मलाकि 3:11 - लिम्बु11 खे़निॽ चा इक्ताप्हाॽ के़जाबाआङ् के़मे़ङ्बा निःङ्घुक्वाहाॽ आङ्गाॽ मे़क्खुङ्सिङ्ॽ, हे़क्क्याङ् खे़निॽ इक्ताप्पो के़युङ्बा पुरुप्लुप्सेःल्ले़ कुबुङ्ङो के़बप्पा कुजाॽहाॽ मे़न्दुम्मे मक्मे़धाने़न्॥ Gade chapit la |
मलाकि 3:11
15 Referans Kwoze
“खिनिॽ हुक्हाॽ के़धुम्बा पोङ्ल थेआङ्भे़ल्ले़ याॽरिःम्बाहाॽ नुरिक् पोधाङ्, चे़ल्ले़क्सेःल्ले़ कुबुङ्ङो कुजाॽ थोक्, खाम्बाङ्ङिल्ले़ पोगुगे़न् कुजा फत्छुॽ, खम्भ्याङ् ताङ्साङ्बे़ल्ले़ सेःक्वा थासुॽ॥ आङ्गाॽ कन् के़रे़क् पाःन्हाॽ कन् के़हिङ्बा के़याःक्पा मनाहाॽ लक्खोमा युक् पिरुङ्सिङ्ॽ॥
थाङ्गे़त् ले़प्माङ्लाम् के़युबा थक्सुबा तुराहाॽ आङ्गाॽ खिनिॽलाम् माःङ्घा नाःत्तुङ्देसुङ्सिङ्लो, मे़न्धोःङ्ङे के़ने़बा नु मुरे़क् खारे़क्पा लाजेॽओ आङ्गाॽ खे़ङ्हाॽ पुबेलाप्सा नाःत्तुङ्देसुङ्सिङ्लो, खे़ङ्हाॽरे़ खुन्छिॽ तगिबा तिःक्लाहाॽ कुसिवे़त् वरःङ्ङो हे़क्क्याङ् एगाङ्बा तिःक्लाहाॽ लुम्बाङ् वरःङ्ङो खे़त्तुङ्सिङ्लो॥ खे़ब्याङ् खे़ङ्हाॽरे़ खुन्छिॽ नाम्सुमा, किःक् नाम्मिन् थाःङ् पोःक्लो॥” से़क्खाए खुने़ॽ किप्मा के़घुबा यम्बयम्बा याःम्बक् चोगुआङ् वाॽरो॥
कुबन्ज्याङ्मा निःङ्घुक्वा च्याःक्हाॽरे़ मे़ले़रु मे़धबान् खे़न् के़वे़म्बा निःङ्घुक्वाहाॽरे़ मे़जरो, के़वे़म्बा निःङ्घुक्वाहाॽरे़ मे़ले़रु मे़धबान् खे़न् यम्बयम्बा निःङ्घुक्वाहाॽरे़ मे़जमे़देसुरो, यम्बयम्बा निःङ्घुक्वाहाॽरे़ मे़ले़रु मे़धबान् खे़न् कुदुम्स्याक् निःङ्घुक्वाहाॽरे़ मे़जमे़देसुरो॥
“आङ्गाॽ यरिक्ले़ङ् खिनिॽ सिङ्सेॽइक्हाॽओ नु खिनिॽ चे़ल्ले़क्सेॽ इक्ताप्हाॽओ खुःक्वामेःत् नु सुक्नाःम्बा थ्ये़र याःन्दुङ्लो॥ खिनिॽ पःत्छेॽहाॽ नु खिनिॽ चैतुन सिङ्बुङ्हाॽ निःङ्घुक्वाहाॽरे़ मुरे़क् खारे़क् मे़जोगुर याःन्दुङ्सिङ्लो, हे़क्केसाङ् खिनिॽ आङ्गाॽओ मे़न्नुःङ् मे़न्दाए के़वयिरो,” यहवे दाङ्बे़ल्ले़ उवा चोगुरो॥
पःत्छेल्ले़ कुबुङ्ङो कुनःक् मे़लःन्ने़न्छाङ् हे़क्क्याङ् चे़ल्ले़क्सेःल्ले़ कुबुङ्ङो कुजाॽ मे़धोःक्ने़न्छाङ्, चैतुने़ल्ले़ कुबुङ्ङो कुजाॽ मे़धोःक्ने़न्छाङ्, हे़क्क्याङ् इक्ताप्हाॽओ पोगुगे़न् कुजा मे़बत्ने़न्छाङ्, खरओ मे़ल्लुक् मे़ःन्दाक् मे़न्याक्ने़न्छाङ् हे़क्क्याङ् पित् ये़प्मनाओ पित्हाॽ मे़होःप्साङ्,
आङ्गाॽ खुन्छिॽ पोगुगे़न् कुजाहाॽ तेॽरुङ् पिरुङ्सिङ्लो चे़ल्ले़क्सेल्ले़ कुबुङ्ङो चे़ल्ले़क्सेॽ मे़बत्ने़न्लो, हे़क्क्याङ् पःत्छेॽबुङ्ङोआङ् कुजाॽ मे़धोःक्ने़ल्लो॥ खे़ल्ले़ कुभे़क्वाहाॽआङ् इरे़म्बेःक्लो॥ खे़ल्ले़ खे़ङ्हाॽ थेधे पिरुङ्सिङ्ङाङ् वयाङ् खे़न् के़रे़क् खे़ङ्हाॽरे़ खुन्छिॽ हुक्कोलाम्बा नाप्तुङ्सिङ्लो, आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“खे़न् तङ्बेहाॽओबा खिनिॽ कुजाहाॽ कुबन्ज्याङ्मा निःङ्घुक्वा च्याःक्हाॽरे़ मे़जबान् के़वे़म्बा निःङ्घुक्वाहाॽरे़ मे़जबान्, यम्बयम्बा निःङ्घुक्वाहाॽरे़ मे़जबान्, हे़क्क्याङ् कुदुम्स्याक् निःङ्घुक्वाहाॽरे़ मे़जबान् आङ्गाॽ खिनिॽ लुम्मो पाङ्घुङ्सिङ्बा खे़न् यरिक् आधक्सुबाहाॽरे़ मे़जबान् नुःक्तुङ् पिनिङ्लो॥
आङ्गाॽ इक्ताप्हाॽओ नु कोःक्मा फाङ्जङ् थे़गु माङ्वाहाॽओ, पोगुगे़न् कुजा नु कुबोक् चे़ल्ले़क्सेॽ थिओ, निःङ्गेॽओ हे़क्क्याङ् खाम्बेःक्मो के़धोःक्पा के़रे़क्को, मनाहाॽओ, हिङ्मनाबा थक्साहाॽओ नु खिनिॽ हुक्किल्ले़ स्याङ्मे़न्दाङ् के़जोगुम्बा के़रे़क् याःम्बक्हाॽओ साक्वान् पोगे़र चोगुङ्ङाङ् वाॽरो॥”
Piblisite