मत्ति 1:16 - लिम्‍बु

¹⁶ हे़क्‍क्‍याङ् याकुबरे़ कुस्‍सा युसुफ वये़॥ युसुफे़न् मरियमरे़ कुये़म्‍बा वये़, हे़क्‍क्‍याङ् हाबा कन् मरियम्‍मिन्‍लाम् निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त मे़प्‍मनाबा ये़सुन् सावाःन्‍छिङ्‌लो॥

मत्ति 1:16 Referans Kwoze

मत्ति 27:17

खे़ल्‍ले़चोगुल्‍ले़ मनाहाॽ मे़जुप्‍से़आङ् मे़वये़ल्‍ले़ पिलातसरे़ खे़ङ्‌हाॽ सेःन्‍दोसुसि, “आत्तिन् ले़रुङ् पिनिङ् फाॽआङ् निङ्‌वाॽ के़इःत्तुम्‍माङ् के़वयिॽबे? बरब्‍बासे़न् बि इ निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त मे़प्‍मनाबा ये़सुन् ले़रुङ् पिनिङ्‌बाबि?”

युहुन्‍ना 4:25

खे़न् मे़न्‍छुमाॽइल्‍ले़ मे़त्तु, “मसिहःन् ता फाॽआङ् इङ्‌गाॽ निसुङ्‌लो, (खुने़ॽए ख्रिस्‍त मे़मे़त्तुॽरो) खुने़ॽ ताःल्‍ले़ कन् काक् पाःन्‍हाॽ याप्‍मि पोधक् चोगु पिरिगे़रो॥”

लुका 3:23

आल्‍ल ये़सुरे़ माङ्‌से़वा याःम्‍बक् चोःक्‍मा हेःक्‍तुल्‍ले़ खुने़ॽ तङ्‌बे सुम्‍बोङ् (३०) के़रे़आङ् वये़॥ खुने़ॽ मे़न्‍छाम् याप्‍मिहाॽरे़ मे़इःत्तुबा कुइसिक् युसुफरे़ कुस्‍सा वये़रो॥

मत्ति 27:22

पिलातसरे़ सेःन्‍दोसुसि, “हे़क्‍केने़ फाॽग्र निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त मे़प्‍मनाबा ये़सुन् थे मे़त्तुङ्‌बाबे?” खे़ङ्‌हाॽरे़ नोगप् मे़बिरु, “सिलाम्‍साक्‍मा सिङ्‌सम्‍दाङ् फोःन्‍दे़ॽओ!”

लुका 4:22

हे़क्‍क्‍याङ् खुने़ॽ पाःत्तुबा कुघे़म् के़नुॽबा पाःन्‍हाॽ मे़घे़प्‍सुआङ् के़रे़क्‍ले़ कुनारा मे़भोसु, हे़क्‍क्‍याङ् खुनिॽ निङ्‌वाॽ मये़र अक्‍खे मे़मे़त्‍छिङ्, “कङ्‌ग युसुफरे़ कुस्‍सा मेःम्‍बि?”

लुका 2:48

हे़क्‍क्‍याङ् कुम्‍बा कुम्‍मासिरे़ खुने़ॽ निसे़त्‍छुआङ् खुन्‍छिॽ निङ्‌वाॽ मये़॥ कुम्‍मारे़ खुने़ॽ मे़त्तु, “आस्‍साए, खे़ने़ॽ थेआङ् अक्‍खे याप्‍मि के़जोगे़बाबे? आन्‍छिगे निङ्‌साम्‍मो थ्‍ये़सिगे़आङ् कोःत्‍ने़त्‍छिगे़ मेःम्‍बि?”

लुका 2:7

सादुङ्‌ङिल्‍ले़ तरु, हे़क्‍क्‍याङ् तुम्‍बा ये़म्‍बित्‍छाॽसान् सावाःन्‍दुआङ् खे़न् अङे़ःक्‌वान् तेःत्तिल्‍ले़ सुङुआङ् वाघोङ्‌ङो ने़स्‍सु, थेआङ्‌भे़ल्‍ले़ खे़ङ्‌हाॽरे़ चे़याङ्‌धोःक्‍को याङ्‌धोःक्‍मा मे़घोसे़त्‍छुन्‍लो॥

मर्कुस 6:3

कङ्‌ग मरियमरे़ कुस्‍सा सिङ् के़गाम्‍बे़न् मेःम्‍बि? कङ्‌ग याकुब, युसुफ, यहुदा नु सिमोनसिरे़ खुनिॽ फुॽने मेःम्‍बि? कल्‍ले़ कुन्‍साॽ मे़न्‍छुमाहाॽग आनिॽनुएसे़ मे़वाॽबा॥” हे़क्‍केःल्‍ले़ खे़न् मनाहाॽरे़ खुने़ॽ नामे़न्‍छाॽरुन्‍लो॥

मत्ति 2:13

खे़न् सिक्‍कुम्‍निबा खागे़इक्‍पाहाॽ मे़बे हे़क्‍क्‍याङ् यहवे दाङ्‌बाल्‍ले़ कुमाङ्‌लाइङ्‌बाधिक् युसुफरे़ कुसे़प्‍माङ्‌मो थाःन्‍छिङ्‌ङाङ् अक्‍खे मे़त्तु, “पोगे़ॽआङ् अङे़ःक्‌वान् नु कुम्‍मान् तेॽरे़से़ॽआङ् मिस्र लाजेॽओ खे़त्‍छिङ् पेगे़ॽ, हे़क्‍क्‍याङ् इङ्‌गाॽ मे़म्‍मे़त्ते थारिक् खे़ने़ॽ खे़प्‍मोए वये़ॽओ, थेआङ्‌भे़ल्‍ले़ हे़रोद हाङ्‌ङिल्‍ले़ अङे़ःक्‌वान् से़प्‍मा फाॽआङ् कोःत्तुर वाॽरो॥”

मत्ति 1:15

हे़क्‍क्‍याङ् एलिउदरे़ कुस्‍सा एलाजार वये़, एलाजाररे़ कुस्‍सा मत्तान वये़, मत्तानरे़ कुस्‍सा याकुब वये़रो॥

मत्ति 16:16

सिमोन पत्रुसरे़ नोगप् पिरु, “खे़ने़ॽग निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त, आजुनि निङ्‌वाॽफुमाङ्‌ङिल्‍ले़ कुस्‍साने़रो॥”

मत्ति 16:20

हे़क्‍क्‍याङ् ये़सुरे़ कुहुॽसाम्‍बाहाॽ इङ्‌गाॽ निङ्‌वाॽफुमाङ्‌ङिल्‍ले़ सेःन्‍दाङ्‌बा ख्रिस्‍तआ फाॽआङ् आत्तिन्‍हाॽआङ् मे़जे़क्‍ते़म्‍सिम्‍मे़न्‍ने़ॽओ लॽरिक् के़साक्‍पा इङ्‌जाङ् पिरुसिरो॥