मिका 2:11 - लिम्बु11 “मे़न्वाॽमना के़बाःप्पा नु इङ्ले़क्पा मनाःल्ले़ ‘खे़ने़ॽ के़लागि यरिक् सेजङ्वा नु थि वाॽमारे़ लागि आङ्गाॽ माङ्निङ्वाॽपान् पाःत्तुङ्ॽ’ लॽने़भग्र, खुने़ॽग कन् मनाहाॽरे़ खुन्छिॽ लागि कुदोःप्मा माङ्निङ्वाॽपान् के़बाःप्पा पोङ्लो! Gade chapit la |
मिका 2:11
35 Referans Kwoze
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥”
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
कल्ले़चोगुल्ले़ इस्राइलबा हाङ् आहाबरे़ किप् लिसि यारिक् माङ्निङ्वाॽपान् के़बाःप्पाहाॽ सुप्सुसिआङ् खे़ङ्हाॽ सेःन्दोसुसि, “आङ्गाॽ रामोत-गिलादरे़ कुदक्ले़ङ्वाओ थङ् चोःक्से़ पेःक्काबि मे़बेःक्कान्बि?” खे़ङ्हाॽरे़ खुने़ॽ मे़मे़त्तु, “पेगे़ॽ, थेआङ्भे़ल्ले़ यहवे दाङ्बे़ल्ले़ हाङ्ङिन् खे़न् हुक्सुप्तुॽ॥”
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
खिनिॽ इङ्ले़क् पाःन्हाॽरे़ साम्योबाहाॽ खुन्छिॽ सावेःत् यङे़र के़याःन्दुम्सिम्माङ् वाॽ, कर खे़ङ्हाॽ खुन्छिॽ निङ्वाॽ तुक्खे चार के़लॽबा आनिङ्वाॽ होःप्ते़॥ ताक्के़भे़ॽबाहाॽरे़ खुन्छिॽ लायोहाॽ मे़ले़रुल्ले़ खे़ङ्हाॽ ताङ्मे़से़ःप्पि फाॽआङ् खिनिॽ खे़ङ्हाॽ लायो चोःक्माआङ् पप्मा आःन्छिङ्मा के़बिरुम्सिम्॥
खे़न् काप्पोबा माङ्निङ्वाॽपान् के़बाःप्पे़ल्ले़ नुगप् पिरु, “आङ्गाॽआङ् खे़ने़ॽ हे़क्केए लत्छा माङ्निङ्वाॽपान् के़बाःप्पाआ॥ यहवे दाङ्बे़ल्ले़ कुबाःन्जाक्लाम् खे़ने़ॽ आङ्गाॽनु सोरिक् चासे़ थुङ्से़ आहिम्मो ताःप्मारे़ लागि माङ्लाइङ्बा थिक्ले़ आङ्गाॽ मे़त्ताङ्ङाङ् वाॽ॥” (कर खे़न् काप्पोबा मनाःल्ले़ खुने़ॽ मे़त्तुबा कन् पाःन्निन् इङ्ले़क् वये़॥)
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
Piblisite