हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
मलाकि 2:12 - लिम्बु12 अक्खे के़जोःक्पा आत्तिन् मनाःल्ले़ मुक्साम्दाङ्बा यहवे दाङ्बाओ हुक्सोयाङ् तारुॽ, यहवे दाङ्बे़ल्ले़ खे़न् मनान् याकुबरे़ कुसुवाङ्हाॽलाम् लाःक्कात् लःत्तुदेसुरो॥ Gade chapit la |
मलाकि 2:12
28 Referans Kwoze
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
Piblisite