मिका 1:7 - लिम्बु7 खे़ल्ले़ कुनावाइत्लाहाॽ के़रे़क् फयःप्फयःप् मे़यःप्सुरो, खे़ल्ले़ कुमाङ्हिम्मो मे़दोन्दुबा के़रे़क् मिक्तोःक्हाॽ मिःल्ले़ खाप्पुथ्यःङ् चोगुदेसुरो॥ खे़ल्ले़ के़रे़क् कुनावाइत्लाहाॽ आङ्गाॽ खाप्पुथ्यःङ् चोगुङ्लो, खे़न् मिक्तोःक्हाॽ कुगे़त्निमे़ल्ले़ कुनाम्याक्को लुप्सुबाल्ले़ चोगुल्ले़, के़त्निमे़ल्ले़ कुनाम्याक् हे़क्केए वेॽहाॽ नाम्याक् मे़बिरुसिरो॥” Gade chapit la |
मिका 1:7
22 Referans Kwoze
खे़ल्ले़ कुजे़ल्ले़क्सेॽबुङ्हाॽ नु कुबःत्छेॽबुङ्हाॽरे़ कुयाःम्बेओ अक्खे पाःत्तुआङ् वाॽरो, ‘कन् लुङ्माॽ हिःप्तुङ्सिबाहाॽरे़ मे़बिराङ्बा आनाम्याक्लो॥’ आङ्गाॽ खे़ङ्हाॽ मुरे़क् खारे़क् चोगुङ् पिरुङ्लो, आङ्गाॽ खे़ङ्हाॽ फात्ताप् चोगुङ्लो हे़क्क्याङ् ताम्भुङ् थक्साहाॽरे़ सिङ्सेॽहाॽ मे़जमे़देसुरो॥
थेआङ्भे़ल्ले़ इक्सादिङ् खाम्बेःक्को के़वाॽबा काक् मे़न्छाम् सुवाङ्हाॽ कुयाम्बोःप्मा सिजङ्वाःल्ले़ मयुसि॥ हे़क्क्याङ् इक्सादिङ् खाम्बेःक्मोबा काक् हाङ्हाॽरे़ खे़न्नु याम्बोःप्मा याःम्बक् मे़जोगु, हे़क्क्याङ् खे़ल्ले़ याम्दादा नु निङ्वाॽतादाबा कुहिङ्मन्निल्ले़ चोगुल्ले़ इक्सादिङ् खाम्बेःक्मोबा ले़ङ्हङ्बाहाॽ साॽरिक् याङ्साकुन्धेसाबा मे़बोःक्खे़रो॥”
खे़ङ्हाॽरे़ खुन्छिॽ माःल्ले़ इङ्ले़क् चोगुआङ् वाॽरो हे़क्क्याङ् सिरिङ्ममो खे़ङ्हाॽ साप्पोःक्को कुयुसिआङ् वाॽरो॥ खुने़ॽ पाःत्तु, ‘आङ्गाॽ लुङ्माॽ हिःप्तुसिङ्बाहाॽ तिम्दुङ्सिङ्लो, खे़ङ्हाॽरे़ आजामा खरे़ःङ् आधुङ्मा च्वाःत्, से़मुरिक्, नैनासुत् चिरिक्, चैतुन निःङ्गेॽ नु चे़ल्ले़क्सेॽ थि मे़बिआरो॥’
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
कन् सोसोःत्लराङ्ङिन् चुरे़ल्ले़ खे़प्मो के़जुम्बा काक् इस्राइलिहाॽ यहुदाबा ये़क्यक्हाॽओ मे़बेआङ् खे़ङ्हाॽ के़रे़क् युम्रे़क् मे़म्मे़ङ्ङे थारिक् खे़ङ्हाॽरे़ सेसे लुङ्हाॽ कुम्जिक्मा मे़यःप्सु हे़क्क्याङ् असेरा माङ् नावाइत्लाहाॽ मे़लुःन्दु मे़देसु॥ के़रे़क् यहुदा नु बेन्यामिन हे़क्क्याङ् एफ्राइम नु मनस्सेबा केःम्ब केःम्बा माङ्धाःन्हाॽ नु ले़त्ति तोःम्मादे़न्हाॽ मे़यन्छु मे़देसु॥ खे़म्म्याक् मे़जोगु मे़सुरुआङ् इस्राइलिहाॽ के़रे़क् खुन्छिॽ आप्फेक् ये़क्यक्हाॽओ नु पालाम्बाबा लाजेॽओ मे़नुःक्खे़ मे़बेरो॥
कर कुदाःन्दिक्मा तानाम् खे़ङ्हाॽ मे़बोगे़आङ् ओमे़मे़त्तुल्ले़ यहवे दाङ्बाल्ले़ कुसन्दोक् तगिबा कुलाङ्जक्पो साम्बोन् हबत् चोःन्दे़आङ् ने़स्से़बा मे़निसु, हे़क्क्याङ् खे़न् दागोने़ल्ले़ कुधे़गेःक्किन् नु कुहुक्हाॽ फुत्चिक् वजिक् पुन्दे़ स्याक् वयाक् पुॽरे़आङ् लाम्धेःप्पाल्ले़ कुयाओ ने़स्से़गरे़, दागोने़ल्ले़ कुधक्किन्लक् हाबा युङे़ज्ये़॥
खिनिॽ आत्ति आत्ति के़युङिॽ खे़प्मो चिजि खक्खक् पोङ्ॽ, हे़क्क्याङ् कुसिङ् निःत्मे़न्दे़प्मनाबा खिनिॽ माङ्से़वा चोःक्मादे़न्हाॽ खाप्पुथ्यःङ् चोगुङ्ॽ॥ खिनिॽ ले़त्ति तोःम्मादे़न्हाॽ मे़लुःन्दुॽ, खिनिॽ नावाइत्लाहाॽ फयःप्फयःप् मे़यःप्सुॽ, खिनिॽ सुक्पा हाःम्मादे़न्हाॽ मे़धुप्सुॽ, हे़क्क्याङ् खिनिॽ के़जोगुम्बा के़रे़क् साम्योबा इत्हाॽ खाप्पुथ्यःङ् पोङ्ॽ॥
Piblisite