मलाकि 1:6 - लिम्बु6 मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’ Gade chapit la |
मलाकि 1:6
52 Referans Kwoze
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
खे़ने़ॽओबा निङ्वाॽफुसाम्बाहाॽरे़ आङ्गाॽ आइङ्जाङ्हाॽ मे़भेःन्दुआङ् वाॽ हे़क्क्याङ् आङ्गाॽ सेसेबा आबाःन्हाॽ मे़जिःन्दुआङ् वाॽ॥ आत्तिन् सेसेबा पान् नु आत्तिन् मे़न्जोबा पान् फाॽआङ् खे़ङ्हाॽरे़ मे़न्छे़न्दुन्ॽ॥ हे़क्क्याङ् थिम् कुइसिक् सुत्थो नु आसुत्थो पाःन्हाॽ खे़ङ्हाॽरे़ आङ्गाॽ आमनाहाॽ मे़न्हुॽरुसिन्ॽ॥ आङ्गाॽ खे़ङ्हाॽरे़ खुन्छिॽ लुम्मो कुनामे़न्छाॽ पोङ्ङार फाॽआङ् खे़ङ्हाॽरे़ आङ्गाॽ आसाबाथ नाःम्सिङ्मा ये़न्हाॽ निनि खे़म्घे़म् मे़ल्लाप्तुन्ॽ॥
“कर खे़निॽ निङ्वाॽफुसाम्बाहाॽरे़ नुबा लाम्मिन् के़ले़रुम्माङ् थिक्नाहाङ् के़हिआसि के़बेगिआङ् के़वयिॽ॥ खे़निॽ निसाम्मिल्ले़ यरिक् मनाहाॽ ताप्फे़ःम्बा याःम्बक् चोक् पाङ्घुसिआङ् वाॽ॥ आङ्गाॽ ले़बिहाॽनु चोगुङ्बा माङ्हुप्पिन् खे़निॽ के़भेःन्दुम्माङ् के़वयिॽ” लॽरिक् मुक्साम्दाङ्बा यहवे दाङ्बे़ल्ले़ पाःत्तुॽ॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
“निङ्वाॽफुसाम्बासे, कन् पाःन्निन् खे़प्से़म्मे़ॽओ! इस्राइलि हिम्सयङ्से, सिङ्सिङ् ये़क्ये़क्काङ् खे़प्से़म्मे़ॽओ! हाङ् हिम्सयङ्से, निङ्वाॽ पिरे़म्मे़ॽआङ् खे़प्से़म्मे़ॽओ! कन् निःन्धो के़बोङ्बा खासे़न्निन् खिनिॽ तङ्ले़ङ्वाओ वाॽरो— मिस्पाओ खिनिॽ चे़न् नु तबोरओ के़मनाबा इदाक् के़बोःक्खिआङ् वाॽरो॥
से़वारोबाल्ले़ कुन्दाङ्बाल्ले़ कुहुक्लक् ओमे़त्तुरो, हे़क्क्याङ् सेवारोमाल्ले़आङ् खुने़ॽ कुन्दाङ्माल्ले़ कुहुक्लक् ओमे़त्तुरो॥ हे़क्केलॽरिक्के आनिगे यहवे दाङ्बा निङ्वाॽफुमाङ्ङिल्ले़ आनिगे याप्मि लुङ्माॽ आगे़न्दुक्ने़ल्ल थारिक्, आनिगे़आङ् मिक् हन्दुम्बे़आङ् खे़ने़ॽरक् ओमे़त्तासिगे़आङ् पत्छिगे़रो॥
खे़ने़ॽ मिधिङ्मनादेमनाबा सिदुङ्जभा तोःम्मारे़ लागि मे़ल्लुक् मे़न्दाःत्ते के़वाॽरो, हे़क्क्याङ् वयागे़न् सिदुङ्जभाःल्ले़ आङ्गाॽ मिङ्सो इङ्धाङ् मे़म्बिए के़गत्तारो॥ कुजा सिदुङ्जभा तोःम्माआङ् माङ्से़वा आयाःम्बक् चोःक्मारे़ लागि खे़ने़ॽ के़लिःप्पा कक् मे़ङ्गुःत्ते कत्ने़रो, खे़ब्याङ् सुक्पा साङ्सिङ्ङाङ् नाःक्ने़आङ् के़नासे़र याःन्ने़बा होप्लो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
Piblisite