मलाकि 3:10 - लिम्बु10 आङ्गाॽ आहिम्मो चामा थुङ्मा वाॽर फाॽआङ् के़रे़क् थिबोङ्लक्किन् चाधाःङ्ङो ताराम्मे़ॽ॥ कन् पाःन्नो आङ्गाॽ आसाॽरे़आङ् ओआमे़त्ते़ आसाॽरे़ॽ, आङ्गाॽ साङ्ग्राम्पेदाङ्बा लाम्धेःत्हाॽ हन्दुङ्ङाङ् कुयाङ्मारे़आङ् मे़हत्तुन्ल थारिक् हाङ्वागे़न् मुॽइसाम् खे़निॽ लागि सःक्सुङ् थासुङ्बि मे़धाआन्बि॥ Gade chapit la |
मलाकि 3:10
35 Referans Kwoze
यहवे दाङ्बे़ल्ले़ ताङ्साङ्बो वे़त्ते़सरे़ चिक्खु युक्खुबा कुधाःङ्ङिन् हन्दुआङ् खिनिॽ लाजेॽओ चाहा चोःक्पा याक्वाओ वहित् थासु के़बिरिॽ, हे़क्क्याङ् खिनिॽ हुक्कोबा के़रे़क् याःम्बक्को मुॽइसाम् के़बिरिॽ॥ खिनिॽ यरिक् मे़न्छाम् सुवाङ्हाॽ सिङ्नात् के़बिरुम्सिम्ॽ, कर आत्तिन्हाॽलाम्माङ् याङ्ना सिङ्नात् के़म्भोःक्खुम्मिन्लो॥
खे़न् ये़म्मो माङ्हिम्मो तोःम्मनाबा युङ्मादे़न्हाॽओ ओमे़प्मा हे़क्क्याङ् ये़क्यक् खिरिबा पाङ्भेॽहाॽलाम् साम्योथिम् इङ्जाङ्ङिल्ले़ पाःत्तुबा हे़क्के निङ्वाॽफुसाम्बा नु ले़बिहाॽरे़ खोमा के़बोङ्बा कुजा नु थिबोङ्लक् फुङ्मा याःम्बक्ले़ लागि मनाहाॽ मुरा मे़मे़त्तुसिआङ् वये़॥ थेआङ्भे़ल्ले़ यहुदाबा के़रे़क् मनाहाॽ निङ्वाॽफुसाम्बा हे़क्क्याङ् ले़बिहाॽनु खुनिॽ निङ्वाॽ त्ये़आङ् वये़॥
हाङ्ङिल्ले़ कत्तुबा सुहाङ्युक्पा से़वारोबे़ल्ले़ निङ्वाॽफुमाङ्ङिल्ले़ कुमनान् मे़त्तु, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” एलिसाःल्ले़ नुगप् पिरु, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
खे़न् सुहाङ्युक्पे़ल्ले़ निङ्वाॽफुमाङ्ङिल्ले़ कुमनान् अक्खे मे़त्तुआङ् वये़, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” निङ्वाॽफुमाङ्ङिल्ले़ कुमनाःल्ले़ खे़न् सुहाङ्युक्पे़न् अक्खे मे़त्तुआङ् वये़, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
खुने़ॽ माङ्हिम्मोबा यम्बा कुजा युङ्मादे़न्धिक् ओगाप् चोःक्मारे़ लागि तोबियान् पिरु॥ तगि माङ्हिम्मो ताःप्मनाबा कुजा सिदुङ्जभा, सुक्पा, निङ्वाॽफुसाम्बाहाॽ पिमनासिबा सामाहाॽ, थिबोङ् लक्हाॽ हे़क्क्याङ् ले़बिहाॽ, साम्गे़लोबाहाॽ नु लाम्धेत् के़गोबाहाॽ पिमनासिबा कुजा थिबोङ् लक्हाॽ, चे़ल्ले़क्सेॽ थि, पे़ःङ्वालिःत्छेॽ निःङ्गेॽ नु थेयावयाहाॽ युङ्मारक् खे़न् याक्फाङ्ङिन् ओगाप् पोःक्खे़आङ् वये़॥
खे़ल्ले़चोगुल्ले़ यरुबाबेल नु नहेम्याहःल्ले़ खुन्छिॽ ये़म्मो के़रे़क् इस्राइलिहाॽरे़ साम्गे़लोबाहाॽ नु लाम्गे़गोबाहाॽरे खुनिॽ चामारे़ लागि थिक्याःन्धक् चाहा के़जोःक्पा कुजाहाॽ मे़बिरुसि॥ खे़ङ्हाॽरे़ ले़बिहाॽआङ् चाहा के़जोःक्पा लक् मे़बिरुसि हे़क्क्याङ् खे़न्लाम्बा ले़बिहाॽरे़ हारुनरे़ कुमुॽइदाङ्सा निङ्वाॽफुसाम्बाहाॽ चाहा के़जोःक्पा लक् मे़बिरुसिरो॥
खिनिॽ ये़क्यक्को के़युङ्बा थे़माआङ् लक् इग्र खोमा लक् मे़ङ्गप्मनाबा ले़बिःल्ले़ कुमुॽइदाङ्साहाॽ, हे़क्क्याङ् वेॽ लाजेॽबा, ये़त्छा होॽदोःक् नु मेमेदुमाहाॽ पिरे़म्सिम्मे़ॽ, खे़ब्याङ् यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् याःम्बक्को खिनिॽ हाङ्वागे़न् मुॽइसाम् के़बिरिररो॥
तगि के़दुम्बा के़रे़क् नुबा सिङ्सेॽहाॽ नु खिनिॽ के़दोःन्दुम्बा के़रे़क्नुःल्ले़ नुबा हुक्वाहाॽ निङ्वाॽफुसाम्बाहाॽरे़न् पोङ्ॽ॥ खिनिॽ के़युःत्तुम्बा फेॽदुम्लाम्बाबा के़रे़क्नुःल्ले़ तगिबा कुजान् खिनिॽ निङ्वाॽफुसाम्बाहाॽ के़बिरुम्सिम्ल पोङ्ॽ हे़क्केलॽरिक् खिनिॽ हिम्सयङ्हाॽओ हाङ्वागे़न् मुॽइसाम् थारो॥
यहवे दाङ्बे़ल्ले़ कुमनाहाॽ अक्खे मे़त्तुसिआङ् नुगप् पिरुसिरो, “कुजा, कुबोक् चे़ल्ले़क्सेॽ थि नु चैतुन निःङ्गेॽ हाक्निङ्लो, खे़ब्याङ् खिनिॽ के़रे़क् सिक्एःप्तुआङ् के़घासिरो॥ आङ्गाॽ याम्मो आभे़ल्ले़आङ् मे़न्छाम् सुवाङ्हाॽरे़ खुन्छिॽ लुम्मो खिनिॽ कुनामे़न्छाॽ मे़प्मा चाहाक् पोङ्मा मे़बाङ्निङ्ङिल्लो॥
Piblisite