मिका 4:7 - लिम्बु7 के़वाॽबा के़याःक्पा लाङ्सक्पाहाॽ नु माःङ्घा मे़नाःत्तु मे़देसुसिबाहाॽ मुक्के़गुबा सुवाङ् चोगुङ्सिङ्लो॥ खे़न् ये़न्नाङ्धो यहवे दाङ्बे़ल्ले़ खे़ङ्हाॽरे़ खुन्छिॽ लुम्मो सियोन कोःक्माओ सदादिङ् हाङ्युक् चोगुरो॥ Gade chapit la |
मिका 4:7
32 Referans Kwoze
याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
खे़ब्याङ् साङ्ग्राम्पेदाङ् सिगाङ्बा हाङ्जुम्हाॽओबा हाङ्युक्किन्, मुक्साम्मिन् नु पयम् यम्बा हाङ्वान् के़रे़क्नुःल्ले़ यम्बा निङ्वाॽफुमाङ्ङिल्ले़ कुमनाहाॽ मे़बिरुसिॽ॥ खुने़ॽ कुहाङ्जुम्मिन् नुप्मे़न्दिङ्बा हाङ्जुम् पोङ्ॽ, हे़क्क्याङ् के़रे़क् युक्साबाहाॽरे़ खुने़ॽ माङ्से़वा मे़मे़त्तुआङ् खुने़ॽ कुइङ्जाङ्ङिन् मे़इःत्तु मे़नाःत्तुॽ॥’
हे़क्क्याङ् इस्राइल लाजेॽओ थिबोङ्लक् यारिक्लक् मनाहाॽ मे़दाङ् मे़याःक्साङ् याम्मो खे़न् के़दाङ्बा के़याःक्पाहाॽ खाम्पु थ्यःङ् मे़जोगुसिरो॥ कर यहिबा इग्र के़साक्पा सिङ्बुङ्हाॽ आःप्मादे़मासाङ् कुमुःत्हाॽ युङ्याःक्काङ् खे़न् सिङ्मुःत्हाॽ याम्मो कुजःक् लिङ्धाङ्बा कुइसिक् खे़न् सिङ्मुःत्तिन् सेसे याॽरिःम्बा पोङ्ङाङ् याम्मो पोधाङ्लो॥”
हे़क्क्याङ् निङ्वाॽफुमाङ्ङिल्ले़ दाउदरे़ कुहिम्सयङ्ङोलाम् लत्छा मनाधिक् हाङ् चोगुरो, हे़क्क्याङ् खे़न् हाङ्ङिन् नसाःन्साबा पोङ्ङाङ् चक्मे़ल्लॽए कुमनाहाॽ लुङ्माॽ तुक्तुसिरो खे़ब्याङ् कुदोःप्मा खासे़न् लोःन्दु पिरुसिरो॥ कुदोःप्मा याःम्बक्हाॽ खे़ल्ले़ खिमो चोगुदेसुरो खे़म्ब्याङ् कुदोःप्मा खासे़न् पोङ्ल याःन्दुरो॥
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, कङ्ग आङ्गाॽ आहाङ्युक्नादे़न् नु आङ्गाॽ आलाङ् तोॽभेःत् ते़न्लो॥ आङ्गाॽ कप्मो इस्राइलबा मनाहाॽरे़ खुन्छिॽ लुम्मो सदादिङ् आभे़ल्ले़साङ् वाॽआ॥ इस्राइलबा हिम्सयङ्हाॽ नु खे़ङ्हाॽरे़ खुन्छिॽ हाङ्हाॽरे़ खे़ङ्हाॽरे़ खुन्छिॽ याम्बोःप्मालाम् इग्र माङ्हिम् पेसाङ् खे़ङ्हाॽरे़ खुन्छिॽ हाङ्हाॽरे़ खुन्छिॽ चेहाॽ मे़न्लुप्तुसिन्ॽ हे़क्क्याङ् याम्मो आभे़ल्ले़आङ् आङ्गाॽ आसेसे मिङ्ङिन् आसुत्थो मे़न्जोगुन्ॽ॥
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
Piblisite