मिका 6:16 - लिम्बु16 खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥” Gade chapit la |
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
मुक्साम्दाङ्बा यहवे दाङ्बा निङ्वाॽफुमाङ्ङिल्ले़ सदादिङ्ले़ लागि सिमे़न् थङ्ङो हारिदासुआङ् वाॽरो॥ खुने़ॽ के़रे़क्ले़ खुन्छिॽ मिक्कोलाम् मिक्वान् तुगु पिरुसिरो, खे़ब्याङ् काक् इक्सादिङ् खाम्बेःक्को कुमनाहाॽ कुनामे़न्छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्निन् यहवे दाङ्बे़ल्ले़ आबाङे पाःत्तुआङ् वाॽरो॥
हे़क्केसाङ् खे़ने़ॽ के़दक्ले़ङ्वाओ इङ्गाॽ लत्छा पाःन्धिक् पाःप्माए पोङ्—खे़ने़ॽग इजेबेल मे़प्मनामा मे़न्छुमाॽइन् नासि के़धःत्तुआङ् के़वाॽरो॥ खे़ल्ले़ आबाङे निङ्वाॽफुमाङ्ङिल्ले़ माङ्निङ्वाॽपान् के़बाःप्माआ लॽरिक् मे़त्छिङ्लो॥ कर इङ्गाॽ आसे़वारोबाहाॽ याम्बोःप्मा याःम्बक् चोःक्मा नु नावाइत्लाहाॽओ तोःम्मनाबा चाहाॽ चामा हुॽरुसिआङ् इङ्ले़क्तुसि॥
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खम्भ्याङ् खे़ङ्हाॽरे़ खुन्छिॽ आप्फेक् हुक्किल्ले़ मे़जोगुबा पाःन्हाॽलाम् आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ आङ्गाॽ आसाक्के़न्निन् कल्ले़ कुसम्धाङ् थासुङ्ॽ हे़क्क्याङ् खे़न् चिजि ये़म्ये़म् मे़बोङ्ने़न्॥’
खुने़ॽ कुम्बा हिजकियाःल्ले़ खाप्पुथ्यःङ् चोगुबा केःम्ब केःम्बादे़न्नोबा माङ्धाःङ्हाॽ खुने़ॽ याम्मो चोगु॥ इस्राइलबा हाङ् आहाबरे़ चोगुबा कुइसिक् खुने़ॽ बाल माङ्ङिल्ले़ कुलागि ले़त्ति तोःम्मादे़न्हाॽ चोगु, हे़क्क्याङ् असेरा माङ् सित्लाङ् थिक्काङ् चोगु॥ खुने़ॽ साबन् हबत् फन्छिङ्ङाङ् ताङ्साङ्बोबा खेःम्सिक्पाहाॽ से़वा मे़त्तुसि॥
आल्ल आहाबरे़ कुमेत् इजेबेलरे़ यहवे दाङ्बे़ल्ले़ कुमाङ्निङ्वाॽपान् के़बाःप्पाहाॽ से़रुसिर यागे़ल्ले़, ओबदियाःल्ले़ किप् थिक् माङ्निङ्वाॽपान् के़बाःप्पाहाॽ तारुसि हे़क्क्याङ् खे़ङ्हाॽ चामा थुङ्मा पिरुसिआङ् ङाबोङ् ङाबोङ् कुलुप् ने़त्छि चोगुसिआङ् ने़त्छि लुङ्फुक्कोओ चिक्खु युक्खुसि॥)
खे़न् ते़न्हाॽ चिजि खक्खक् नु ओमे़प्मा सुक्मे़न्दे़प्मनाबा मुरे़क् खारे़क्पा ये़ःङ्घादे़न् हे़क्तङ्बा पोङ्ल हे़क्क्याङ् खे़ङ्हाॽरे़ खुन्छिॽ मिङ्ङिन् मे़बाःत्तुआङ् मनाहाॽरे़ साक्मुरा माङ्दे मे़मे़त्तुसिर फाॽआङ् यरुसले़म नु यहुदाबा के़रे़क् ये़क्यक्हाॽ, खे़प्मोबा हाङ्ङिन् नु लाम्लोबाहाॽ के़रे़क् खे़न् खोर्याओलाम्बा आङ्गाॽ थुङ्मा पाङ्घुङ्सिङ्॥ आइन् थारिक्साङ् मनाहाॽरे़ हे़क्केलॽरिक्के साक्मुरा मे़मे़त्तुसिॽ॥
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥