मलाकि 1:11 - लिम्बु11 “नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥ Gade chapit la |
मलाकि 1:11
65 Referans Kwoze
खे़न् साप्कित्तिन् याङ्सिङ्ङिल्ले़ लिसि कुहिङ्वे़त् पाथुङ्साहाॽ नु ने़त्-लि (२४) तुम्लाम्लोबाहाॽ मे़ल्लुक्साःल्ले़ कुदगि साम्बोन् मे़भन्छिङ्॥ खे़न् के़रे़क्ले़ खुनिॽ हुक्को साराङ्गि हे़क्तङ्बा मुक्ला नु साङ्सिङ्रे़ के़दिम्बा साम्म्याङ् खोर्याहाॽ मे़गत्तु॥ खे़न् साङ्सिङ्ङिङ्ग निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवारो॥
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
थिम्मे़न्दङ् सुवाङ्हाॽओ ख्रिस्त ये़सुरे़ कुसे़वारोबा पोःक्खाङ्ङाङ् वाॽआरो॥ हे़क्क्याङ् थिम्मे़न्दङ् सुवाङ्हाॽ सेसेमाङ्लाम् सेसे मे़बोङ्ङाङ् निङ्वाॽफुमाङ्ङिल्ले़ ते़न्दिङ् चोगुसिबा चोभाॽ कुइसिक् मे़बोङ्ल फाॽआङ् निङ्वाॽफुसाम्बाल्ले़ याःम्बक् चोगुबा हे़क्के इङ्गाॽ निङ्वाॽफुमाङ्ङिल्ले़ कुसुनाइङ्ङिन् खे़ङ्हाॽ इङ्भोसुङ्सिङ्लो॥
आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाबा सिदुङ्जभा कुइसिक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोङ्बा याम्साम्गे़न् सेवान् बा कन्लो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
मनाहाॽरे़ खुन्छिॽ हुक्किल्ले़ मे़न्छुए याक्पेॽओलाम् खक्ते़ ये़बा लुङ्ङिल्ले़ फे़न्जेॽ, कासा, पसाक्के़साक्पा खाम्, युप्पा नु साम्म्याङ्हाॽ खाप्पुथ्यःङ् चोगुबा आदाङ्बारे़ के़निसुबा लुङ्ङिल्ले़ कुबेन् हाबा कन्लो॥ के़रे़क्नुःल्ले़ यम्बा निङ्वाॽफुमाङ्ङिल्ले़ के़दाबा ये़म्मो के़बोङ्बा पाःन्हाॽ पयम् हाङ्ङिन् ओसेःन्गे़धाक्ते़आङ् वाॽ॥ खे़न् से़प्माङ्ङिन् से़क्खाबा नु खे़ल्ले़ कुबेन् नसान् चोःक्मा सुक्के़दे़प्पा चोक्लो॥”
वहित् था के़बाङ्घुआङ् खाम्बेःक्मान् वागे़रक्खुरो, हे़क्क्याङ् यरिक् पोगुगे़न् कुजा के़धोःक्पा के़जोगुरो॥ के़यङ्घङ् नु के़वहःङ्हाॽ काक् च्वाःत्तिल्ले़ के़धिम्सुरो हे़क्क्याङ् इक्सादिङ् खाम्बेःक्मो कुजा थोःक्लो॥ थेआङ्भे़ल्ले़ खे़ने़ॽ अक्खेए पोङ्लरो फाॽआङ् खे़ने़ॽ के़बाःत्तुआङ् वाॽरो॥
अक्खेलॽरिक् यहवे दाङ्बान् मिस्र लाजेॽबा मनाहाॽओ ओसेःन्धाक्सिङ्ॽ, हे़क्क्याङ् खे़न् ये़न्नाङ्धो खे़ङ्हाॽरे़ यहवे दाङ्बान् नसान् मे़जोगुॽ॥ खे़ङ्हाॽरे़ वयागे़न् सिदुङ्जभा नु चा मिधिङ्मनादेमनाबा सिदुङ्जभालाम् खुने़ॽ से़वा मे़मे़त्तुॽ, हे़क्क्याङ् खे़ङ्हाॽरे़ यहवे दाङ्बे़ल्ले़ कुलागि माङ्हे़क् मे़जोगुआङ् खे़न् पाःन्निन् मे़गे़त्तुॽ॥
Piblisite