मत्ति 9:2 - लिम्‍बु

² खे़प्‍मो कुभा मनाहाॽरे़ लङ्‌ले़ःङ्‌वा मनाधिक् कुने़त्‍नाओए खुने़ॽओ मे़दारुरो॥ हे़क्‍क्‍याङ् खे़ङ्‌हाॽरे़ खे़न् लङ्‌ले़ःङ्‌वान् वेःप्‍मा सुक् के़लॽबा नसान् मे़गत्तुबा ये़सुरे़ निसुआङ् मे़त्तु, “आस्‍साए, हाङ्‌हाङ् लॽरे़ॽओ, खे़ने़ॽ के़लायोहाॽ ले़प्‍मि पोःक्‍खे़रो॥”

मत्ति 9:2 Referans Kwoze

मत्ति 9:22

ये़सुन् हिल्‍लिक् हिसिङ्‌ङिल्‍ले़ खे़न् मे़न्‍छुमाॽइन् निसुआङ् मे़त्तु, “मामुए, हाङ्‌हाङ् लॽरे़ॽओ, नसान् के़जोगुबाल्‍ले़ चोगुल्‍ले़ खे़ने़ॽ के़वेःत्ते़रो॥” हे़क्‍क्‍याङ् खे़न् मे़न्‍छुमाॽइन् हाबा खे़न् ये़म्‍मो वेःत्ते़रो॥

याकुब 2:18

आल्‍ल कुभारे़ मे़बाःत्तुबिला, “खे़ने़ॽ नसान् के़गत्तुॽ, कर इङ्‌गाॽ याःम्‍बक् कत्तुङ्॥” कर इङ्‌गाॽ मे़त्‍निङ्, “खे़ने़ॽ याःम्‍बक्‍किल्‍ले़ मे़गाप्‍तुम्‍बा के़नसाःन्‍निन् ओसेःन्‍धाक्‍ताङ्‌ङे़ॽ, हे़क्‍क्‍याङ् इङ्‌गाॽआङ् आयाःम्‍बक्‍लाम् आनसाःन्‍निन् ओसेःन्‍धाक्‍ने़ॽरो॥”

सेःक्‌युक्‍मिबाहाॽ 19:12

अक्‍खेलॽरिक् खुने़ॽ सुस्‍सुबा पङ्‌गे़न्‍हाॽ नु पथाङ्‌हाॽ मे़देॽरुआङ् के़दुक्‍पा के़यॽबा सम्‍दाङ् मे़ने़स्‍सु मे़बिरुसिल्‍ले़ खे़ङ्‌हाॽ तुक्‍मा यॽमालाम् मे़वेःत्ते़आङ् फे़न्‍साम्‍हाॽ मे़लःन्‍दे़ मे़बेरो॥

युहुन्‍ना 21:5

ये़सुरे़ खे़ङ्‌हाॽ मे़त्तुसि, “चुम्‍से, खिनिॽ ङा के़दे़म्‍सुम्‍माङ् वाॽबि?” खे़ङ्‌हाॽरे़ नोगप् मे़बिरु, “होप्‍लो॥”

मत्ति 8:10

ये़सुरे़ कन् खे़प्‍सुल्‍ले़ कुनिङ्‌वाॽ मये़र खुने़ॽ कुएगाङ् कुएगाङ् के़दिम्‍बाहाॽ अक्‍खे मे़त्तुसि, “इङ्‌गाॽ से़क्‍खाए मे़त्‍निङ्, अक्‍तङ्‌बा यम्‍बा नसान् के़गप्‍पा मनाःङ्‌ग इस्राइलोआङ् इङ्‌गाॽ मे़ङ्‌घोए वाॽआरो!

मत्ति 4:24

ये़सुरे़ कुयाःम्‍बेओ इङ्‌घङ्‌ङिन् सिरिया लाजेॽ खाराक् से़रे़, हे़क्‍क्‍याङ् यरिक् परिक्‍ले़न् तुक्‍माल्‍ले़ तरुसिबा मनाहाॽ, के़दुक्‍पाहाॽ, फे़न्‍साम्‍मिल्‍ले़ याङ्‌घुसिबाहाॽ, हे़क्‍क्‍याङ् थप्‍मा के़मबाहाॽ नु के़दुक्‍पा के़यॽबाहाॽ खुने़ॽओ मे़दारुसिआङ् खे़ङ्‌हाॽ के़रे़क् नुसुसिरो॥

रोमि 5:11

खे़न् पाःन्‍नोरक् मेःन्, कर निङ्‌वाॽफुमाङ्‌ङोआङ् आसःत्‍लो, थेआङ्‌भे़ल्‍ले़ आनिॽ दाङ्‌बा ये़सु ख्रिस्‍तलाम् निङ्‌वाॽफुमाङ्‌ङिन्‍नु आनिॽ नादङ् पोःक्‍खे़आङ् वाॽरो॥

सेःक्‌युक्‍मिबाहाॽ 14:9

खे़प्‍मो खे़ल्‍ले़ पावलरे़ पाःत्तुबा पाःन्‍हाॽ नुरिक्‍काङ् खे़प्‍सुर युङे़॥ पावलरे़ खे़ल्‍ले़ वेःप्‍मा के़सुक्‍पा कुनसाःन्‍निन् निसुआङ् अदक्‍तक्‍काङ् ओमे़त्तुर

युहुन्‍ना 16:33

इङ्‌गाॽओ खिनिॽ सनारुङ् के़घोसुम्‍लरो फाॽआङ् कन् के़रे़क् पाःन्‍हाॽ मे़त्‍निङ्‌ङाङ् वाॽआरो॥ कन् इक्‍सादिङ् खाम्‍बेःक्‍मो यरिक् इनोगे़न् तुक्‍खेहाॽ के़दुमुम्‍लो॥ कर हाङ्‌हाङ् लॽरे़म्‍मे़ॽओ, थेआङ्‌भे़ल्‍ले़ इङ्‌गाॽ कन् इक्‍सादिङ् खाम्‍बेःक्‍मान् नाःन्‍दुङ्‌ङाङ् वाॽआरो॥”

मत्ति 9:6

इङ्‌गाॽ मे़न्‍छाम्‍साःल्‍ले़ इक्‍सादिङ् खाम्‍बेःक्‍मो लायोहाॽ ले़प्‍मि पिमा युक् कत्तुङ् लॽरिक् ओसेःन्‍धाक्‍निङ्‌लो॥” हे़क्‍केःल्‍ले़ ये़सुरे़ खे़न् लङ्‌ले़ःङ्‌वान् मे़त्तु, “पोगे़ॽ, के़ने़त्‍नान् याङ्‌सिङ्‌ङे़ॽआङ् के़हिम्‍मो थासिङ्‌ङे़ॽ॥”

मत्ति 8:16

हे़क्‍क्‍याङ् युःन्‍छिक् पोःक्‍खे़आङ् यरिक् फे़न्‍साम्‍मिल्‍ले़ याङ्‌घुसिबा मनाहाॽ खुने़ॽओ मे़दारुसि, हे़क्‍क्‍याङ् खुने़ॽ पाःन्‍जाक्‍किल्‍ले़ खे़न् फे़न्‍साम्‍हाॽ के़रे़क् नाःत्तु लःत्तुसिआङ् के़रे़क् के़दुक्‍पाहाॽ नुसुसिरो॥

यसैया 44:22

आङ्‌गाॽ खे़ने़ॽ ताप्‍फे़ःम्‍बा के़याःम्‍बक्‍हाॽ खाॽमित् हे़क्‍के हे़क्‍क्‍याङ् खे़ने़ॽ के़लायोहाॽ तानाम्‍बा तुङ्‌हिःक् हे़क्‍के खे़त्तुङ्‌देसुङ् पिने़रो नुःक्‍खे़ॽआङ् त्‍ये़ॽओ थेआङ्‌भे़ल्‍ले़ आङ्‌गाॽ खे़ने़ॽ के़मे़ल्‍लुङ् हुङुङ्‌ङाङ् थे़ॽने़आङ् वाॽरो॥”

युहुन्‍ना 2:25

आत्तिल्‍ले़आङ् मनाहाॽरे़ खुनिॽ याःम्‍बेओ खुने़ॽ मे़प्‍मा मे़बोःक्‍खे़न्‍लो, थेआङ्‌भे़ल्‍ले़ मनाहाॽ आक्‍तङ्‌बा मे़जोक् फाॽआङ् खुने़ॽ निसुआङ् वये़रो॥

मर्कुस 5:34

हे़क्‍क्‍याङ् ये़सुरे़ मे़त्तु, “मामुए, नसान् के़जोगुबाल्‍ले़ चोगुल्‍ले़ खे़ने़ॽ के़वेःत्ते़रो॥ खे़ने़ॽ के़वेःत्ते़आङ् के़वाॽरो, नुरिक्‍काङ् पेगे़ॽओ!”

मर्कुस 1:32

नाम्‍धे़आङ् खे़न् युःन्‍छिक् यरिक् के़दुक्‍पाहाॽ नु फे़न्‍साम्‍मिल्‍ले़ याङ्‌घुसिबा मनाहाॽ ये़सुरो मे़दारुसि॥

खाहुन्‍साबा 9:7

आबाङे लाम्‍मो तगि पेगे़म्‍मे़ॽ, कुजा चे़म्‍मे़ॽआङ् सःत्ते़म्‍मे़ॽ, सेजःङ्‌वा थुङे़म्‍मे़ॽआङ् निङ्‌वाॽ तासाम्‍मे़ॽ॥ निङ्‌वाॽफुमाङ्‌ङिन् खे़ने़ॽ के़याःम्‍बक्‍को ते़न्‍दे़ चुरे़आङ् वाॽ॥

मत्ति 6:12

आनिगे तक्‍ले़ङ्‌वाओ लायो के़जोःक्‍पाहाॽ ले़प्‍मि पिरुम्‍सिम्‍बे़बा हे़क्‍केए आनिगे चोगुम्‍बे़बा लायोन् ले़प्‍मि आबिरे़ॽओ॥

मत्ति 9:5

‘के़लायोहाॽ ले़प्‍मि पोःक्‍खे़’, मे़प्‍मा उसुरु चोःक्‍पि, इ ‘पोगे़ॽआङ् थासिङ्‌ङे़ॽ’ मे़प्‍मा उसुरु चोःक्‍पि?

मत्ति 14:27

कर ये़सुरे़ खे़ङ्‌हाॽ खिमो मे़त्तुसि, “मे़गिसे़म्‍मिन्‍ने़ॽ! इङ्‌गाॽ येसुआ॥ हाङ्‌हाङ् लॽरे़म्‍मे़ॽओ!”

मर्कुस 10:49

ये़सुरे़ खे़न् अःक्‍ते़बा खे़प्‍सुल्‍ले़ ये़म्‍सिङ्‌ङाङ् खे़ङ्‌हाॽ मे़त्तुसि, “खे़न् कत्‍ना फे़त्ते़म्‍मे़ॽ॥” हे़क्‍क्‍याङ् खे़ङ्‌हाॽ मे़बेआङ् खे़न् मिक्‍फःम्‍बे़न् मे़मे़त्तु, “हौ, सःत्ते़ॽओ! सिक्‍साम्‍बे़ल्‍ले़ के़उःत्ते़आङ् वाॽरो॥ खे़ने़ॽ पोगे़ॽ!”

सेःक्‌युक्‍मिबाहाॽ 23:11

बा खे़न् से़न्‍दिक् पावलरे़ कुबेसाङ् दाङ्‌बे़न् ओसेःन्‍धाक्‍सिङ्‌ङाङ् अक्‍खे मे़त्तु, “पावलए, खे़ने़ॽ हाङ्‌हाङ् मे़त्‍छिङ्‌ङे़ॽओ, थेआङ्‌भे़ल्‍ले़ अक्‍खेलॽरिक् कन् यरुसले़म्‍मो इङ्‌गाॽ आयाःम्‍बेओ तोःन्‍दि के़बिरुबा कुइसिक् रोम लाजेॽओआङ् तोःन्‍दि के़बिरुर पोङ्‌लो॥”