मलाकि 3:4 - लिम्‍बु

⁴ खे़न् ये़न्‍नाङ्‌धो यहुदा लाजेॽ नु यरुसले़म ये़क्‌यक्‍कोबा मनाहाॽरे़ मे़दारुबा हुक्‍सोयाङ्‌हाॽ, तगि कुइसिःक्‍के यहवे दाङ्‌बे़ल्‍ले़ कुलागि ताःक्‍मा के़लाॽबा पोङ्॥

मलाकि 3:4 Referans Kwoze

जकरिया 8:3

यहवे दाङ्‌बे़ल्‍ले़ अक्‍खे पाःत्तुॽ—“आङ्‌गाॽ नुःङ्‌ङाआङ् सियोनओ युआ, हे़क्‍क्‍याङ् यरुसले़ःम्‍मो युङ्‌ङा॥ खे़ब्‍याङ् यरुसले़ःम्‍मिन् ‘नसाःन्‍साबा ये़क्‌यक्’ मे़मे़त्तुॽ, हे़क्‍क्‍याङ् मुक्‍साम्‍दाङ्‌बा यहवे दाङ्‌बे़ल्‍ले़ कुगोःक्‍मान् ‘सेसे कोःक्‍मा’ मे़मे़त्तुॽ॥

यसैया 56:7

आङ्‌गाॽ सियोन नु सेसेबा कोःक्‍माओ ताःत्‍निङ्‌लो, ले़त्ति तोःम्‍मादे़न्‍नो के़दोःन्‍दुम्‍बा मिधिङ्‌मनादेमनाबा सिदुङ्‌जभा नु वयागे़न् सिदुङ्‌जभाहाॽ ताःक्‍तुङ्‌लो॥ आङ्‌गाॽ आहिम्‍मे़न् के़रे़क् मे़न्‍छाम् सुवाङ्‌हाॽरे़ खुन्‍छिॽ लागि पेलि फाक्‍मा हिम् पोङ्‌लो॥”

निङ्‌वाॽफु साम्‍लोसुम् 51:19

खे़ब्‍याङ् नुबा निङ्‌वाॽलाम्‍बा तोःम्‍मनाबा, मिधिङ्‌मनादेमनाबा सिदुङ्‌जभाहाॽ के़सिराॽ थाङ्‌लो, के़रे़क् मिधिङ्‌मनादेमनाबा सिदुङ्‌जभाहाॽ हे़क्‍क्‍याङ् से़गम्‍बाहाॽरे़न् सिदुङ्‌जभान् खे़ने़ॽ के़लागि ले़त्ति तोःम्‍मादे़न्‍नो याम्‍मो तोःन्‍दुम्‍बे़रो॥

२ साप्‍मुःन्‍धुम् 1:6

खे़प्‍मो तुम्‍मादे़न् साःङ्‌गाहिम्‍मो यहवे दाङ्‌बे़ल्‍ले़ कुदगि के़युङ्‌बा कासाबा ले़त्ति तोःम्‍मादे़न्‍नो थारिक् सोलोमने़न् पेआङ् हे़न्‍छिङ् थिक् मिधिङ्‌मनादेमनाबा वयागे़न् सिदुङ्‌जभाहाॽ तोःन्‍दु॥

१ साप्‍मुःन्‍धुम् 21:26

आम्‍भा खे़प्‍मो खुने़ॽ यहवे दाङ्‌बे़ल्‍ले़ कुलागि सिदुङ्‌जभा तोःम्‍मादे़न् चोगुआङ् मिधिङ्‌मनादेमनाबा सिदुङ्‌जभा नु तङ्‌जुम् वयागे़न् सिदुङ्‌जभा तोःन्‍दु॥ हे़क्‍क्‍याङ् यहवे दाङ्‌बे़ल्‍ले़ साङ्‌ग्राम्‍पेदाङ्‌बालाम् मिधिङ्‌मनादेमनाबा वयागे़न् सिदुङ्‌जभा ले़त्ति तोःम्‍मादे़न्‍नो मि थासुआङ् नुगप् पिरु॥

१ साप्‍मुःन्‍धुम् 15:26

यहवे दाङ्‌बे़ल्‍ले़ कुमाङ्‌हुप् सन्‍दोक् के़बङ्‌बा ले़बिहाॽ निङ्‌वाॽफुमाङ्‌ङिल्‍ले़ फाॽरुसिबाल्‍ले़ चोगुल्‍ले़ खे़ङ्‌हाॽरे़ नुसि कुम्‍बाबा पित् नु नुसि थुःम्‍बा वयागे़न् सिदुङ्‌जभा मे़दोन्‍दुसि॥

निङ्‌वाॽफु साम्‍लोसुम् 51:17

निङ्‌वाॽफुमाङ्‌ङे, के़नःम्‍सिङ्‌बा याम्‍साम्‍मिल्‍ले़ सिदुङ्‌जभान् खे़ने़ॽ ताःक्‍मा के़सिराॽधाङ्‌लो, हे़क्‍क्‍याङ् कुसिक् के़नःम्‍बाआङ् लायोलाम् के़नुःङ्‌बा सिक्‍लुङ्‌मान् के़न्‍नाॽरुन्‍लो॥