते़रो॥


Swiv nou:

Piblisite


Piblisite