Biblia Todo Logo
Bib sou entènèt

- Piblisite -




मलाकि 3:5 - लिम्‍बु

5 मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ, “कर हे़क्‍के पोङ्‌मानुःल्‍ले़ तगि आङ्‌गाॽ खासे़न् लोःन्‍छे़ खे़निॽ पेसाङ् ताआ॥ साम्‍माङ्‌च्‍याःङ् मुरा के़मे़प्‍पा मनाहाॽ, इप्ना लोःम्‍भेत् के़बोःप्‍पा मनाहाॽ हे़क्‍क्‍याङ् इङ्‌ले़क्‍के तोःन्‍दि के़बिबाहाॽ, याःम्‍बक् के़जोःक्‍पाहाॽरे़ खुन्‍छिॽ नाम्‌याक् नुरिक् मे़म्‍बिमनाहाॽ कुये़म्‍बा के़सिमा मे़न्‍छुमाहाॽ नु ये़त्‍छा होॽदोःक्‍हाॽ निङ्‌वाॽ तादा के़जोःक्‍पा नु ताप्‍फे़ःल्‍लिक् के़मे़प्‍पाहाॽ वेॽ लाजेॽबा मनाहाॽरे़ खुनिॽ ले़प्‍माङ् कुदोःप्‍मा खासे़न् मे़ल्‍लोःम्‍मना मे़म्‍बिमनाबाहाॽ, हे़क्‍क्‍याङ् आङ्‌गाॽनु मे़ङ्‌गिमनाबा कन् के़रे़क् मनाहाॽ आङ्‌गाॽ हक्‍चघत् आप्‍तिक् कुःत्तुङ्‌सिङ्‌ॽ॥”

Gade chapit la Kopi




मलाकि 3:5
63 Referans Kwoze  

ते़न्‍धाम्‍गे़न् मेःक्‍खिम्‍मिन् के़रे़क् मनाहाॽरे़ मिङ्‌सो इङ्‌धाङ् मे़बिरुबा पोङ्‌मा पोङ्‌लो॥ हे़क्‍क्‍याङ् मेःत् ये़म्‍बाॽ लुम्‍मो नसाःन्‍साबा पोङ्‌मा पोङ्‌लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ चाराम्‍मा याःम्‍बक् के़जोःक्‍पा नु के़रे़क् परिक्‍ले़न् ताप्‍फे़ःम्‍बा याःम्‍बक् के़जोःक्‍पाहाॽ खासे़न् चोगुसिॽरो॥


“आत्तिन् ताप्‍फे़ःम्‍बा निङ्‌सेःक्‍ले़ लागिआङ् आङ्‌गाॽ आमिङ्‌ङिन् हने़ मे़बाताम्‍मिन्‍ने़ॽ, थेआङ्‌भे़ल्‍ले़ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ हे़क्‍क्‍याङ् आङ्‌गाॽ आमिङ् फे़क्‍के़लाःम्‍बाहाॽ आङ्‌गाॽ खुम्‍दिङ् पिरुङ्‌सिङ्‌ॽ॥


ओमे़त्ते़म्‍मे़ॽओ! खिनिॽ इक्‍ताप्‍पो नाम्‌याक् मे़म्‍बिए याःम्‍बक्‍को के़भत्‍छुम्‍सिम्‍बा मनाहाॽरे़ खुनिॽ नाम्‌याक्‍किन् खिनिॽ तक्‍ले़ङ्‌वाओ अःक्‍लो॥ खे़न् चागे़सुम्‍बाहाॽरे़ खुनिॽ इक्‍लाःङ्‌ग मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ खे़प्‍सुआङ् वाॽरो॥


खे़निॽ से़ःन्‍गे़दोसुम्, “यहवे दाङ्‌बे़ल्‍ले़ आनिगे थेआङ् लाप्‍फुसिगे़आङ् वयिगे़बाबे?” थेआङ् अक्‍खे पोःक्‍खे़बा आङ्‌गाॽ मे़त्‍निङ्‌ॽ, थेआङ्‌भे़ल्‍ले़ खे़ने़ॽ थाङ्‌बे़न् के़वये़ल्‍ले़ मेःक्‍खिम् के़मे़त्तुमा के़मेःत्तिन्‍नु के़जोगुबा माङ्‌हुप्‍पिन् खुने़ॽ निसुरो, खुने़ॽग खे़ने़ॽ के़मेःत् वये़, खुने़ॽनु के़जोगुबा माङ्‌हुप्‍पिन् के़भेःन्‍दु, हे़क्‍केसाङ् खे़न् मे़न्‍छुमान् के़न्‍देःङ्‌मा नु मेःक्‍खिम्‍मो माङ्‌हुप् के़बोङ्‌मा के़मेःत्‍लो॥


‘वेॽ लाजेॽबा, ये़त्‍छाबा ये़त्‍छामा नु मेमेदुमाहाॽरे़ कुदोःप्‍मा खासे़न् मे़न्‍लोःम्‍मनाबा मनान् साङ्‌ग्रा थाररो॥’ खे़ब्‍याङ् के़रे़क्‍ले़ ‘आमिन्!’ मे़बाःत्तुररो॥


कर कोःत्‍चो हे़क्‍तङ्‌बा ये़प्‍ले़क् के़गप्‍पाहाॽ, निङ्‌वाॽ के़माबा कित्‍चाक् के़जोःक्‍पाहाॽ, चागे़राम्‍बाहाॽ, मना के़से़प्‍पाहाॽ, नावाइत्‍ला माङ्‌गे़घबाहाॽ हे़क्‍क्‍याङ् काक् इङ्‌ले़क् पाःप्‍मा खुनिॽ सिराॽ के़धाङ्‌बाहाॽ नु इङ्‌ले़क् के़बाःप्‍पाहाॽ लाःक्‍कात्ते मे़वाॽरो॥


कर किस्रुक्‍पाहाॽ, नसान् मे़न्‍जोःक्‍मनाबाहाॽ, फे़क्‍के़लाॽबाहाॽ, मना के़से़प्‍पाहाॽ, ताप्‍फे़ःम्‍बा याःम्‍बक् के़जोःक्‍पाहाॽ, फे़न्‍साम् मुन्‍धुम् के़नाःप्‍पाहाॽ, नावाइत्‍ला से़वा के़जोःक्‍पाहाॽ नु इङ्‌ले़क् के़बाःप्‍पाहाॽरे़ खुनिॽ वाॽमादे़ङ्‌ग कान्‍धाक् नु मि के़दिःप्‍पार के़बप्‍पा लुम्‍बाःत्तो पोङ्‌लो॥ खे़ङ्‌ग निसिगेक्‍पा सिमे़न्‍लो॥”


“‘खिनिॽओबा कुभा ये़म्‍बित्‍छा इग्र मे़न्‍छुमान् माङ्‌बा याःम्‍बक् के़जोःक्‍पा ले़प्‍माङ् इग्र के़सिबा साम्‍हाॽ के़भोङ्‌बा ले़प्‍माङ् लाःत्‍ने़भग्र खे़न् से़प्‍माए पोङ्‌ॽ॥ खे़ङ्‌हाॽ लुङ्‌ङिल्‍ले़ ले़प्‍मा से़प्‍मासि पोङ्‌ॽ॥ खुन्‍छिॽ हे़क्‍के मे़जोगुबाल्‍ले़ चोगुल्‍ले़ खुन्‍छिॽ आप्‍फेक् सिमा पोङ्‌लो॥’”


“‘आत्तिन् मनाःन् माङ्‌बा याःम्‍बक् चोःक्‍मा ले़प्‍माङ् इग्र के़सिबा साम्‍हाॽ के़भोङ्‌बा ले़प्‍माङ् लाःत्ताङ् आङ्‌गाॽ इङ्‌ले़क्‍का, आङ्‌गाॽ खे़न् अत्तुङ्‌ङाङ् खुने़ॽ कुमनाहाॽलाम्‍बा लःत्तुङ्‌देसुङ्‌ॽ॥


“‘खिनिॽ आप्‍फेक् हिम्‍बेसाङ्‌बे़न् मे़युक्‍ते़म्‍मिन्‍ने़ॽ, हे़क्‍क्‍याङ् खे़न् मे़नाप्‍ते़म्‍मिन्‍ने़ॽ॥ “‘नाम्‌याक्‍को याःम्‍बक् के़जोःक्‍पे़ल्‍ले़ कुयाङ्‌ङिन् खिनिॽ थिक् से़न्‍नाङ् मे़गत्ते़म्‍मिन्‍ने़ॽ॥


खे़निॽ पाःन्‍निल्‍ले़ यहवे दाङ्‌बे़न् नासे़र के़याःन्‍दुम्‍माङ् वाॽ॥ कर खे़निॽ से़ःन्‍गे़दोसुम्‌ॽ, “आनिगे आक्‍खेलॽरिक् खुने़ॽ नासे़र याःन्‍दुम्‍बे़बे?” कर खे़निॽ अक्‍के के़बाःत्तुम्‍माङ् नार के़याःन्‍दुम्‌ॽ, “ताप्‍फे़ःम्‍बा याःम्‍बक् के़जोःक्‍पाहाॽ के़रे़क् यहवे दाङ्‌बे़ल्‍ले़ कुमिक्‍साओ नुबाए मे़जोक् हे़क्‍क्‍याङ् खुने़ॽ खे़ङ्‌हाॽनु कुनिङ्‌वाॽ ताःॽ,” इग्र “खासे़न् के़लोःम्‍बा निङ्‌वाॽफुमाङ्‌ङे़न् आत्ति वाॽबे?”


खे़ङ्‌हाॽरे़ मे़दुमुबा याक्‍नाम्‍मिन् अक्‍तङ्‌बाए पोङ् थेआङ्‌भे़ल्‍ले़ खे़ङ्‌हाॽरे़ इस्राइलओ किप्‍मागे़घुबा लायोहाॽ मे़जोगुआङ् वाॽ, खे़ङ्‌हाॽरे़ आबाङे हिम्‍बेसाङ्‌बा चुम्‍मिल्‍ले़ कुमेःत्तिन्‍नु चाराम्‍मा याःम्‍बक् मे़जोगु हे़क्‍क्‍याङ् आमिङ्‌ङो इङ्‌ले़क्‍पा पान् मे़बाःत्तुआङ् मे़वाॽ॥ कन् याःम्‍बक्‍हाॽ आनिङ्‌वाःल्‍ले़ कुदक्‍ले़ङ्‌वाओ वये़॥ खे़ङ्‌हाॽरे़ हे़न् मे़जोगुआङ् मे़वाॽ, खे़न् आङ्‌गाॽ निसुङ्‌ॽ खे़ब्‍याङ् खे़ङ्‌हाॽरे़ खुन्‍छिॽ तक्‍ले़ङ्‌वाओ आङ्‌गाॽ साखि पोःक्‍खाङ्‌ङाङ् वाॽआ॥ आङ्‌गाॽ यहवे दाङ्‌बे़ल्‍ले़ अक्‍खे पाःत्तुङ्‌ङाङ् वाॽरो॥”


थधप् मे़ल्‍लॽमनाबा मिःम्‍जि नु नसाःन्‍साबालाम् लायोलाम् हिःम्‍मा पान् पोङ्‌लो, यहवे दाङ्‌बे़न् किप्‍मालाम् मनान् फे़न्‍पाःन्‍लाम् लाःत्‍लाःत् पोङ्‌लो॥


यहवे दाङ्‌बे़न्‍नु किमाग ताप्‍फे़ःम्‍बा पाःन्‍निन् चिःप्‍मारो, आङ्‌दिङ् लॽमा, यम्‍बा हे़न्‍छिङ्‌मा, ताप्‍फे़ःम्‍बा सुत्‍ना नु मना हुमा पङ्‌मा पाःन्‍हाॽ आङ्‌गाॽ चिःत्तुङ्‌लो॥


यहवे दाङ्‌बे़ल्‍ले़ कुदगि खे़ङ्‌हाॽ साम्‍मे़लोररो, थेआङ्‌भे़ल्‍ले़ खुने़ॽ इक्‍सादिङ् खाम्‍बेःक्‍मो खासे़न् चोःक्‍से़ युर पत्‍लो॥ खुने़ॽग इक्‍सादिङ् खाम्‍बेःक्‍मोबा मनाहाॽ साम्‌योबा नु कुदोःप्‍मा खासे़न् चोगुसिरो॥


नुबा पान् लःन्‍ल फाॽआङ् ताप्‍फे़ःम्‍बा याःम्‍बक् चोगुम् लॽरिक् आनिगे पाःत्तुम्‍बे़ॽमु फाॽआङ् कुभा मनाहाॽरे़ पान् मे़धिक्‍तिगे़ॽरो॥ हे़क्‍के के़बाःप्‍पाहाॽ आप्‍तिक् कुःप्‍मा लाॽरुसिरो॥


“इक्‍सादिङ् खाम्‍बेःक्‍मोबा मे़न्‍छाम् सुवाङ्‌से, खिनिॽ के़रे़क्‍ले़ खे़प्‍से़म्‍मे़ॽओ॥ इक्‍सादिङ् खाम्‍बेःक्‍मो नु खे़प्‍मो के़युङ्‌बासे, खिनिॽ के़रे़क्‍ले़ सिङ्‌सिङ् ये़क्‌ये़क्‍काङ् खे़प्‍से़म्‍मे़ॽओ॥ हे़क्‍केलॽरिक् यहवे दाङ्‌बे़न् कुसेसे हिम्‍मोलाम्, यहवे दाङ्‌बा निङ्‌वाॽफुमाङ्‌ङिन्‍ने खिनिॽ तक्‍ले़ङ्‌वाओ तोःन्‍दि पोङ्‌लरो॥


यहवे दाङ्‌बान् इक्‍सादिङ् खाम्‍बेःक्‍मो खासे़न् लोःन्‍छे़ युरो॥ इक्‍साबा लाजेॽहाॽओ साम्‌योबा नु कुदोःप्‍मा खासे़न् लोःन्‍दुर हाङ्‌युक् चोगुरो॥


आमनासे, आङ्‌गाॽ साम्‍दिङ् पिनिङ्‌लो खिनिॽ नुरिक्‍काङ् खे़प्‍से़म्‍मे़ॽओ, इस्राइलिसे, आङ्‌गाॽ आबाःन्‍निन् के़घे़प्‍सुम्‍ल के़लॽबा निङ्‌वाॽ चोगुङ्‌ङाङ् वाॽआरो॥


आङ्‌गाॽनुःल्‍ले़ तगिबा के़रे़क् तुम् हाङ्‌युक्‍पाहाॽ मनाहाॽरे़ लागि साॽरिक् के़लिःप्‍पा कक् मे़बोःक्‍खे़आङ् मे़वये़ हे़क्‍क्‍याङ् खे़ङ्‌हाॽरे़ चामा थुङ्‌मारे़लागि कुजा मे़दाःक्‍तु खे़न्‍नुःल्‍ले़ वेॽ लिबोङ् याङ्‌इत्‍छिॽआङ् मे़दाःक्‍तु॥ खे़ङ्‌हाॽरे़ खुनिॽ से़वारोबाहाॽरे़आङ् मनाहाॽ मुरा मे़मे़त्तुसिआङ् तुक्‍खे मे़जाःत्तुसि॥ कर आङ्‌गाॽ हे़क्‍के मे़न्‍जोःक्‍पान् थेआङ्‌भे़ल्‍ले़ आङ्‌गाॽ निङ्‌वाॽफुमाङ्‌ङिन् मिङ्‌सो इङ्‌धाङ् पिरुङ्॥


वेॽ लाजेॽबाहाॽ नु ये़त्‍छा होॽदोक्‍हाॽरे़ लागि मे़न्‌वाॽमनाबा खासे़न् मे़लोःन्‍दे़म्‍मिन्‍ने़ॽ॥ आत्तिन् मेमेदुमाल्‍ले़ कुघाम्‍देःत्तिन्‍नाङ् याङ्‌ङो मे़युक्‍खे़म्‍मिन्‍ने़ॽ॥


“‘कुभा मनाःन् वेॽइल्‍ले़ कुमेःत्तिन्‍नु याम्‍बोःप्‍मा याःम्‍बक् चोगुने़भग्र याम्‍बोःप्‍मा याःम्‍बक् के़जोक्‍पे़न् नु याःम्‍बोःप्‍मा याःम्‍बक् के़जोःक्‍मे़न् ने़प्‍माङ् से़प्‍मासिए पोङ्‌ॽ॥


कर के़रे़क् मनाहाॽओलाम् निङ्‌वाॽफुमाङ्‌ङिन्‍नु के़गिबा, सुम्‍बोधासाबा ये़म्‍बित्‍छाहाॽ सेगे़से़ॽ॥ खे़ङ्‌हाॽ मे़न्‌वाॽमनाबा पाःन्‍हाॽलाम् याङ्‌थक्‍मा के़जिःप्‍पा कुदोःप्‍मा मना मे़बोङ्‌ल॥ खे़ङ्‌हाॽ हे़न्‍छिङ् हे़न्‍छिङ्, किप्‍थिक् किप्‍थिक्, ङाबोङ् ङाबोङ् नु थिबोङ् थिबोङ् मनाहाॽरे़ लागि लाम्‍लोबा चोगे़से़ॽ॥


कर खे़न् हुक्‍के़लामाहाॽ निङ्‌वाॽफुमाङ्‌ङिन्‍नु मे़गिसे़ हे़क्‍क्‍याङ् हाङ्‌ङिल्‍ले़ मे़त्तुसिबान् मे़ङ्‌घे़प्‍सुन्॥ खे़ङ्‌हाॽरे़ ये़म्‍बित्‍छा साहाॽआङ् कुहिङ्‌वे़त्ते मे़ले़रुसि॥


सुम्‌ये़न्‍नो युसुफरे़ खे़ङ्‌हाॽ मे़त्तुसि, “अक्‍खे चोगे़म्‍मे़ॽ, हे़क्‍क्‍याङ् खिनिॽ के़हिङिरो, थेआङ्‌भे़ल्‍ले़ आङ्‌गाॽ निङ्‌वाॽफुमाङ्‌ङिन्‍नु किआ॥


फुॽनुसाॽ नु ने़ॽनुसाॽसे, आल्‍ल साङ्‌ग्राम्‍पेदाङ् इग्र इक्‍सादिङ् खाम्‍बेक् हे़क्‍क्‍याङ् वेॽ थे पाःन्‍नोआङ् माङ्‌मे़हे़क्‍कासिम्‍मे़न्‍ने़ॽओ॥ हाराॽ खिनिॽ पाःन्‍निन् ओने़ फाॽग्र “ओ” मेःन्‍ने फाॽग्र “मेःन्” पोङ्‌लरो, मे़ःङ्‌ग्र खिनिॽ खुम्‍दिङ्‌ङो के़ध्‍ये़ॽइरो॥


अक्‍खेलॽरिक् कन् पाःन्‍नो आत्तिल्‍ले़आङ् नसानिबा फुॽनुसाॽहाॽरे़ खुन्‍छिॽ मेःत्‍हाॽनु लाम्‍सिङ्‌मा मे़नुॽने़न्‍लो॥ काक् हे़क्‍तङ्‌बा फे़न् याःम्‍बक् के़जोःक्‍पाहाॽग निङ्‌वाॽफुमाङ्‌ङिल्‍ले़ खुम्‍दिङ् पिरुसि फाॽआङ् तगिसा आनिगे साम्‍दिङ् पिआसिगे़आङ् वयिगे़रो॥


कर वेॽसमा कुभाङ् के़भेःम्‍बाल्‍ले़ खे़न् फे़ःक्‍तुर अक्‍खे मे़त्तु, “खे़ने़ॽ निङ्‌वाॽफुमाङ्‌ङिन् के़ङ्‌गिरुन्‍बि? आनिॽ सुम्‍ब्राङ्‌ङे़ लत्‍छा परिक्‍पा खुम्‍दिङ्‌ङो आध्‍ये़आङ् आवाॽ,


ताक्‍के़भे़ॽबा मनाःल्‍ले़ कुसिक्‍लुङ्‌मो फे़न्‍निङ्‌वाॽ इःत्तुरो, खे़ल्‍ले़ निङ्‌वाॽफुमाङ्‌ङिन् मिङ्‌सो इङ्‌धाङ् मे़बिरुन्‍लो॥


अब्राहाम्‍मिल्‍ले़ मे़त्तु, “कन् ते़न्‍नो निङ्‌वाॽफुमाङ्‌ङिन् के़गिप्‍पा मना लत्‍छाआङ् होप् के़लॽबा आङ्‌गाॽ इःत्तुङ्‌ङाङ् वये़, हे़क्‍क्‍याङ् आमेःत्तिल्‍ले़ चोगुल्‍ले़ आङ्‌गाॽ मे़से़त्ताबि फाॽआङ् इःत्तुङ्॥


आप्‍फेक् ये़म्‍बित्‍छा इग्र मे़न्‍छुमा साहाॽ मिओ सिदुङ्‌जभा के़जोःक्‍पा, तॽयान् नुॽमा फे़म्‍मा ओगे़मे़प्‍पा, थुम्‌या के़इबा, कित्‍चाक् के़जोःक्‍पा,


यहवे दाङ्‌बे़ल्‍ले़ पाःत्तुरो, “कर माङ्‌देःम्‍मे़ल्‍ले़ कुस्‍सासे, हे़क्‍क्‍याङ् याम्‍बोःप्‍मा याःम्‍बक् के़जोःक्‍मा नु फे़क्‍के़लाॽमे़ल्‍ले़ कुधिन्‍दाङ् सायोबोरासे, कॽयो त्‍ये़म्‍मे़ॽओ!


खे़ङ्‌हाॽरे़ अक्‍खे मे़बाःत्तुरो ‘से़क्‍खाए यहवे दाङ्‌बे़न् कुहिङ्‌वे़त् वाॽबा कुइसिक्’ हे़क्‍केसाङ् खे़ङ्‌हाॽरे़ इङ्‌ले़क्‍पा माङ्‌हे़क् मे़जोगुरो॥”


थे अक्‍तङ्‌बा लायोरे़ लागि आङ्‌गाॽ खे़ङ्‌हाॽ खुम्‍दिङ् मे़बिरुङ्‌सिङ्‌ङिन्‍बि? हे़क्‍क्‍याङ् थे आङ्‌गाॽ कन् सुवाङ्‌हाॽओ कुले़क्‌वा मे़हुङ्‌ङान्‍बि?


याम्‍बोःप्‍मा याःम्‍बक् के़जोःक्‍पाहाॽरे़ लाजेन् मे़धिम्‍सुआङ् वाॽरो॥ खे़ङ्‌हाॽ फे़त्‍लाॽमा ताप्‍फे़ःम्‍बा हिङ्‌मन्‍नो मे़वाॽरो हे़क्‍क्‍याङ् माङ्‌निङ्‌वाॽपान् के़बाःप्‍पाहाॽरे़ खुन्‍छिॽ मुक्‍साम्‍मिन् पिर्बेःम्‍बा लाम्‍मो ओगप्‌ मे़जोगुरो॥ यहवे दाङ्‌बे़ल्‍ले़ कुसाक्‍मुरा माङ्‌देःल्‍ले़ चोगुल्‍ले़ लाजेन् मे़रिङ् थक्‍लो हे़क्‍क्‍याङ् चाराम्‍मादे़न्‍हाॽआङ् हेरे़बेआङ् ने़रो॥


“‘कल्‍ले़चोगुल्‍ले़ खिनिॽ माङ्‌निङ्‌वाॽपान् के़बाःप्‍पाहाॽ, खागे़इक्‍पाहाॽ, से़प्‍माङ्‌ङिल्‍ले़ कुबे के़हम्‍बाहाॽ, के़सिबा मनाःल्‍ले़ कुसाम् मुरा के़मे़प्‍पाहाॽ नु मिक्‍ले़ःङ्‌मा याःम्‍बक् के़जोःक्‍पाहाॽरे़ मे़बाःत्तुबान् मे़घे़प्‍से़म्‍मिन्‍ने़ॽ, खे़ङ्‌हाॽरे़ मे़बाःत्तुॽ, “बेबिलोनबा हाङ्‌ङिल्‍ले़ कुयुक्‍को खिनिॽ वाॽमा मे़बोङ्‌ने़न्॥”


खे़ङ्‌हाॽरे़ खिनिॽ इङ्‌ले़क्‍पा माङ्‌निङ्‌वाॽपान्‍हाॽ के़म्‍मे़त्तिर के़म्‍बत्‍छि हे़क्‍क्‍याङ् खे़ल्‍ले़ कुले़क्‌वा खिनिॽ आबाङे लाजेॽलाम्‍बा साॽरिक् माःङ्‌घा वेॽ ते़न्‍नो के़म्‍देॽरि॥ आङ्‌गाॽ खिनिॽ नाःत्‍निङ् लःत्‍निङ् हे़क्‍क्‍याङ् खिनिॽ खाप्‍पुथ्‍यःङ् के़मे़गिॽ॥


खे़ब्‍याङ् खे़ङ्‌हाॽरे़ यर्मियान् मे़मे़त्तु, “चोगे़म्‍मे़ॽ फाॽआङ् मे़त्तिगे़बा पाःन्‍हाॽ आनिगे चोःक्‍मा मे़दे़न्‍दिगे़न्‍ने़भग्र यहवे दाङ्‌बा आनिॽ निङ्‌वाॽफुमाङ्‌ङिन् आनिगे तक्‍ले़ङ्‌वाओ से़क्‍खा नु नसाःन्‍साबा साखि पोङ्‌ल॥


यहवे दाङ्‌बाए, खे़ने़ॽ उनाहुरिआङ्‌धोए के़न्‌वाॽने़न्‍बि? आनिङ्‌वाॽफुमाङ्‌ङे, आसेसेबाए, आनिगे आग्‍से़प्‍पाबि? यहवे दाङ्‌बाए, खासे़न् चोःक्‍मा याःम्‍बक्‍ले़ लागि खे़ने़ॽ खे़ङ्‌हाॽ युक्‍तिङ् के़जोगुसिआङ् मे़वाॽरो, आसे़ःप्‍सिङ्‌मा याक्‍पेॽए, आनिगे खुम्‍दिङ् पिमारे़ लागि खे़ने़ॽ खे़ङ्‌हाॽ माङ्‌थोःक्‍ना के़बिरुसिआङ् मे़वाॽरो॥


खे़ब्‍याङ् आङ्‌गाॽ के़इङ्‌बाहाॽ मे़त्तुङ्‌सिङ्, “खिनिॽ नुबा पोःक्‍खे़बा के़निसुम्‍ने़भग्र आङ्‌गाॽ आनाम्‌याक्‍किन् आबिरे़म्‍मे़ॽ॥ मेःन्‍ने़भग्र खिनिॽए कत्ते़म्‍मे़ॽ॥” कल्‍ले़चोगुल्‍ले़ खे़ङ्‌हाॽरे़ आङ्‌गाॽ सुम्‍बोङ् युप्‍पा याङ्‌इत्‍छेॽ मे़बिराङ्॥


“आत्तिन् ताप्‍फे़ःम्‍बा निङ्‌सेःक्‍ले़ लागिआङ् आङ्‌गाॽ आमिङ्‌ङिन् हने़ मे़बाताम्‍मिन्‍ने़ॽ, थेआङ्‌भे़ल्‍ले़ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ हे़क्‍क्‍याङ् आङ्‌गाॽ आमिङ् फे़क्‍के़लाःम्‍बाहाॽ आङ्‌गाॽ खुम्‍दिङ् पिरुङ्‌सिङ्‌ॽ॥


“आत्तिल्‍ले़ यहवे दाङ्‌बान्‍नुःल्‍ले़ वेॽ कुभा माङ्‌ङो सिदुङ्‌जभा तोःन्‍दुॽ, खे़न् मनान् मे़ङ्‌मा पोङ्‌ॽ॥


खे़न् चोःक्‌युम्‍भो पोङ्‌ङाङ् पेःक्‍किल्‍ले़ थे़माआङ् मेःन्‍ने मे़बाङ्‌घाम् मे़देसे़म्‍मिन्‍ने़ॽ,


कन् हिङ्‌मन् सुसुबा युङ्‌दे़न् के़गोःप्‍पा योःग्‍बा हे़क्‍तङ्‌बा चोक्‍लो, इग्र याःम्‍बक् के़जोःक्‍पाल्‍ले़ कुनाम्‌याक्‍किन् खोमारे़ लागि हाङ्‌घुआङ् वाॽबा कुसिङ् लॽरो॥


खे़न् आमे़ङ्‌मे़ङ्‌बा पाक्‍कुम्‍भिओबा मिन् हे़क्‍के लॽरो, खे़ल्‍ले़ आङ्‌गाॽ के़रे़क् पोगुगे़न् आजाहाॽ कुसाःप्‍पोनुए खाप्‍पुथ्‍यःङ् चोगुरो॥


मुक्‍साम्‍दाङ्‌बा यहवे दाङ्‌बे़ल्‍ले़ निङ्‌वाॽफुसाम्‍बाहाॽ अक्‍खे मे़त्तुसिॽ, “लत्‍छा ये़म्‍बित्‍छासाःल्‍ले़ कुम्‍बा इङ्‌धाङ् पिरुॽ, हे़क्‍क्‍याङ् से़वारोबे़ल्‍ले़ कुन्‍दाङ्‌बे़न् इङ्‌धाङ् पिरुॽ॥ आङ्‌गाॽ खे़निॽ पानुदिङ् पाआ, खे़निॽ आङ्‌गाॽ थेआङ् याप्‍मि इङ्‌धाङ् के़म्‍बिरिम्‍बाबे? आङ्‌गाॽ खे़निॽ दाङ्‌बाआ, खे़निॽ आङ्‌गाॽ थेआङ् याप्‍मि कुनागे़न्‍छाॽरिम्‍बाबे? “खे़निॽ आङ्‌गाॽ आमिङ्‌ङिन् कुनामे़न्‍छाॽ के़मे़त्तुम् हे़क्‍क्‍याङ् आल्‍लसाङ् आङ्‌गाॽ याप्‍मि से़ःन्‍गे़दोसिॽ, ‘आक्‍खेलॽरिक् आनिगे खे़ने़ॽ के़मिङ्‌ङिन् नामे़न्‍छाॽ मे़त्तुम्‍बे़आङ् वयिगे़बे?’


Swiv nou:

Piblisite


Piblisite