मिका 4:4 - लिम्बु4 के़रे़क् मनाहाॽ खुन्छिॽ आबाङे चे़ल्ले़क्सेःल्ले़ कुबुङ्ङो हे़क्क्याङ् खुन्छिॽ पःत्छेॽ पुङ् सिगाङ् मे़युङ्लो, हे़क्क्याङ् खे़ङ्हाॽ आत्तिल्ले़आङ् यङ्मा मे़से़रुसिन्लो, थेआङ्भे़ल्ले़ मुक्साम्साबा यहवे दाङ्बे़ल्ले़ए पाःत्तुआङ् वाॽरो॥ Gade chapit la |
मिका 4:4
25 Referans Kwoze
“हिजकियाःल्ले़ कुबाःन्निन् मे़घे़प्से़प्मिन्ने़ॽ॥ अस्सुरबा पयम् हाङ्ङिल्ले़ अक्खे पाःत्तुॽ—खे़निॽ आङ्गाॽनु तङे़म्मे़ॽ, हे़क्क्याङ् लःन्दाम्मे़ॽआङ् आङ्गाॽओ त्ये़म्मे़ॽ॥ हे़क्केःल्ले़ खे़निॽ के़रे़क्ले़ आबाङे चे़ल्ले़क्सेल्ले़ कुजाॽ नु पये़प्पाल्ले़ कुजाॽहाॽ चामा के़घोसुम्, खे़ब्याङ् खे़निॽ आबाङे वबाक्को च्वाःत् थुङ्मा के़घोसुम्॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
कल्ले़चोगुल्ले़ यहवे दाङ्बे़ल्ले़ आङ्गाॽ आम्बा दाउदे़न् मे़त्तुबा कुइसिक् यहवे दाङ्बे़ल्ले़ कुमिङ्ले़ लागि लत्छा माङ्हिम् चोःक्मा निङ्वाॽ निःन्धो चोगुङ्ङाङ् वाॽआ॥ यहवे दाङ्बे़ल्ले़ दाउदे़न् अक्खे मे़त्तुआङ् वये़ ‘खे़ने़ॽ के़ले़क्वाओ, आङ्गाॽ खे़ने़ॽ के़स्सान् हाङ्युक्नाओ युक्खुङ्ॽ, खुने़ॽए आङ्गाॽ आमिङ्ङिल्ले़ लागि खे़न् माङ्हिम्मिन् चोगुॽ॥’
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
Piblisite