मलाकि 1:12 - लिम्बु12 “कर खे़निॽग ‘यहवे दाङ्बाओ ले़त्ति तोःम्मादे़न्निन् चिःन्जिन् के़घुबा चोक्,’ हे़क्क्याङ् ‘खे़ॽयो के़ने़बा खे़न् चामा थुङ्माहाॽ चिःन्जिन् के़घुबा चोक्’ के़लॽरिआङ् आङ्गाॽ आमिङ्ङिन् कुनामे़न्छाॽ के़मे़त्तुम्॥ Gade chapit la |
मलाकि 1:12
13 Referans Kwoze
“कर खे़निॽ निङ्वाॽफुसाम्बाहाॽरे़ नुबा लाम्मिन् के़ले़रुम्माङ् थिक्नाहाङ् के़हिआसि के़बेगिआङ् के़वयिॽ॥ खे़निॽ निसाम्मिल्ले़ यरिक् मनाहाॽ ताप्फे़ःम्बा याःम्बक् चोक् पाङ्घुसिआङ् वाॽ॥ आङ्गाॽ ले़बिहाॽनु चोगुङ्बा माङ्हुप्पिन् खे़निॽ के़भेःन्दुम्माङ् के़वयिॽ” लॽरिक् मुक्साम्दाङ्बा यहवे दाङ्बे़ल्ले़ पाःत्तुॽ॥
हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
खे़ङ्हाॽरे़ खाम्बाङ्ङोबा खाम्हिःक्किन् मे़दोॽरुबा हे़क्के याङ्गे़साॽबाहाॽ खुन्छिॽ थे़गेःक्को मे़दोॽरुसिरो, हे़क्क्याङ् तुक्खे मे़जाःत्तुसिबाहाॽरे़ खुन्छिॽ ले़प्माङ्बा कुदोःप्मा खासे़न्निन् खे़ङ्हाॽ खे़म्मा मे़न्दे़ने़न्लो॥ कुम्बा नु कुस्सा लत्छा मे़न्छ्याओ पित्छिरो हे़क्क्याङ् आङ्गाॽ आसेसे मिङ्ङिन् फे़त्लाःन्छुरो॥
खे़प्मो हुक्सिक् सुम्सि केःम्बा कुलिङ्गे़न् नु हुक्सिक् ने़त्छि कुभे़रे़ के़बप्पा सिङ्ङिल्ले़न् लत्छा ले़त्ति तोःम्मादे़न् युङे़, कल्ले़ कुसुक्पाहाॽ, कुयुक्ना नु कुयाहाॽ सिङ्ङिल्ले़न् पत्छे़॥ खे़न् मनाःल्ले़ आङ्गाॽ मे़त्ताङ्, “यहवे दाङ्बे़ल्ले़ कुदगि के़ये़प्पा चप्ते़न्निन् हाबा कन्लो॥”
Piblisite