मत्ति 1:22 - लिम्‍बु

²² माङ्‌निङ्‌वाॽपान् के़बाःप्‍पालाम् यहवे दाङ्‌बाल्‍ले़ उन्‍छेःन् अक्‍खेलॽरिक् पाःत्तुआङ् वये़बा पाःन्‍निन् के़त्‍ल फाॽआङ् कन् के़रे़क् पाःन्‍हाॽ पोःक्‍खे़बारो—

मत्ति 1:22 Referans Kwoze

लुका 24:44

हे़क्‍क्‍याङ् खुने़ॽ अक्‍खे पाःत्तु, “इङ्‌गाॽ खिनिॽनु वयाङ्‌ङिल्‍ले़साए मोसारे़ साप्‍तुबा साम्‌योथिम् साप्‍लाओ, माङ्‌निङ्‌वाॽपान् के़बाःप्‍पाहाॽरे़ खुनिॽ साप्‍पन्‍हाॽओ नु निङ्‌वाॽफु साम्‍लोसुम्‍मो इङ्‌गाॽ आयाःम्‍बेओ साप्‍ते़बा के़रे़क् पाःन्‍हाॽ के़त्‍लो फाॽआङ् मे़त्‍निङ्‌ङाङ् वयाङ्‌लो॥”

मत्ति 2:23

नासरत पाङ्‌जुम्‍मो वाॽमा हेःक्‍ते़रो॥ कङ्‌ग माङ्‌निङ्‌वाॽपान् के़बाःप्‍पाहाॽरे़ “निङ्‌वाॽफुमाङ्‌ङिल्‍ले़ थुक्‍तुबाङ्‌ग नासरि मे़मे़त्तु” लॽरिक् मे़बाःत्तुबा पाःन्‍निन् के़रे़बारो॥

१ हाङ् 8:15

हे़क्‍क्‍याङ् खुने़ॽ पाःत्तु—“यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ कुनारा पोररो, खुने़ॽ आङ्‌गाॽ आम्‍बा दाउदे़न्‍नु खुने़ॽ आप्‍फेक् कुम्‍ब्राःल्‍ले़ पाःत्तुबा माङ्‌हुप्‍पिन् खुने़ॽ कुहुक्‍किल्‍ले़ के़त्तुआङ् वाॽरो॥ थेआङ्‌भे़ल्‍ले़ खुने़ॽ अक्‍खे पाःत्तु,

सेःक्‌युक्‍मिबाहाॽ 3:18

कर निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍ते़ल्‍ले़ग तुक्‍खे चामाआङ् सिमाए पोङ् फाॽआङ् निङ्‌वाॽफुमाङ्‌ङिल्‍ले़ माङ्‌निङ्‌वाॽपान् के़बाःप्‍पाहाॽलाम् पाःत्तुबान् के़रे़बारो॥

१ हाङ् 8:24

खे़ने़ॽ के़से़वारोबा आङ्‌गाॽ आम्‍बा दाउदे़न्‍नु के़जोगुबा खे़ने़ॽ के़माङ्‌हुप्‍पिन् के़गे़त्तुआङ् वाॽरो॥ आइन् पोःक्‍खे़आङ् वाॽबा कुइसिक् खे़ने़ॽ आप्‍फेक् के़म्‍ब्राःल्‍ले़ माङ्‌हुप् के़जोगुबारो हे़क्‍क्‍याङ् खे़ने़ॽ आप्‍फेक् के़हुक्‍किल्‍ले़ खे़न् के़गे़त्तुबारो॥

युहुन्‍ना 18:9

के़बिराङ्‌बाहाॽओ थिक्‍काङ् मे़माःसुङ्‌ङिन्‍लो लॽरिक् ये़सुरे़ आबाङे पाःत्तुबा पाःन्‍निन् के़त्‍ल फाॽआङ् कन् अक्‍खे पोःक्‍खे़बारो॥

मत्ति 13:35

हे़क्‍केःल्‍ले़ निङ्‌वाॽफुमाङ्‌ङिल्‍ले़ कुबाःन्‍निन् माङ्‌निङ्‌वाॽपान् के़बाःप्‍पाल्‍ले़ अक्‍खेलॽरिक् पाःत्तुबान् के़रे़बारो— “इङ्‌गाॽ खे़दाॽओरक् पाःत्तारो, हे़क्‍क्‍याङ् इक्‍सादिङ् खाम्‍बेःक्‍माल्‍ले़न् नावागे़न् चइःत् ने़स्‍से़आङ्‌धोबा सिबिॽ पाःन्‍हाॽ पाःत्तुङ्‌लो॥”

ए़ज्रा 1:1

कोरेसे़न् फारस लाजेॽओ पयम् हाङ् पोःक्‍खे़बा थिक्‍सिगेक्‍पा तङ्‌बेओ यहवे दाङ्‌बाल्‍ले़ माङ्‌निङ्‌वाॽपान् के़बाःप्‍पा यर्मियान् मे़त्तुबा कुबाःन्‍जाक्‍किन् के़त्तु॥ कन् यो साप्‍ते़आङ् के़बप्‍पा कुइङ्‌जाङ्‌ङिन् खुने़ॽ कुहाङ्‌जुम्‍मोबा के़रे़क् ते़न्‍हाॽओ इङ्‌घङ् से़मारे़ लागि खुने़ॽ साप्‍तुआङ् हाङुरो—

युहुन्‍ना 17:12

इङ्‌गाॽ कप्‍मो वयाङ्‌ल थारिक् खे़न् मिङ्‌ङिल्‍ले़न् मुक्‍साम्‍मो काक् कम्‍ब्राङ् मे़त्तुङ्‌सिङ्‌लो॥ खे़न् मे़क्‍मा के़बोङ्‌बान्‍नाङ् थो वेॽ आत्तिन्‍नाङ्‌ मे़मासुङ्‌ङिन्, कर काक् ताङ्‌से़ःप्‍तुङ्‌सिङ्‌लो॥ खे़ङ्‌ग साम्‌योसाप्‍लान् के़त्‍ल फाॽआङ् हे़क्‍के पोःक्‍खे़बारो॥

युहुन्‍ना 15:25

कर कङ्‌ग खे़ङ्‌हाॽरे़ थेनाधे मे़जिःत्ताङ्‌बारो लॽरिक् साम्‌योसाप्‍लाओ साप्‍ते़आङ् के़बप्‍पे़न् के़रे़बारो॥

युहुन्‍ना 10:35

हे़क्‍क्‍याङ् साम्‌योसाप्‍लान् ले़ङ्‌मा सुक्‍मे़दे़त्‍ने़न्‍बान् के़निसुम्‍लो॥ निङ्‌वाॽफुमाङ्‌ङिल्‍ले़ आत्तिन्‍हाॽ पाःन्‍जाक् पिरुसि खे़ङ्‌हाॽ खिनिॽ माङ्‌निङ्‌लो लॽरिक् मे़त्तुसिरो॥

मत्ति 13:21

कर ताङ्‌बा कुस्‍साःप् के़बप्‍पा कुबुङ्‌मान् हे़क्‍के खे़ल्‍ले़ सप्‍फारक् थरुरो॥ हे़क्‍क्‍याङ् पाःन्‍जाक्‍किन् नसान् चोगुबाल्‍ले़ के़साक्‍पा पान् नु तुक्‍खेन् तानुमे़ःन्‍ने हाराए नसाःन्‍निन् ले़रुदेसुॽरो॥

मत्ति 12:17

कङ्‌ग ये़सुरे़ कुयाःम्‍बेओ निङ्‌वाॽफुमाङ्‌ङिल्‍ले़ कुबाःन्‍निन् माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खेलॽरिक् साप्‍तुबान् के़रे़बारो—

मत्ति 2:15

हे़रोद हाङ्‌ङिन् मे़न्‍छिए थारिक् खुने़ॽ खे़प्‍मोए याःक्‍ते़रो॥ हे़क्‍केलॽरिक् यहवे दाङ्‌बाल्‍ले़ माङ्‌निङ्‌वाॽपान् के़बाःप्‍पालाम् इङ्‌गाॽ आस्‍सान् मिस्रलाम् लाःक्‍कात् उःत्तुङ्‌लो लॽरिक् उन्‍छेःन् पाःत्तुबान् के़रे़रो॥

मत्ति 8:17

माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खेलॽरिक् पाःत्तुबान् के़त्‍ल फाॽआङ् अक्‍खे पोःक्‍खे़बारो— “खुने़ॽ आबाङे आनिॽ तुक्‍खेहाॽ याङ्‌सिङ्‌लो, हे़क्‍क्‍याङ् आनिॽ तुक्‍मा यॽमाहाॽ कुयु तेॽरुरो॥”

मत्ति 5:17

“इङ्‌गाॽ निङ्‌वाॽफुमाङ्‌ङिल्‍ले़ मोसान् पिरुबा साम्‌योथिम्‍मिन् नु माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा पाःन्‍निन् कुसुम् मे़न्‍दम्‍नाबा चोःक्‍से़ त्‍याङ्‌बा फाॽआङ् मे़इःत्ते़म्‍मिन्‍ने़ॽओ॥ इङ्‌गाॽग कुसुम् मे़न्‍दम्‍नाबा चोःक्‍से़ मेःन्, कर खे़ङ्‌हाॽ कुलिङ्‌दो के़त्‍छे़ने़ त्‍याङ्‌बारो॥

लुका 21:22

थेआङ्‌भे़ल्‍ले़ साम्‌यो साप्‍लाओ कन् साप्‍ते़आङ् पप्‍पा पाःन्‍निन् के़त्‍ल फाॽआङ् कङ्‌ग खुम्‍दिङ्‌ले़न् ये़न्‍हाॽ पोङ्‌लो॥

सुफो 17:17

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुबाःन्‍हाॽ मे़ङ्‌गे़त्ते थारिक् निङ्‌वाॽफुमाङ्‌ङिल्‍ले़ इःत्तुबा कुनिङ्‌वाॽ हे़क्‍केए खे़न् थिबोङ् हाङ्‌हाॽ चोक् पाङ्‌घुसिॽ, हे़क्‍केःल्‍ले़ खे़ङ्‌हाॽग थिक्‍हुप् मे़बोङ्‌ङाङ् खे़न् किप्‍मा के़घुबा थक्‍सान् खुनिॽ हाङ्‌चोःक्‍मा युक्‍किन् मे़बिरुॽरो॥

रोमि 1:2

कन् सुनाइङ्‌ङिङ्‌ग निङ्‌वाॽफुमाङ्‌ङिल्‍ले़ तगिसा कुमाङ्‌निङ्‌वाॽपान् के़बाःप्‍पाहाॽ लाम्‍बा सेसे साम्‌योसाप्‍लाओ माङ्‌हे़क् चोगुआङ् पत्‍लो॥