मलाकि 4:2 - लिम्बु2 कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥ Gade chapit la |
मलाकि 4:2
57 Referans Kwoze
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
खम्भ्याङ् यहवे दाङ्बे़न्नु के़गिबाहाॽ ताॽमे़जे़क्खे़, हे़क्क्याङ् यहवे दाङ्बे़ल्ले़ खे़ङ्हाॽरे़ खुन्छिॽ पाःन्निन् सिङ्सिङ् ये़क्ये़क्काङ् खे़प्सु॥ यहवे दाङ्बे़न्नु के़गिबाहाॽ हे़क्क्याङ् खुने़ॽ कुमिङ्ङिन् इङ्धाङ् के़बिबाहाॽरे़ खुन्छिॽ निङ्वाॽसोक् किप्मनाबा साप्लाथःङ्मो खुने़ॽ कुदगिए मे़साप्तु॥
खे़न् ये़क्यक्कोबा माराम् लुम्मो ये़रो॥ यङ्घङ्ङिल्ले़ कुयाओ मे़न्नुप्मनाबा हिङ्मन् के़बिबा सिङ्बुङ्ङिन् युङे़रो॥ खे़न् सिङ्बुङ्ङो तङ्बे लावा थिक्ने़त् परिक्ले़न् सिङ्सेहाॽ थोःक्ते़रो॥ हे़क्क्याङ् खे़न् सिङ्बुङ्ङिल्ले़ कुभे़क्वाहाॽग काक् मे़न्छाम् सुवाङ्हाॽ के़वेःम्बा सिदाॽ चोगे़रो॥
हे़क्क्याङ् माङ्निङ्वाॽपान् के़बाःप्पाहाॽरे़ मे़बाःत्तुबा पाःन्निन् से़क्खा पोःक्खे़आङ् वाॽ के़लॽबा निःन्धो आगत्तुम्लो॥ खामे़न्ओःत्ते नु खिनिॽ निङ्वाॽओ तान्छोःक्पे़न् मे़न्लिङ्ङे थारिक् खामाक्माओ के़ओःप्पा सेमिन् हे़क्के खे़न् पाःन्जाक्किन् निङ्वाॽओ के़युक्खुम्मिल्ले़ नुबा पोङ्लो॥
वहःङ्ङिल्ले़ ने़प्माङ् पिसाङ्बा कुयाहाॽओ के़रे़क् परिक्पा सिङ्सेॽ के़धोःक्पा सिङ्बुङ्हाॽ लिङ्ॽ॥ खे़न् सिङ्बुङ्हाॽरे़ कुभे़क्वाहाॽ इमे़ले़म्ने़न्ॽ, कुजाॽहाॽआङ् मे़सम्ने़न्ॽ॥ के़रे़क् लाहाॽओ खे़न् सिङ्बुङ्हाॽरे़ कुजाॽ थोक्, थेआङ्भे़ल्ले़ सेसेदे़न्नोलाम् खे़ङ्हाॽओ च्वाःत् कुङ्बेःक्॥ खे़न् सिङ्बुङ्हाॽरे़ कुजाॽहाॽ चामारे़ लागि कुजा नु कुभे़क्वाहाॽ वेःप्मारे़ लागि सिदाॽ पोङ्लो॥”
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
यहवे दाङ्बे़ल्ले़ पाःत्तुॽ, “आसे़वारोबाए, आल्लसाङ् खे़ने़ॽ चोःक्मा के़बोङ्बा यम्बा याःम्बक् के़गत्तुरो॥ खे़ने़ॽ इस्राइलबा के़दाङ्बा के़याःक्पाहाॽ याम्मो आङ्गाॽओ के़नुःक्तु के़दारुसिरो, खे़म्म्याक्लक् मेःन्, मे़न्छाम् सुवाङ्लुम्मो यम्बा ओःत्ति चोःक्ने़रो॥ हे़क्क्याङ् इक्सादिङ् खाम्बेःक्किल्ले़ कुनुप्माधारिक् आङ्गाॽ आसे़न्लप्पिन् खे़ने़ॽ के़गे़त्तुरो॥”
Piblisite