मिका 2:2 - लिम्बु2 खे़ङ्हाॽरे़ इक्ताप्हाॽ मिक्मे़गेःत्तुरो हे़क्क्याङ् खे़ङ्हाॽरे़ खे़न् इक्ताप्हाॽ मे़नाप्तुसिरो, खे़ब्याङ् हिम्हाॽओ खुन्छिॽ मिक्लाःत्लो हे़क्क्याङ् खे़ङ्हाॽरे़ खे़न् हिम्हाॽ हुक्काप् मे़जोगुरो॥ खे़ङ्हाॽरे़ मनाहाॽरे़ खुन्छिॽ हिम्हाॽ नु लक्खोमाहाॽ मे़युक्तुआङ् खुन्छिॽ मे़मे़त्छिङ्लो॥ Gade chapit la |
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
‘यहवे दाङ्बे़ल्ले़ अक्खेलॽरिक् उवा चोगुॽ, आङ्गाॽ आन्छे़न् नाबोते़न् नु खुने़ॽ कुस्साहाॽरे़ खुन्छिॽ माक्खिन् निसुङ्, हे़क्क्याङ् आङ्गाॽ से़क्खाए खे़ने़ॽ आम्भा कन् लाजेॽ लक्को कुले़क्वा नुःक्तुङ् पिने़॥’ कल्ले़चोगुल्ले़ यहवे दाङ्बे़ल्ले़ कुइङ्घङ् कुइसिक् खे़न् पक्खे़ॽआङ् हाबा कन् लाजेॽ लक्को लाप्फेसे़ॽ॥”
खुने़ॽ सेःन्दोसाङ्, “नासिगे़न् थक्ला के़गप्पा मनाए, खे़ने़ॽ कन् के़निसुबि? के़रे़क् मे़न्छाम् सुवाङ्हाॽ मना से़प्मारे़ लागि लाम्मे़लोसुसिबान्, आङ्गाॽ साॽरिक् कुनामे़न्छाॽ मे़मे़त्ताबान् नु आङ्गाॽ आसाक्के़न् मे़भोक्खुआङ् यहुदाबा मनाहाॽरे़ मे़जोगुबा कन् याम्गे़सिङ्बा लायोहाॽ खुन्छिॽ लागि थे़माआङ् मेःम्बि?
हाङ्ङिल्ले़ मनाहाॽ खुन्छिॽ लाजेॽ सिङ्बुङ्ङोलाम् लःप्मादेमासिआङ् खुन्छिॽ लक्खोमान् मे़प्मासिङ् मे़नुॽने़न्॥ खुने़ॽ आप्फेक् कुलाजेॽ सिङ्बुङ्लाम् कुस्सा ये़म्बित्छाहाॽ खुने़ॽ लक्खोमा युक् पिरुसिर पोङ्ॽ, हे़क्केलॽरिक् आङ्गाॽ आत्तिन् आमनाहाॽआङ् खुन्छिॽ लाजेॽ सिङ्बुङ्लाम् मे़न्छे़न्ने़न्लरो॥’”
खे़ङ्हाॽरे़ खाम्बाङ्ङोबा खाम्हिःक्किन् मे़दोॽरुबा हे़क्के याङ्गे़साॽबाहाॽ खुन्छिॽ थे़गेःक्को मे़दोॽरुसिरो, हे़क्क्याङ् तुक्खे मे़जाःत्तुसिबाहाॽरे़ खुन्छिॽ ले़प्माङ्बा कुदोःप्मा खासे़न्निन् खे़ङ्हाॽ खे़म्मा मे़न्दे़ने़न्लो॥ कुम्बा नु कुस्सा लत्छा मे़न्छ्याओ पित्छिरो हे़क्क्याङ् आङ्गाॽ आसेसे मिङ्ङिन् फे़त्लाःन्छुरो॥
“‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—इस्राइलबा हाङ्से, खिनिॽ साॽरिक्के कुॽइगे़भे़रिआङ् के़वयिॽ! खिनिॽ कुॽइभे़म्मान् नु मे़न्वाॽमनाबा याःम्बक्हाॽ ले़रे़म्मे़ॽ हे़क्क्याङ् आत्तिन् के़वाॽबा नु कुदोःप्मा चोक् खे़न् चोगे़म्मे़ॽ॥ आङ्गाॽ आमनाहाॽ खुन्छिॽ लाजेॽ सिङ्बुङ्लाम् नाःप्मादेमासि ले़रे़म्मे़ॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
सामरियाबा कोःक्माओ के़वाॽमा बासानबा पिप्मासे, सिम्बोसामा मे़न्छुमासे, कन् पाःन्निन् खे़प्से़म्मे़ॽओ, खिनिॽ याङ्गे़साॽबाहाॽ ताप्फे़ःल्लिक् के़मे़त्तुम्सिम्लो, थेआङ् मे़ङ्गप्मनाबाहाॽ खिनिॽ के़युक्तुम्सिम्लो, खे़ब्याङ् खिनिॽ ये़म्बाहाॽ अक्खे के़मे़त्तुम्सिम्लो, “थुङ्मारे़लागि आनिगे कुभा थे़माइ तारे़आबिरे़ॽओ॥”