मिका 3:3 - लिम्‍बु

³ खिनिॽग आमनाहाॽरे़ खुन्‍छिॽ ने़क्‍सान् के़जाम्‍लो, खे़ङ्‌हाॽरे़ खुन्‍छिॽ होरिक्‍पान् के़धिक्‍तुम्‍लो, हे़क्‍क्‍याङ् खुन्‍छिॽ ये़प्‍पान् फल्‍लाक् फल्‍लाक् के़ए़क्‍खुम्‍लो खम्‍भ्‍याङ् खप्‍प्‍याओ थे़क्‍मा नु फसिओ थोःक्‍मा सान् कुइसिक् खे़ङ्‌हाॽ कुजक्‍ता कुले़म्‍दा के़जोगुम्‍सिम्‍लो॥

मिका 3:3 Referans Kwoze

निङ्‌वाॽफु साम्‍लोसुम् 14:4

ताप्‍फे़ःम्‍बा याःम्‍बक् के़जोःक्‍पाहाॽ आभे़ल्‍ले़आङ् मे़न्‍हुॽसिङ्‌ङिन्‍बि? खे़ङ्‌हाॽरे़ खरे़ःङ् मे़जबा हे़क्‍के आमनाहाॽ मे़जसिरो, हे़क्‍क्‍याङ् खे़ङ्‌हाॽरे़ निङ्‌वाॽफुमाङ्‌ङिन् आभे़ल्‍ले़आङ् पेलि मे़म्‍भाक्‍तुल्‍लो॥

इजकिएल 11:3

खे़ङ्‌हाॽरे़ मनाहाॽरे़ अक्‍खे मे़मे़त्तुसिॽ, ‘थे कन् हिम् चोःक्‍मा नुबा ये़म् मेःन्‍नाङ्‌बि? कन् ये़क्‌यक्‍किङ्‌ग लत्‍छा फे़न्‍जेॽ खप्‍प्‍या हे़क्‍तङ्‌बा चोक्॥ आनिॽग खप्‍प्‍याओ के़याक्‍पा सा हे़क्‍के कप्‍मो आनुॽ आदाआङ् आयाक्॥’

सपन्‍याह 3:3

खे़ल्‍ले़ कुसुहाङ्‌युक्‍पाहाॽ के़हुःक्‍पा खिरिङ्‌बा हे़क्‍के मे़लॽरो, हे़क्‍क्‍याङ् खे़ल्‍ले़ कुयुक्‍साबाहाॽग तानाम् थारिक् खुन्‍छिॽ सानाःत्तिन् थेआङ् मे़न्‍नम्‍मनाबा युःन्‍छिक्‍पा पराबा हे़क्‍तङ्‌बा मे़जोक्‍लो॥

निङ्‌वाॽफु साम्‍लोसुम् 27:2

कुइगे़भे़म्‍बा मनाहाॽरे़ से़प्‍मा मे़गोःत्ताल्‍ले़, हे़क्‍क्‍याङ् आदक्‍ले़ङ्‌वाओ के़बोःक्‍पा आङ्‌गाॽ आनिङ्‌मिहाॽरे़ मे़भत्ताल्‍ले़, खे़ङ्‌हाॽ मे़भत्‍छिङ्‌ङाङ् मे़गे़ङ्‌लो॥

यसैया 3:14

आबाङे कुमनाहाॽरे़ खुन्‍छिॽ साम्‌योसिक्‍साम्‍बाहाॽ नु युक्‍साबाहाॽरे़ खुन्‍छिॽ तक्‍ले़ङ्‌वाओ यहवे दाङ्‌बे़ल्‍ले़ खासे़न् चोगुरो॥ “खिनिॽए आङ्‌गाॽ आजे़ल्‍ले़क्‍सेॽइक् के़मे़ङ्‌बानिङ्‌लो॥ याङ्‌गे़साॽबाहाॽ के़नाप्‍तुम्‍सिम्‍बा चिगक्‌वाहाॽ खे़निॽ हिम्‍हाॽओए वाॽरो॥

इजकिएल 24:4

कुमिबुङ् हे़क्‍क्‍याङ् कुभक्‍ताङ् नु कुलाङ्‌से़बङ्‌बा हे़क्‍क्‍याङ् खक्‍मनाबा के़रे़क् साॽरिक् चुन्‍जुम्‍बा सेःक्‍मनाबा सामुल्‍लाहाॽरे़ कन् थिम्‍से़ॽओ॥

मिका 2:8

कर आङ्‌गाॽ आमनाहाॽ निङ्‌मिहाॽ हे़क्‍तङ्‌बा मे़बोःक्‍खे़आङ् मे़वाॽरो॥ निङ्‌वाॽए मे़ल्‍लोए खिनिॽ पेसाङ्‌लाम् के़बोङ्‌बाआङ् के़बेःक्‍पा मनाहाॽलाम् खिनिॽ थङ्‌ङोलाम् के़नुःङ्‌बा मनाहाॽ हे़क्‍के कुमे़ल्‍लुङ् के़घिःक्‍पा सुङ्‌घेक्‌वान् के़नाप्‍तुम् के़देॽरुम्‍सिम्‍लो॥

खाहुन् 30:14

खे़ङ्‌हाॽरे़ खुन्‍छिॽ हाबोॽबाहाॽ ताभेनु कुदङ्‌बा चोक्‍लो, खे़ङ्‌हाॽरे़ खुन्‍छिॽ केःङ्‌हाॽ फे़जानु कुदङ्‌बा चोक्‍लो॥ इक्‍सादिङ् खाम्‍बेःक्‍मोलाम् याङ्‌गे़साॽबाहाॽ मे़लरुसिरो, हे़क्‍क्‍याङ् मे़न्‍छाम् सुवाङ्‌लुम्‍मो चाहाबओ के़धाबाहाॽ मे़लरुसिरो॥

यसैया 3:15

आङ्‌गाॽ आमनाहाॽ खे़निॽ थेआङ् के़युक्‍तुम्‍सिम्‍बा हे़क्‍क्‍याङ् थेआङ् याङ्‌गे़साॽबाहाॽ के़युःत्तुम्‍सिम्‍बाबे?” मुक्‍साम्‍दाङ्‌बा यहवे दाङ्‌बे़ल्‍ले़ अक्‍तङ्‌बा उवा चोगुरो॥

आमोस 8:4

थेआङ् मे़ङ्‌गप्‍मनाबाहाॽ लाङ्‌ङिल्‍ले़ के़दोॽबा नु लाजेॽओबा याङ्‌गे़साॽबाहाॽ के़मे़ङ्‌बासे, कन् खे़प्‍से़म्‍मे़ॽओ,