Biblia Todo Logo
Bib sou entènèt

- Piblisite -




मिका 6:12 - लिम्‍बु

12 खे़ने़ॽ याङ्‌साकुन्‍धेसाबा के़मनाहाॽ खार्मे़न्‍दक् याःम्‍बक् के़जोःक्‍पा मे़जोक्‍लो, खे़ने़ॽ के़मनाहाॽ इङ्‌ले़क्‍पा पान् मे़बाःत्‍लो हे़क्‍क्‍याङ् खे़ङ्‌हाॽरे़ मे़न्‌वाॽमना पान् मे़बाःत्तुरो॥

Gade chapit la Kopi




मिका 6:12
29 Referans Kwoze  

“खे़ङ्‌हाॽग मे़जिःत्ते़ मे़स्‍ये़रो, थेआङ्‌भे़ल्‍ले़ खे़ङ्‌हाॽ आङ्‌गाॽलाम् माःङ्‌घा मे़घे़त्‍छिङ् मे़बेआङ् मे़वाॽरो! खे़ङ्‌हाॽ खाप्‍पुथ्‍यःङ् मे़बोङ्‌लरो, थेआङ्‌भे़ल्‍ले़ आङ्‌गाॽ आदक्‍ले़ङ्‌वाओ खे़ङ्‌हाॽ पिफ्‍युङ्‌बा मे़बोःक्‍खे़आङ् मे़वाॽरो॥ कुमे़ल्‍लुङ् हुङ्‌माआङ् खे़ङ्‌हाॽ थे़ॽमासि आनिङ्‌वाॽ वाॽरो, कर खे़ङ्‌हाॽरे़ आङ्‌गाॽ आदक्‍ले़ङ्‌वाओ इङ्‌ले़क् मे़बाःत्तुरो॥


खे़ङ्‌हाॽरे़ खुन्‍छिॽ ले़स्‍सोःप्‍पान् हासम्‍सम्‍बा तोङ् हे़क्‍के लॽरो, खे़ङ्‌हाॽ आभे़ल्‍ले़साङ् इङ्‌ले़क् मे़बाःत्‍लो॥ मुराःल्‍ले़ग आबाङे पाङ्‌भेॽसाबाहाॽनु के़रे़क् कुजा के़नुॽबा पान् मे़बाःत्‍लो कर निङ्‌वाःल्‍ले़ग इजो मे़गे़सुरो॥


खे़ने़ॽ के़युक्‍साबाहाॽ पिफ्‍युङ्‌बा नु खुःन्‍द्रिक्‍पाहाॽरे़ खुन्‍छिॽ चुम्‍देङ् मे़बोःक्‍खे़आङ् मे़वाॽरो॥ खे़ङ्‌हाॽ के़रे़क्‍ले़ स्‍वाःत् सुरुत्‍याङ् चामा खुन्‍छिॽ सिराॽथाङ्‌लो, हे़क्‍क्‍याङ् खे़ङ्‌हाॽ चे़सुङ् मिक्‍तोक् खोमा खिःम्‌यक् मे़जोक्‍लो॥ खे़ङ्‌हाॽरे़ ये़त्‍छाबा ये़त्‍छामाहाॽ खासे़न् मे़ल्‍लोःन्‍दुन् मे़म्‍बिरुसिन्‍लो॥ हे़क्‍क्‍याङ् कुये़म्‍बा के़सिमा मेमेदुमाहाॽरे़ खुन्‍छिॽ ये़क्‍पेलिन् खे़ङ्‌हाॽरे़ मे़ङ्‌घे़प्‍सुन् मे़म्‍बिरुसिन्‍लो॥


मुक्‍साम्‍दाङ्‌बा यहवे दाङ्‌बे़ल्‍ले़ कुजे़ल्‍ले़क्‍सेॽ इक्‍किङ्‌ग इस्राइलबा हिम्‍सयङ्‌लो, हे़क्‍क्‍याङ् यहुदाबा मनाहाॽग खुने़ॽ कुयाम्‍नाःम्‍मिल्‍ले़ सिङ्‌सेॽ इक्‍लो॥ खुने़ॽग नुबा खासे़न् पोङ् के़लॽबा निङ्‌साङ् चोगुरो, कर माक्‍खिॽ वरक् पोःक्‍खे़रो, साम्‌योबा पोङ् के़लॽबा निङ्‌साङ् चोगुरो, कर तुक्‍खेलाक्‍खे नु मे़रिङ् पोःक्‍खे़रो॥


यरुसले़ःम्‍मिन् खा लुःम्‍मा खे़प्‍मा चोक्‍लो, हे़क्‍क्‍याङ् यहुदाःन्‍नाङ् चोःन्‍ल पत्‍लो, खे़ॽयो के़युङ्‌बा मनाहाॽरे़ खुन्‍छिॽ पाःन्‍जाःक्‍किन् नु याःम्‍बक्‍किन् यहवे दाङ्‌बे़ल्‍ले़ कुनिमाओ ताप्‍फे़ःम्‍बा चोक्‍लो खुने़ॽ कुमिमिदिङ्‌गे़न् कुदामा कुयुमे़न् खे़ङ्‌हाॽरे़ निनिबा मे़अत्तुरो॥


“खे़ङ्‌हाॽरे़ खुनिॽ पाःन्‍सुत्‍लाःङ्‌ग हङ्‌बे़त् के़बप्‍पा इःप्‍पुङ्‌ङोलाम् के़लःम्‍बा नाम्‍गे़सुबा कुनाम् कुइसिक् चोक्‍लो॥ खे़ङ्‌हाॽ इङ्‌ले़क्‍लक् मे़बाःत्‍लो॥” “खे़ङ्‌हाॽरे़ मे़बाःत्तुबा काक् पाःन्‍निङ्‌ग असेःक्‍पाल्‍ले़ कुनिङ्‌ङिन् हे़क्‍तङ्‌बा चोक्‍लो॥”


खे़ल्‍ले़ कुसुहाङ्‌युक्‍पाहाॽ के़हुःक्‍पा खिरिङ्‌बा हे़क्‍के मे़लॽरो, हे़क्‍क्‍याङ् खे़ल्‍ले़ कुयुक्‍साबाहाॽग तानाम् थारिक् खुन्‍छिॽ सानाःत्तिन् थेआङ् मे़न्‍नम्‍मनाबा युःन्‍छिक्‍पा पराबा हे़क्‍तङ्‌बा मे़जोक्‍लो॥


“आङ्‌गाॽ इस्राइलरे़ कुयाङ्‌घेःक्‍किन् वेःन्‍दुङ्‌ङिल्‍ले़, एफ्राइमरे़ कुलायोहाॽ ओसेःन्‍धाङ् पोङ्‌लो हे़क्‍क्‍याङ् सामरियाःल्‍ले़ कुभे़न्‌याःम्‍बक्‍हाॽ निधाःप्‍लो॥ खे़ङ्‌हाॽ इङ्‌ले़क्‍स्‍वाबा याःम्‍बक् मे़जोक्‍लो के़घुःप्‍पाहाॽ हिम्‍हाॽओ मे़लाःत्‍लो, फाःन्‍दाहाॽरे़ माराम्‍हाॽओ मनाहाॽ मे़नाप्‍तुसिरो॥


खे़ङ्‌हाॽ तङ्‌मा पाःन्‍ने मे़म्‍बाःत्‍ने़ल्‍लो, कर स्‍वाःत् के़युङ्‌बा मनाहाॽ मे़न्‌वाॽमनाबा पान् मे़मे़त्तुसिआङ् इओ मे़धासुसिरो॥


यहवे दाङ्‌बे़ल्‍ले़ अक्‍खे पाःत्तुरो, “यहुदाःल्‍ले़ सुम्‍सि कुलायोहाॽ इग्र लिसिए कुलायोहाॽरे़ चोगुल्‍ले़ आङ्‌गाॽ साॽरिक् आसिक् पोःक्‍मान् मे़घे़त्तुङ्‌ङिन्‍लो॥ यहवे दाङ्‌बे़ल्‍ले़ कुसाम्‌योथिम् इङ्‌जाङ्‌ङिन् खे़ङ्‌हाॽरे़ इःप्‍मा नाःप्‍मा मे़नाॽरुबाल्‍ले़ चोगुल्‍ले़, खम्‍भ्‍याङ् खुने़ॽ कुधिम्‍हाॽ मे़न्‍इःत्तुन् मे़न्‍नाःत्तुम्‍बाल्‍ले़ चोगुल्‍ले़ हे़क्‍क्‍याङ् खे़ङ्‌हाॽरे़ खुन्‍छिॽ पाधे़बाहाॽरे़ मे़दिम्‍दुसिबा इङ्‌ले़क्‍पा माङ्‌हाॽरे़ खे़ङ्‌हाॽ इङ्‌मे़ले़क्‍तुसिबाल्‍ले़ चोगुल्‍ले़,


तक्‍मिबा केःङ्‌ङिल्‍ले़ सुःप्‍मनाबा ने़त्‍नाओ के़ने़स्‍सिरो, हे़क्‍क्‍याङ् चिप्‍मःप्‍मःप्‍पा युक्‍नादे़न्‍नो सल्‍लिक् के़सन्‍नासिरो, खे़ब्‍याङ् वरुप्‍लुप्‍पा मे़ल्‍लुक्‍हाॽ नु के़मे़ॽबा पित्‍सात्‍हाॽ के़जाम्‍सिम्‍लो॥


कर खे़ङ्‌हाॽरे़ खुनिॽ पाःन्‍हाॽग इङ्‌ले़क्‍के वये़रो, हे़क्‍क्‍याङ् खे़ङ्‌हाॽरे़ मे़बाःत्तुबा आत्तिन् पाःन्‍निन्‍नाङ् कुदोःप्‍मा होःप्‍ते़रो॥


आङ्‌गाॽ यहवे दाङ्‌बान् मे़त्तुङ्‌लो, “इङ्‌ले़क्‍के नु फोत्‍याबा पान् के़बाःप्‍पाहाॽलाम् से़ःप्‍ताङ्‌ङे़ॽओ॥”


खे़ल्‍ले़ याःन्‍दिक् लाम्‍धेःत्‍पुङ् के़गाःक्‍पाहाॽ, हे़क्‍क्‍याङ् खुन्‍छिॽ माङ्‌हाॽ मे़युङ्‌बा माङ्‌हिम्‍मो खार्मे़न्‍दक् नु इङ्‌ले़क् इसेःङ् के़जोःक्‍पाहाॽ के़रे़क् आङ्‌गाॽ खुम्‍दिङ् पिरुङ्‌सिङ्‌लो॥”


खे़प्‍मो वेॽ यहुदिहाॽरे़आङ् खे़न् आप्‍तिक्‍किन् से़क्‍खाएरो फाॽआङ् मुरा मे़दङ्‌घुरो॥


Swiv nou:

Piblisite


Piblisite