खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ् ताङ्साक्पे़न्, इक्सादिङ् खाम्बेःक्मान्, वरःङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् से़वा चोगे़म्मे़ॽओ॥”
मलाकि 2:2 - लिम्बु2 खे़निॽ के़जोगुम् के़बाःत्तुम्बा याःम्बक्कोलाम् आङ्गाॽ मिङ्सो इङ्धाङ् आग्बिरिर पोङ्ॽ॥ आङ्गाॽ पाःत्तुङ्बा पाःन्निन् खे़निॽ के़ङ्घे़प्सुम्मिन्ने़भग्र आङ्गाॽ खे़निॽ सम्धाङ् माङ्दे थासुङ्ॽ॥ खे़निॽ के़घोसुम्बा मुॽइसाम् पाःन्हाॽओ साङ्ग्रा माङ्दे थासुङ्ॽ॥ कुजे़क्काङ्ङिल्ले़, खे़निॽ खे़न् के़घोसुम्बा मुॽइसाम्हाॽओ आसेःन्छा साङ्ग्रा थासुङ्ङाङ् वाॽ थेआङ्भे़ल्ले़ आङ्गाॽ आइङ्जाङ्ङिन् सिङ्सिङ् ये़क्ये़क्काङ् के़ङ्घे़प्सुम्ने़न्॥ Gade chapit la |
मलाकि 2:2
31 Referans Kwoze
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
“खिनिॽ यरिक् कुजा सुम्मा निङ्वाॽ के़जोगुम्, कर ओमे़त्ते़म्मे़ॽ, चबे़ःत्छिक्लक् पोःक्खे़॥ हिम्मो खिनिॽ के़दारुम्बान् आङ्गाॽ मुःत्तुङ्ङाङ् सुरिःत्तो फे़सुङ्दे़सुङ्॥ थेआङ्बे?” मुक्साम्दाङ्बा यहवे दाङ्बे़ल्ले़ पाःत्तुॽ॥ “थेआङ्भे़ल्ले़ आङ्गाॽ आहिम्मिन् लुःन्दे़बेआङ् ने़रो, कर खिनिॽग के़रे़क् आप्फेक् आप्फेक् हिम्मो सिॽमे़न्छिॽ के़यागिॽ॥
खिनिॽ लेःप्माग यरिक् के़लेःत्तुम्माङ् ने़रो, कर चबे़ःत्छिक्लक् के़सुप्सुम्माङ् युङ्ॽ॥ खिनिॽ चामाग के़जाम्, कर आभे़ल्ले़आङ् के़ङ्घासिन्ॽ॥ खिनिॽ थुङ्माग के़धुङुम्ॽ, कर आभे़ल्ले़आङ् खिनिॽ वामिःक्मा मे़जिप्तुन्ॽ॥ खिनिॽ चाङ्ग के़जाक्खुम्ॽ, कर के़ङ्गोसिन्ॽ॥ खिनिॽ याःम्बक् के़जोगुम्माङ् निम्याक् के़धगुम्ॽ, कर के़हङ्बा सुक्वाहाॽओ के़याक्तुम्ॽ॥”
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
यहवे दाङ्बे़ल्ले़ पाःत्तुरो, “खिनिॽ यङ्मा किमाओ के़धाबा कन् माङ्हाॽ हाःत्छिआङ् आङ्गाॽ इङ्ले़क् पान् याप्मि के़मे़त्ति खे़ब्याङ् सगप् याप्मि निङ्वाॽ के़भेःत्छिबाबे? थे आङ्गाॽ कन् पाःन्हाॽरे़ कुयाःम्बेओ यरिक् ये़म् थारिक् स्वाःत् युङ्ङाबाल्ले़ चोगुल्ले़ आङ्गाॽ मिङ्सो इङ्धाङ् पिमा याप्मि के़ले़रे़बाबि?
खे़ल्ले़चोगुल्ले़, खे़ङ्हाॽरे़ खुन्छिॽ सम्धाङ् मि हे़क्तङ्बा खुने़ॽ कुसिक्के़न् थासुरो हे़क्क्याङ् ते़न्धङ्ङो खे़ङ्हाॽ मे़क्खुसिरो॥ खे़ल्ले़चोगुल्ले़ खे़ङ्हाॽरे़ खुन्छिॽ के़रे़क् पिसाङ् मि तिरे़रो, हम्भसाङ् खे़ङ्हाॽरे़ कुसिङ् मे़न्निःत्तुल्लो॥ खे़न् मिःल्ले़ खे़ङ्हाॽ मे़क्खुसिरो, हे़क्केसाङ् खे़न् पाःन्निन् खे़ङ्हाॽरे़ खुन्छिॽ निङ्वाॽओ मे़न्युक्खुल्लो॥”
Piblisite