मलाकि 3:3 - लिम्बु3 खुने़ॽग युप्पा के़योःम्बा नु सेसे चोःक्मारे़ लागि युप्पा वागे़हप्पा हे़क्के पोङ्ङाङ् युङ्सिङ्॥ हे़क्क्याङ् साम्म्याङ् नु युप्पा योःम्मनाबा कुइसिक् निङ्वाॽफुसाम्बाहाॽ सुत्थो चोगुसिॽ॥ खम्भे़ल्ले़ यहवे दाङ्बाओ याम्मोआङ् खे़ङ्हाॽरे़ सुत्थो हुक्सोयाङ् मे़दारुॽ॥ Gade chapit la |
मलाकि 3:3
48 Referans Kwoze
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
हे़क्केःल्ले़ खे़ने़ॽ याङ्साकुन्धेसाबा पोङ्मा के़सुक्ल फाॽआङ् मिओ योःम्मनाबा इसेःङ्बा साम्म्याङ्ङिन् इङ्गाॽओलाम् इङे़ॽओ लॽरिक् सुजा पिने़, ले़क्चाबे़धिःक्पा के़धक्किन् ते़प्ते़ॽआङ् नुःम्मा मे़बोङ्ने़न्ल फाॽआङ् फगे़लॽबा तेःत्तिन् इङे़ॽओ, हे़क्क्याङ् निमा के़सुक्पा पोङ्मा फाॽआङ् मिक् सिदाॽइन् इङे़ॽओ॥
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाबा सिदुङ्जभा कुइसिक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोङ्बा याम्साम्गे़न् सेवान् बा कन्लो॥
थिम्मे़न्दङ् सुवाङ्हाॽओ ख्रिस्त ये़सुरे़ कुसे़वारोबा पोःक्खाङ्ङाङ् वाॽआरो॥ हे़क्क्याङ् थिम्मे़न्दङ् सुवाङ्हाॽ सेसेमाङ्लाम् सेसे मे़बोङ्ङाङ् निङ्वाॽफुमाङ्ङिल्ले़ ते़न्दिङ् चोगुसिबा चोभाॽ कुइसिक् मे़बोङ्ल फाॽआङ् निङ्वाॽफुसाम्बाल्ले़ याःम्बक् चोगुबा हे़क्के इङ्गाॽ निङ्वाॽफुमाङ्ङिल्ले़ कुसुनाइङ्ङिन् खे़ङ्हाॽ इङ्भोसुङ्सिङ्लो॥
आङ्गाॽ आदक्ले़ङ्वाओ पिफ्युङ् नु खे़माॽ के़जोःक्पा खे़न् के़रे़क्लाम् खिनिॽ सुत्थो चोःक्निङ्ॽ॥ मे़दे़म्सु मे़देॽरुसिआङ् मे़वाॽबा लाजेॽहाॽओलाम् आङ्गाॽ खे़ङ्हाॽ तारुङ्सिङ्ॽ, कर खे़ङ्हाॽ इस्राइल लाजेॽओ आप्फाल्ले़आङ् लाःप्मा मे़ङ्घोने़न्ॽ॥ खे़ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
Piblisite