मलाकि 1:13 - लिम्बु13 हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥ Gade chapit la |
मलाकि 1:13
28 Referans Kwoze
“हे़क्क्याङ् खिनिॽ चाने़त् के़युङ्ङिल्ले़ निङ्वाॽ के़जिःप्पाहाॽ कुइसिक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोसुर फाॽआङ् खुनिॽ नारान् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोसु मे़सुरुआङ् मे़वाॽरो॥
“हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽथाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोसु मे़सुरुआङ् मे़वाॽरो॥
खे़निॽ याम्मो वेॽ पान् के़जोगुम्, खे़निॽ मिक्वाःल्ले़ यहवे दाङ्बाओ ले़त्ति तोःम्मादे़न्निन् वागे़रक्सुम्ॽ॥ खे़निॽ के़हाबि हे़क्क्याङ् मे़रिङ् के़धक्तिॽ, थेआङ्भे़ल्ले़ खे़निॽ हुक्कोबा हुक्सोयाङ्ङिन् खुने़ॽ आभे़ल्ले़आङ् निनि मे़लाप्तुन्ॽ, खे़न् हुक्सोयाङ्ङिन् यहवे दाङ्बे़ल्ले़ मे़दाःक्तुन्॥
खिनिॽग अक्खे के़बाःप्तुम्लो, “लादुप्पिन् आप्फाल्ले़ माःप्पाबे? खे़ब्याङ् आनिॽ चाःन् सङ्मा आसुक्तुम्बाबे, आभे़ल्ले़ नाःम्सिङ्मा ये़न्निन् पेःक्पाबे? खे़ब्याङ् मासिन् आनिॽ सङ्मा आसुक्तुम्बाबे? आभे़ल्ले़ कुसिःक्मा नु कुदङ्मे़न् चुक्पा चोःक्माआङ् मे़ङ्गे़प्मनाबा कुधाङ्मान् याङ्माआङ् इङ्ले़क्मासिबे॥
खे़ब्याङ् आङ्गाॽ मे़त्तुङ्, “मुक्साम्दाङ्बा यहवे दाङ्बाए, आङ्गाॽ मना हिःन् ओगप् चोःक्माआङ् आसुत्थो चोःक्सिङ्माए पोङ्बाबि? थेआङ्भे़ल्ले़ आङ्गाॽ तगि आप्फाल्ले़आङ् आसुत्थो मे़म्बोङ्ङे वाॽआ॥ आङ्गाॽ हिन्जाॽ वयाङ्ङाङ्धो आल्लो थारिक् आप्फेक् के़दुक्पाआङ् के़सिबा इग्र ताम्भुङ् थक्साहाॽरे़ मे़से़रुबा थे़मा थक्सा साआङ् आङ्गाॽ आप्फाल्ले़आङ् मे़न्जाए वाॽआ॥ साम्योथिम् इङ्जाङ्ङिल्ले़ चामा आम्भाःक्ने़म्बा थे़मा साआङ् आङ्गाॽ आभे़ल्ले़आङ् मे़न्जाए वाॽआ॥”
आङ्गाॽ आयुक्नाओ तोःन्छे़ मे़दारुबा ले़त्तिहाॽ नु वयागे़न् सिदुङ्जभाहाॽ खिनिॽ थेआङ् मिङ्सो इङ्धाङ् के़म्बिरुम्मिन्बाबे? खे़ने़ॽ इस्राइलि आमनाहाॽरे़ ले़त्ति मे़दोन्दुबा नुबा चिगक्वाहाॽ खे़ने़ॽ के़लागि के़युक्खुआङ् आङ्गाॽनुःल्ले़आङ् यरिक् थेआङ् के़स्साहाॽ मिङ्सो इङ्धाङ् के़बिरुसिबाबे?’
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite