मलाकि 1:3 - लिम्‍बु

³ कर एसाबे़न् नाॽरुङ् हे़क्‍क्‍याङ् आङ्‌गाॽ खे़ल्‍ले़ कुगोःक्‍मा फाङ्‌जङ्‌हाॽ मुरे़क् खारे़क् थेआङ् मे़न्‍नुॽमनाबा चोगुङ् पिरुङ्‌ङाङ् खे़ल्‍ले़ खोमा के़बोङ्‌बा कुलक् लाजेन् स्‍यालाहाॽ मे़याक्‍ल फाॽआङ् ले़रुङ् पिरुङ्‌सिङ्॥”

मलाकि 1:3 Referans Kwoze

ओबदिया 1:10

“खे़ने़ॽ आप्‍फेक् के़न्‍साॽ याकुबरे़ कुदक्‍ले़ङ्‌वाओ के़जोगुबा फे़न्‌याःम्‍बक्‍किल्‍ले़ चोगुल्‍ले़ सिरिङ्‌ममो के़धारो, हे़क्‍क्‍याङ् खे़ने़ॽ सदादिङ्‌ले़ लागि खाप्‍पुथ्‍यःङ् के़बोङ्‌लो॥

योएल 3:19

“कर यहुदाबा मनाहाॽ मे़युक्‍तुसिआङ् कुदोःप्‍माहाॽरे़ खुन्‍छिॽ माक्‍खिॽ मे़से़सुआङ् वये़बे़ल्‍ले़ चोगुल्‍ले़, मिस्र लाजेन् मुरे़क् खारे़क् थेआङ् के़होःप्‍पादे़न् पोङ्‌लो, हे़क्‍क्‍याङ् एदोमे़न् थेनाधेबा ये़ःङ्‌घादे़न् पोङ्‌लो॥

इजकिएल 36:9

आङ्‌गाॽ खिनिॽ कम्‍ब्राङ् मे़त्‍निङ्‌ॽ, हे़क्‍क्‍याङ् खिनिॽ के़बाःत्तुम्‍बा पाःन्‍हाॽ आङ्‌गाॽ खे़प्‍सुङ्‌ॽ॥ खिनिॽ खाम्‍बेःक्‍किन् मे़दोःक्‍खु के़म्‍बिरिॽ हे़क्‍क्‍याङ् खिनिॽ चाहाॽ मे़हेॽरु के़म्‍बिरिॽ॥

इजकिएल 36:7

खे़ल्‍ले़चोगुल्‍ले़, मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—खे़न् मे़न्‍छाम् सुवाङ्‌हाॽरे़ खुन्‍छिॽ आप्‍फेक् सिरिङ्‌ममे़न् हाराए थम्‍मा के़बोङ्‌बा वाॽ फाॽआङ् आङ्‌गाॽ लुङ्‌माॽ याःप्‍सुर माङ्‌हे़क् चोगुङ्‌ॽ॥

यर्मिया 51:37

हे़क्‍क्‍याङ् बेबिलोने़न् स्‍याल याङ्‌दःक्‍हाॽ वाॽमादे़न् खाप्‍पुथ्‍यःङ् के़बोङ्‌बान् के़लुम्‍सिङ्‌बाआङ् के़ने़बा पोङ्‌लो॥ खे़प्‍मो ताम्‍भुङ् थक्‍साहाॽ याङ्‌मे़धोःक्‍लो॥ खे़न् आत्तिन्‍हाॽआङ् मे़न्‌युङ्‌मनाबादे़न्, यङ्‌मा आसिसिबा नु आप्‍तिक् चाहाक् पोङ्‌लो॥

यर्मिया 49:10

कर आङ्‌गाॽ एदोमबा लाजेन् मुरे़क् खारे़क् थेआङ् मेःन्‍ने चोगुङ्‌लो हे़क्‍क्‍याङ् खे़प्‍मो चिङ्‌सिङ्‌मादे़न् आत्तिआङ् मे़ने़ने़न्‍लो॥ कल्‍ले़ कुस्‍सा अङे़ःक्‌वाहाॽ, कुम्‍भुॽकुन्‍साॽहाॽ, हे़क्‍क्‍याङ् कुहिम्‍बेसाङ्‌बाहाॽ के़रे़क् मे़मे़क्‍लो, खे़ब्‍याङ् एदोमे़न् आप्‍फेक्‍काङ् मे़याःक्‍ने़न्‍लो॥

यर्मिया 9:11

यहवे दाङ्‌बे़ल्‍ले़ पाःत्तुॽ, “आङ्‌गाॽ यरुसले़ःम्‍मिन् खाप्‍पुथ्‍यःङ् चोगुङ्‌लो हे़क्‍क्‍याङ् किधिःप्‍पाहाॽ वाॽमारे़ लागि लुङ्‌हाॽ लुप्‍सुङ्‌लो, यहुदाबा ये़क्‌यक्‍हाॽ लुःन्‍दुङ्‌ङाङ् मना मेःन्‍नेबा चोगुङ्‌लो, खे़ब्‍याङ् खे़प्‍मो आत्तिन्‍नाङ्‌ मे़वाॽने़न्‍लो॥”

यसैया 35:7

साङ्‌याक्‍माल्‍ले़ मिगे़राक्‍पा ये़ःङ्‌घाःन् वरक् पोङ्‌लो, हे़क्‍क्‍याङ् के़हेबा खाम्‍मो वबुन्‍दाक्‌वा पुन्‍लःन्‍लो, स्‍यालाहाॽ मे़याक्‍पादे़न्‍नो, सारा नु फःङ्‌दु लिङ्‌धाङ्‌लो॥

लुका 14:26

“इङ्‌गाॽ याप्‍मि के़दिम्‍बाल्‍ले़ कुम्‍मा-कुम्‍बासि, कुमेःत्-कुस्‍साहाॽ, कुम्‍भुॽ कुन्‍साॽसि, कुन्‍ने़ॽ कुन्‍साॽसि, हे़क्‍क्‍याङ् कुहिङ्‌मन्‍निन् इङ्‌गाॽनुःल्‍ले़आङ् साॽरिक् मिःम्‍जि मे़त्तुने़ फाॽग्र खे़ङ्‌ग इङ्‌गाॽ आहुॽसाम्‍बा पोङ्‌मा मे़सुक्‍ने़न्‍लो॥

तोलिङ्‌सोमु 25:23

यहवे दाङ्‌बे़ल्‍ले़ खुने़ॽ अक्‍खे मे़त्तुरो, “खे़ने़ॽ के़साप्‍पोःक्‍को ने़त्‍छि सुवाङ्‌बा मे़न्‍छाम् याप्‍मि याक्‍सिरो, के़साप्‍पोःक्‍कोलाम् खे़ङ्‌हाॽ के़गत्तुसिल्‍ले़सा खे़ङ्‌हाॽ एॽए ने़त्‍छि सुवाङ् लःन्‍छिरो॥ लत्‍छान् वेॽसमान्‍नुःल्‍ले़ मुक्‍के़गुबा पोङ्‌लो, हे़क्‍क्‍याङ् तुम्‍बाल्‍ले़ फोःक्‌वाबे़ल्‍ले़न् कुसे़वा चोगुरो॥”

यर्मिया 49:8

खिनिॽ नुःक्‍खे़म्‍मे़ॽआङ् खे़त्तासिम्‍मे़ॽओ! ददानबा मनासे, केःम्‍बा फुक्‍कुहाॽओ चिङ्‌सिङ्‌ङे़म्‍मे़ॽओ! थेआङ्‌भे़ल्‍ले़ मे़क्‍मे़न् एदोमओ तारुङ्‌लो, हे़क्‍केःल्‍ले़ खिनिॽआङ् खुम्‍दिङ् पिनिङ्‌लो!

यर्मिया 49:20

ए़दोम नु तेमानबा मनाहाॽरे़ खुन्‍छिॽ तक्‍ले़ङ्‌वाओ यहवे दाङ्‌बे़ल्‍ले़ कुनिङ्‌सेःक्‍किन् खे़प्‍से़म्‍मे़ॽओ॥ खे़ङ्‌हाॽरे़ खुन्‍छिॽ चुजुक्‍सा हिन्‍जाॽबित्‍छाॽहाॽआङ् मे़ल्‍लुक् कुइसिक् मे़उःक्‍खु मे़धे़मु मे़देॽरुसिरो हे़क्‍क्‍याङ् खे़ङ्‌हाॽरे़ खुन्‍छिॽ हिम्‍हाॽ खाप्‍पुथ्‍यःङ् मे़जोगुरो॥

यर्मिया 49:33

“हासोरे़न् स्‍यालाहाॽरे़ खुन्‍छिॽ वाॽमादे़न् पोङ्‌लो हे़क्‍क्‍याङ् कन् आभे़ल्‍ले़साङ् चिजि खक्‍खक् पोङ्‌लो॥ खे़प्‍मो आत्तिन्‍हाॽआङ् मे़न्‌वाॽने़न्‍लो, कप्‍मो आत्तिन्‍हाॽआङ् मे़न्‌युङ्‌ने़न्‍लो॥”

मे़रिङ् साप्‍पन् 4:22

सियोनरे़ कुस्‍सा मे़न्‍छुमाए, खे़ने़ॽ के़भे़न्‌याःम्‍बक्‍किल्‍ले़ खुम्‍दिङ्‌ङिन् नुप्‍लो॥ खे़ने़ॽ लाजेॽलाम् लाःक्‍कात् लःप्‍मादेमा ये़म्‍मिन् खुने़ॽ मे़भोसुन्‍लो, कर एदोमरे़ कुस्‍सा मे़न्‍छुमाए, खे़ने़ॽ के़लायोल्‍ले़ खुम्‍दिङ्‌ङिन् खे़ने़ॽए के़बिरो खे़ने़ॽ के़लायोहाॽ ओःन्‍गे़धाक्‍लो॥

यर्मिया 49:7

कन् इङ्‌घङ्‌ङिन् एदोमरे़ कुयाःम्‍बेओ के़रे़आङ् वये़॥ मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुरो— “तेमानओ थे सिक्‍कुम्‍दिङ् निङ्‌वाॽ होःप्‍पि? सिक्‍कुम्‍दिङ् निङ्‌वाॽ सुजा के़बिबा हाःत्ताङ् होःप्‍पि?