मिका 5:2 - लिम्बु2 “कर बेथले़हे़म एप्राताए, खे़ने़ॽ यहुदा थाःक्हाॽओ चुक्सा के़जोःक्साङ्, खे़ने़ॽलाम् आलागि मनाधिक् लःन्लो, खुने़ॽ इस्राइलबा युक्साबा पोङ्लो, खुने़ॽ कुहेःक्सिङ्माङ्ग उन्छोःन्बा ये़म्माङ्धो, उनाहुरिबा ये़म्माङ्धोए वाॽरो॥” Gade chapit la |
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
खे़न् तुम्भाक्पाहाॽ नु मनाहाॽरे़ मे़बाःत्तु, “ओरो, आनिगे साःक्खि वयिगे़रो॥ थिन्दाङ् सायोबोराहाॽरे़ याकुबरे़ कुहिम्मिन् कुले़ःम् के़धिम्मा के़बिमा राहेल नु ले़आःन् हे़क्के खे़ने़ॽ के़मेःत्तिन् यहवे दाङ्बे़ल्ले़ चोगुररो, खे़ङ्हाॽग इस्राइलरे़ कुधाःक्सिरो॥ एप्राताओ खे़ने़ॽ के़मिङ्सो इङ्धाङ् पोङ्ल, हे़क्क्याङ् बेथले़हे़ःम्मो खे़ने़ॽ के़मिङ् तिःत्ल॥
खे़ङ्हाॽरे़ खुन्छिॽ लाम्लोबाङ्ग खुन्छिॽ आबाङे सुवाङ्लाम्बा पोङ्लो हे़क्क्याङ् मनाहाॽरे़ खुन्छिॽ लुम्मोलाम्बा युक्साबाधिक् लःन्लो॥ आङ्गाॽ खे़न् उःत्तुङ्ङिल्ले़ खे़न् आबेसाङ् तारो थेआङ्भे़ल्ले़ आङ्गाॽ मे़न्उःत्ते थारिक् हात् आबेसाङ् तामा सुक्पे? आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥
कर खे़निॽ के़रे़क् तुक्खे लाक्खेलाम् ताङ्गे़से़ःप्पा निङ्वाॽफुमाङ्ङिन् कन् ये़म्मो खे़निॽ के़नाॽरुम्माङ् के़वयि॥ हे़क्क्याङ् खे़निॽ अक्खेआङ् के़बाःत्तुम् ‘मेःन्, आनिॽ लुम्मो लत्छा हाङ्युक् के़जोःक्पा हाङ्धिक् युक्तिङ् चोगे़ॽ॥’ कल्ले़चोगुल्ले़ आल्ल यहवे दाङ्बाल्ले़ कुदगि थाःक्थाःक् नु पासिङ् पासिङ् पोःक्खे़म्मे़ॽआङ् आबाङे आबाङे ते़न्हाॽओ चुप्साम्मे़ॽ॥”
कर के़रे़क् मनाहाॽओलाम् निङ्वाॽफुमाङ्ङिन्नु के़गिबा, सुम्बोधासाबा ये़म्बित्छाहाॽ सेगे़से़ॽ॥ खे़ङ्हाॽ मे़न्वाॽमनाबा पाःन्हाॽलाम् याङ्थक्मा के़जिःप्पा कुदोःप्मा मना मे़बोङ्ल॥ खे़ङ्हाॽ हे़न्छिङ् हे़न्छिङ्, किप्थिक् किप्थिक्, ङाबोङ् ङाबोङ् नु थिबोङ् थिबोङ् मनाहाॽरे़ लागि लाम्लोबा चोगे़से़ॽ॥
कल्ले़चोगुल्ले़ आङ्गाॽ खिनिॽ थाःक्थक्माबा कुधे़गेक् मनाहाॽ सेगुङ्सिङ्॥ खे़ङ्हाॽ के़रे़क् खासिङ् के़निःप्पा नु मिङ्सो इङ्धाङ्साबा मना मे़वये़, खे़ब्याङ् खिनिॽ थाःक्थक्माबा मनाहाॽरे़ लागि खे़ङ्हाॽ हे़न्छिङ्, किप् थिक्, ङाबोङ् नु थिबोङ्ले़ लागि लाम्लोबा सेःन्दुङ्सिङ्॥ थाःक्थाःक्ले़ लागि थाःक्लाम्लोबाहाॽआङ् सेःन्दुङ्सिङ्॥
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
सियोनरे़ कुस्सा मे़न्छुमाए, सागप्मा तुङ्ङिल्ले़ तरुमा मे़न्छुमान् हे़क्के खे़ने़ॽ खइक् खइक् के़इक्सिङ्ल तुक्मे़ल्ले़ के़भिःक्लो, थेआङ्भे़ल्ले़ खे़ने़ॽ कन् ये़क्यक्किन् ले़प्माए पोङ्लो हे़क्क्याङ् ताप्मे़रादे़न्नो युङ्मा पोङ्लो॥ आल्ल खे़ने़ॽ बेबिलोन पेःक्मा पोङ्लो, कर खे़ने़ॽ खे़प्मो ताङ्के़म्से़ःप्लो॥ खे़ने़ॽ के़निङ्मिहाॽरे़ खुन्छिॽ हुक्कोलाम् यहवे दाङ्बे़ल्ले़ खे़प्मोए खे़ने़ॽ के़धे़ॽरो॥