मिका 3:11 - लिम्बु11 खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥” Gade chapit la |
मिका 3:11
39 Referans Kwoze
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
ने़प्माङ् हुक्हाॽ फे़न्याःम्बक् चोःक्मा के़ले़बा चोक्लो, युक्साबाहाॽरे़ मिक्तोःक्हाॽ मे़नाःक्तुरो हे़क्क्याङ् खासे़न्लोःम्बाहाॽरे़ याङ् चामा मे़नाःक्तुरो॥ आयुक्युक्पाहाॽरे़ च्या चोःक्मा निङ्वाॽ मे़जोगुॽ हाबा खे़न्ने चोःक्मारे़ लागि इङ्जाङ् मे़जोगुरो, खे़ङ्हाॽ के़रे़क् मे़दङ्सिङ्ङाङ् चे़म्भन् मे़जोगुरो॥
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
खे़ङ्हाॽग साॽरिक् खुन्छिॽ सिक्के़लाःक्पा कोःत्चोसिरो, खे़ङ्हाॽ आभे़ल्ले़आङ् मे़ङ्घाने़न्लो, खे़ङ्हाॽ खासिङ् मे़न्निःप्मनाबा मे़ःन्दा पित् के़गम्बासिरो॥ खे़ङ्हाॽ के़रे़क् आबाङे खुन्छिॽ लाम्मो लाङ्मे़घेःक्काङ् मे़वाॽरो, के़रे़क्ले़ आबाङे खुन्छिॽ नुबा के़बोङ्बा पाःन्हाॽरक् मे़गोःत्तुरो॥
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
“नासिगे़न् थक्ला के़गप्पा मे़न्छाम् याप्मिए, खे़ने़ॽ इस्राइलबा मे़ल्लुक्कम्बाहाॽरे़ खुन्छिॽ तक्ले़ङ्वाओ माङ्निङ्वाॽपान् पारे़ॽ॥ आङ्गाॽ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—खिनिॽ थक्सालुप्हाॽ कम्ब्राङ् मे़प्मासिरे़ कुले़क्वा खिनिॽ आबाङेरक् कम्ब्राङ् के़मे़त्छिङ्बा मे़ल्लुक्कम्बाहाॽ के़जिःत्ति के़स्ये़ॽइरो॥ थे मे़ल्लुक्कम्बाहाॽरे़ खुन्छिॽ मे़ल्लुक्हाॽ कुजा चाःप्मासि मे़बोङ्ने़म्बि?
Piblisite