मिका 2:12 - लिम्बु12 याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥ Gade chapit la |
मिका 2:12
28 Referans Kwoze
हे़क्क्याङ् मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—आङ्गाॽ मे़न्छाम् सुवाङ्हाॽरे़ खुन्छिॽ लुम्मोलाम् इस्राइलबा मनाहाॽ फुक्खुङ्सिङ्ॽ॥ खे़ङ्हाॽ फुत्छिङ्ज्याङ् मे़से़रे़आङ् मे़वाॽबादे़न्हाॽओलाम् आङ्गाॽ खे़ङ्हाॽ खुन्छिॽ आप्फेक् लाजेॽओबा हिम्मो नुःक्तुङ् तारुङ्सिङ्ॽ॥
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
यहवे दाङ्बे़ल्ले़ कुदाभेन् माक्खिॽओ हुमे़आङ् वाॽरो, खे़न् सोःत्ते़ल्ले़ पन्छुआङ् पत्लो— मे़ल्लुक् मे़ःन्दा माक्खिल्ले़ हे़क्क्याङ् मे़ल्लुक् मे़ःन्दा ले़म्भेःप्मोबा सोःत्ते़ल्ले़ खे़न् ताभेन् नाःन्दुआङ् पत्लो॥ थेआङ्भे़ल्ले़ बोज्रा ये़क्यक्को यहवे दाङ्बे़ल्ले़ वयागे़न् सिदुङ्जभा चोगुआङ् वाॽरो, हे़क्क्याङ् एदोम्मो यरिक् माक्खिॽसिवा से़सुआङ् वाॽरो॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
मनाहाॽ नु मे़न्छाम् सुवाङ्हाॽरे़ खुन्छिॽ लुम्मोलाम् आङ्गाॽ खे़ङ्हाॽ खुन्छिॽ आप्फेक् इस्राइल लाजेॽबा हिम्मो नुःक्तुङ् तारुङ्सिङ्ॽ॥ इस्राइलबा कोःक्मा फाङ्जङ् थे़गु माङ्वाहाॽओ नु पाक्लुम्लुम्बादे़न्हाॽरे़ कुयाओ हे़क्क्याङ् मना के़युङ्बा के़रे़क् ते़न्हाॽओ आङ्गाॽ खे़ङ्हाॽ कुजा चाःत्तुङ्सिङ्ॽ॥
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
Piblisite