मिका 5:4 - लिम्बु4 यहवे दाङ्बे़ल्ले़ कुमुक्साम्मो नु यहवे दाङ्बा कुनिङ्वाॽफुमाङ्ङिल्ले़ कुमिमिदिङ्गे़न् कुमिङ्ङो खुने़ॽ ये़प्लो॥ हे़क्क्याङ् कुमे़ल्लुक्हाॽ कमुसि ओमे़त्तुसिरो, इक्सादिङ् खाम्बेःक्मोबा कुयाओ थारिक्के खुने़ॽ पयम् यम्बा चोःक्पाल्ले़ चोगुल्ले़ खे़ङ्हाॽ ताप्थेक् याम्धेक् मे़वाॽरो॥ Gade chapit la |
मिका 5:4
37 Referans Kwoze
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
ये़सुरे़ खे़न् मे़त्तु “इङ्गाॽ मे़दे़म्साङ्ङिन्ने़ॽओ, थेआङ्भे़ल्ले़ आल्लो थारिक् इङ्गाॽ पानुदिङ् पाःल्लो मे़म्बेःक्के वाॽआरो॥ कर पेगे़ॽआङ् आन्साॽसि अक्खे मे़त्ते़से़ॽओ, ‘इङ्गाॽ पानुदिङ् आम्बा नु खिनिॽ पानुदिङ् पा हे़क्क्याङ् इङ्गाॽ आनिङ्वाॽफुमाङ् नु खिनिॽ निङ्वाॽफुमाङ्ङो नुःङ्ङा पेःक्कार पत्तारो॥’”
आङ्गाॽ एफ्राइमलाम् अन्लाधाहाॽ खे़त्तुङ्सिङ्लो हे़क्क्याङ् यरुसले़ःम्लाम् थक्सुबा अन्हाॽ तेॽरुङ्सिङ्लो, हे़क्क्याङ् थङ् चोःक्मा लिॽहाॽ फल्लक् फल्लक् ए़क्लो॥ खुने़ॽ मे़न्छाम् सुवाङ्हाॽरे़ लागि नुॽमादामारे़न् उवा चोगुरो, खुने़ॽ कुहाङ्जुम्मिन् थिक् वरःङ्ङोलाम् वेॽ वरःङ् थारिक्, खम्भ्याङ् युफ्रेतिस वहःङ्ङोलाम् योॽबाःल्ले़ कुनुप्मो थारिक् पोङ्लो॥
यहवे दाङ्बे़ल्ले़ए कुसे़वारोबा पोङ्मारे़ लागि आम्मारे़ कुसाप्पोःक्को नावागे़न् चइःत् चोगाङ्लो॥ आबाङे कुमनाहाॽ हे़क्क्याङ् इस्राइलबा फुत्छिङ्छाङ् के़से़बा मनाहाॽ नुःक्मा ताःप्मासिरे़ लागि युक्तिङ् चोगाङ्लो॥ खुने़ॽए आङ्गाॽ मिङ्सो इङ्धाङ् पिआरो, खुने़ॽग आङ्गाॽ आमुक्साम्मिल्ले़ कुबुन्लो॥
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
Piblisite