मलाकि 2:8 - लिम्बु8 “कर खे़निॽ निङ्वाॽफुसाम्बाहाॽरे़ नुबा लाम्मिन् के़ले़रुम्माङ् थिक्नाहाङ् के़हिआसि के़बेगिआङ् के़वयिॽ॥ खे़निॽ निसाम्मिल्ले़ यरिक् मनाहाॽ ताप्फे़ःम्बा याःम्बक् चोक् पाङ्घुसिआङ् वाॽ॥ आङ्गाॽ ले़बिहाॽनु चोगुङ्बा माङ्हुप्पिन् खे़निॽ के़भेःन्दुम्माङ् के़वयिॽ” लॽरिक् मुक्साम्दाङ्बा यहवे दाङ्बे़ल्ले़ पाःत्तुॽ॥ Gade chapit la |
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
“खे़ल्ले़चोगुल्ले़ यहवे दाङ्बा, इस्राइलबा निङ्वाॽफुमाङ्ङिल्ले़ अक्खे पाःत्तु, ‘खे़ने़ॽ के़हिम्सयङ् नु के़म्बारे़ कुहिम्सयङ्हाॽरे़ सदादिङ् चक्मे़न्लॽए आङ्गाॽ आदगि माङ्से़वा मे़जोगुर फाॽआङ् माङ्हुप् चोगुङ्ङाङ् वयाङ्॥’ कर आल्ल यहवे दाङ्बाल्ले़ अक्खे पाःत्तु, ‘आल्लआङ्धो अक्खे पोङ्मा मे़नुॽने़न्॥ आङ्गाॽ मिङ्सो इङ्धाङ् के़बिबाहाॽ मिङ्सो इङ्धाङ् पिरुङ्सिङ्, हे़क्क्याङ् आङ्गाॽ कुनामे़न्छाॽ के़मे़प्पाहाॽ आङ्गाॽ चिःत्तुङ्सिङ्॥’
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
खे़ने़ॽओबा निङ्वाॽफुसाम्बाहाॽरे़ आङ्गाॽ आइङ्जाङ्हाॽ मे़भेःन्दुआङ् वाॽ हे़क्क्याङ् आङ्गाॽ सेसेबा आबाःन्हाॽ मे़जिःन्दुआङ् वाॽ॥ आत्तिन् सेसेबा पान् नु आत्तिन् मे़न्जोबा पान् फाॽआङ् खे़ङ्हाॽरे़ मे़न्छे़न्दुन्ॽ॥ हे़क्क्याङ् थिम् कुइसिक् सुत्थो नु आसुत्थो पाःन्हाॽ खे़ङ्हाॽरे़ आङ्गाॽ आमनाहाॽ मे़न्हुॽरुसिन्ॽ॥ आङ्गाॽ खे़ङ्हाॽरे़ खुन्छिॽ लुम्मो कुनामे़न्छाॽ पोङ्ङार फाॽआङ् खे़ङ्हाॽरे़ आङ्गाॽ आसाबाथ नाःम्सिङ्मा ये़न्हाॽ निनि खे़म्घे़म् मे़ल्लाप्तुन्ॽ॥
याम्गे़सिङ्बा खिनिॽ फे़न्याःम्बक्हाॽनुःल्ले़ वेॽ, निङ्वाॽओ नु थक्लाओ हर्दो मे़न्हे़क्मनाबा वेॽ लाजेॽबा मनाहाॽ आङ्गाॽ आसेसेदे़न्नो खिनिॽ के़दारुम्सिम्माङ् आङ्गाॽओ कुजा, सासोःत् नु माक्खिॽ के़दोःन्दुम्मिल्ले़ आसुत्थो के़जोगुम्, हे़क्क्याङ् आङ्गाॽ चोगुङ्बा माङ्हुप्पिन् खिनिॽ के़भेःन्दुम्॥
कर खे़ङ्हाॽरे़ खुन्छिॽ आप्फेक् नावाइत्लाहाॽ तगि मनाहाॽ याःम्बक् मे़जोगु मे़बिरुसिबा नु इस्राइलबा हिम्सयङ्हाॽ लायोओ मे़धासुसिबाल्ले़ चोगुल्ले़, खे़ङ्हाॽरे़ खुम्दिङ् खोमाए पोङ्ॽ फाॽआङ् आङ्गाॽ आहुक्किल्ले़ साःप्सुङ्सिङ्ङाङ् माङ्हे़क् चोगुङ्ङाङ् वाॽ, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ॽ॥
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’