बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
मिका 4:10 - लिम्बु10 सियोनरे़ कुस्सा मे़न्छुमाए, सागप्मा तुङ्ङिल्ले़ तरुमा मे़न्छुमान् हे़क्के खे़ने़ॽ खइक् खइक् के़इक्सिङ्ल तुक्मे़ल्ले़ के़भिःक्लो, थेआङ्भे़ल्ले़ खे़ने़ॽ कन् ये़क्यक्किन् ले़प्माए पोङ्लो हे़क्क्याङ् ताप्मे़रादे़न्नो युङ्मा पोङ्लो॥ आल्ल खे़ने़ॽ बेबिलोन पेःक्मा पोङ्लो, कर खे़ने़ॽ खे़प्मो ताङ्के़म्से़ःप्लो॥ खे़ने़ॽ के़निङ्मिहाॽरे़ खुन्छिॽ हुक्कोलाम् यहवे दाङ्बे़ल्ले़ खे़प्मोए खे़ने़ॽ के़धे़ॽरो॥ Gade chapit la |
मिका 4:10
27 Referans Kwoze
कोरेसे़न् आङ्गाॽ आसाम्योबा याःम्बक्किन् के़त्ल फाॽआङ् फोःक्खुङ्लो, आङ्गाॽ खे़ल्ले़ के़रे़क् कुलाम्हाॽ तोःन्दोम्बा चोगुङ्लो॥ खे़ल्ले़ आङ्गाॽ आये़क्यक्किन् याम्मो चोगुरो, हे़क्क्याङ् मे़दे़म्सु मे़देॽरुसिबा के़रे़क् आमानाहाॽ खे़ल्ले़ ले़रुसिरो, कर कुमे़ल्लुङ् हुङुआङ्ग मेःल्लो, कुजे़न्नाङ् मे़दाःक्तुल्लो,’” मुक्साम्दाङ्बा यहवे दाङ्बे़ल्ले़ पाःत्तुरो॥
इस्राइलबा सेसेबा निङ्वाॽफुमाङ्, खे़निॽ ताङ्गे़से़ःप्पा यहवे दाङ्बे़ल्ले़ अक्के पाःत्तुरो, “खे़निॽ ताङ्से़ःप्मारे़ लागि बेबिलोन ये़क्यक्किल्ले़ कुदक्ले़ङ्वाओ थक्सुबाहाॽ पाङ्घुङ्सिङ्लो, आङ्गाॽ खे़न् साॽरिक् आङ्दिङ् के़लॽबा बेबिलोनिहाॽ वालाधाहाॽओ मे़घे़त्छिङ्ल याःन्दुङ्सिङ्लो हे़क्क्याङ् खे़ॽयोबा मनाहाॽ मे़हाःप् मे़जिःङ्लो॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
हाबा खे़न् ये़म्मो ये़क्यक्कोबा लुङ्धाक्किन् लुःन्दे़ हे़क्क्याङ् बेबिलोनिहाॽरे़ ये़क्यक्किन् मे़गबुआङ् मे़ने़स्से़ल्ले़सा यहुदाबा के़रे़क् थक्सुबाहाॽ हाङ्ङिल्ले़ कुभुङ्इक् पेसाङ्बा नाहाङ् कत्नाहाङ्बा लुङ्धाक्किल्ले़ कुलुम्मोबा लाम्धेःत्तोलाम् से़न्दिक् मे़घे़त्छिङ् मे़घे़रे़॥ खे़ङ्हाॽ अराबा ने़ने़बादे़न् ले़प्माङ् मे़घे़त्छिङ् मे़बे॥
“फारसबा हाङ् कोरेसे़ल्ले़ अक्खे पाःत्तुरो— “‘यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ इक्सादिङ् खाम्बेःक्मोबा के़रे़क् हाङ्जुम्हाॽ आङ्गाॽ पिराङ्ङाङ् ने़रो॥ हे़क्क्याङ् खुने़ॽए आङ्गाॽ यहुदाओबा यरुसले़ःम्मो खुने़ॽ कुलागि लत्छा माङ्हिम् चोःक्मा इङ्जाङ् पिराङ्ङाङ् वाॽ॥ आल्लो खिनिॽ लुम्मो के़वाॽबा, खुने़ॽ कुमनाहाॽओबाहाॽ के़रे़क् आङ्गाॽ मे़त्तुङ्सिङ्ॽ, यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिन् खुन्छिॽनु सोरिक् वाॽर, हे़क्क्याङ् खे़ङ्हाॽ यरुसले़ःम्मो मे़धोःक्सिङ् मे़बेःक्लरो॥’”
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
Piblisite