मिका 6:11 - लिम्‍बु

¹¹ मे़ङ्‌गे़प्‍मना पासाङ्‌गा इग्र इङ्‌ले़क्‍पा कुधाङ्‌मा कुसिःक्‍मा के़गप्‍पा मनान् थे कुदोःप्‍मा लेःत्तुङ्‌बि?

मिका 6:11 Referans Kwoze

होसे 12:7

“ले़ङ्‌हङ् के़जोःक्‍पाहाॽरे़ मे़ङ्‌गे़प्‍मनाबा कुधाङ्‌माहाॽ मे़याङुरो, इङ्‌ले़क् चोःक्‍मा खे़ङ्‌हाॽ खुन्‍छिॽ सिराॽथाङ्‌लो॥

ले़बि 19:36

खिनिॽ कुदोःप्‍मा ते़म्‍दुरि नु कुधाङ्‌मा, हे़क्‍क्‍याङ् के़गे़प्‍पा कुसिःक्‍मा नु पासाङ्‌गाहाॽ कत्ते़म्‍मे़ॽ॥ मिस्र लाजेॽलाम् खिनिॽ के़लःप्‍पा के़भे़प्‍पा आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

खाहुन् 16:11

के़गे़प्‍पा कुसिःक्‍मा नु ते़म्‍दुरिहाॽ यहवे दाङ्‌बाल्‍ले़न्‍नेरो, के़रे़क् परिक्‍पा ओगप्‌ के़बोङ्‌बा कुधाङ्‌लुङ्‌हाॽ खुने़ॽए चोगुबारो॥

साम्‌योथिम् इङ् 25:13

“लत्‍छा कुधाङ्‌मारे़ लागि के़लिःप्‍पा नु याङ्‌याङ्‌बा परिक् परिक्‍पा कुधाङ्‌मा खिनिॽ सुक्‌वाओ मे़गत्ते़म्‍मिन्‍ने़ॽ॥

खाहुन् 11:1

मे़ङ्‌गे़प्‍मनाबा कुधाङ्‌मे़न् यहवे दाङ्‌बाल्‍ले़ कुसिक्‍के़ले़ःङ्‌लो, कर के़गे़प्‍पा कुसिःक्‍मे़न् खुने़ॽ कुसिराॽ थाङ्‌लो॥

इजकिएल 45:10

खिनिॽ के़गे़प्‍पा कुसिःक्‍मा कुधाङ्‌माहाॽ, के़गे़प्‍पा एपा नु के़गे़प्‍पा बाथ के़याङुम्‍ल पोङ्‌ॽ॥

आमोस 8:5

खिनिॽग अक्‍खे के़बाःप्‍तुम्‍लो, “लादुप्‍पिन् आप्‍फाल्‍ले़ माःप्‍पाबे? खे़ब्‍याङ् आनिॽ चाःन् सङ्‌मा आसुक्‍तुम्‍बाबे, आभे़ल्‍ले़ नाःम्‍सिङ्‌मा ये़न्‍निन् पेःक्‍पाबे? खे़ब्‍याङ् मासिन् आनिॽ सङ्‌मा आसुक्‍तुम्‍बाबे? आभे़ल्‍ले़ कुसिःक्‍मा नु कुदङ्‌मे़न् चुक्‍पा चोःक्‍माआङ् मे़ङ्‌गे़प्‍मनाबा कुधाङ्‌मान् याङ्‌माआङ् इङ्‌ले़क्‍मासिबे॥

जकरिया 5:8

हे़क्‍क्‍याङ् माङ्‌लाइङ्‌बे़ल्‍ले़ पाःत्तु, “कन् फे़न्‌याःम्‍बक्‍किन् हाबा कन्‍लो॥” खे़ब्‍याङ् खुने़ॽ खे़न् मे़न्‍छुमान् साप्‍पोओ याङ्‌यो इःन्‍दु केःत्तु, हे़क्‍क्‍याङ् माक्‍लुम्‍बा कुसुःप्‍माल्‍ले़ साप्‍पोःल्‍ले़ कुम्‍ब्राःन् सुःप्‍तु॥

खाहुन् 20:10

वेॽ के़से़म्‍बा मे़न्‍दङ्‌मनाबा कुधाङ्‌माहाॽ नु कुसिःक्‍माहाॽ यहवे दाङ्‌बे़ल्‍ले़ कुसिक्‍ले़ःङ्‌लो॥