लुका 9:2 - लिम्‍बु

² खे़ङ्‌हाॽ निङ्‌वाॽफुहाङ्‌जुम्‍मिल्‍ले़ कुयाःम्‍बेओबा सुनाइङ् से़से़ नु के़दुक्‍पाहाॽ वेःन्‍छे़ पाङ्‌घुदेसुसिरो॥

लुका 9:2 Referans Kwoze

लुका 10:9

के़दुक्‍पा के़यॽबाहाॽ वेःन्‍दे़म्‍सिम्‍मे़ॽआङ् अक्‍खे मे़त्ते़म्‍सिम्‍मे़ॽ, ‘निङ्‌वाॽफु हाङ्‌जुम्‍मिन् खिनिॽ निःत्ताङ् त्‍ये़आङ् वाॽरो॥’

मत्ति 3:2

“खिनिॽ लायोलाम् हिन्‍दे़म्‍मे़ॽओ, थेआङ्‌भे़ल्‍ले़ साङ्‌ग्राम्‍पेदाङ्‌बा हाङ्‌जुम्‍मिन् निःत्ताङ्‌ङे त्‍ये़आङ् वाॽरो॥”

लुका 9:11

कर यरिक् मनाहाॽरे़ खे़न् निङ्‌वाॽ मे़घोसुआङ् खे़ङ्‌हाॽरे़ खुनिॽ एगाङ् एगाङ् मे़धासिङ्॥ ये़सुरे़ खे़ङ्‌हाॽ के़रे़क् लाम्‍दाःक्‍मा पिरुसिआङ् निङ्‌वाॽफु हाङ्‌जुम्‍बा पाःन्‍हाॽ चे़क्‍तुसि, हे़क्‍क्‍याङ् के़दुक्‍पा के़यॽबाहाॽ वेःन्‍दुसि॥

मर्कुस 6:12

हे़क्‍क्‍याङ् खे़ङ्‌हाॽ मे़बेआङ् मनाहाॽओ खिनिॽ लायोलाम् हिन्‍दे़म्‍मे़ॽ फाॽआङ् इङ्‌भन्‌ से़मा मे़हेःक्‍तु॥

मत्ति 24:14

हे़क्‍क्‍याङ् निङ्‌वाॽफुहाङ्‌जुम्‍ले़न् कन् सुनाइङ्‌ङिन् इक्‍सादिङ् खाम्‍बेःक्‍को खाराक् के़रे़क् मे़न्‍छाम् सुवाङ्‌हाॽरे़ लागि तोःन्‍दि हे़क्‍के इङ्‌भोरो, हे़क्‍क्‍याङ् कुनुप्‍मान् तारो॥

मत्ति 13:19

आत्तिल्‍ले़ निङ्‌वाॽफु हाङ्‌जुम्‍बा पाःन्‍निन् खे़प्‍सुआङ् कुसिङ् मे़निःत्तुन्, खे़न् मनाःङ्‌ग लाम्‍मो के़जुक्‍पा याॽरिःम्‍बा कुइसिक् चोक्॥ माफे़न्‍साम्‍मिन् ताआङ् खे़ल्‍ले़ कुनिङ्‌वाॽओ के़याक्‍पा पाःन्‍जाक्‍किन् लःत्तु तेॽरुरो॥

लुका 16:16

हे़क्‍क्‍याङ् बप्‍तिस्‍मा के़बिबा युहुन्‍नाःल्‍ले़ कुये़म् थारिक् मोसारे़ कुसाम्‌योथिम् नु माङ्‌निङ्‌वाॽपान् के़बाःप्‍पाहाॽरे़ खुनिॽ इङ्‌जाङ्‌हाॽ इङ्‌भन्‌ पोःक्‍खे़, कर निङ्‌वाॽफुहाङ्‌जुम्‍मिल्‍ले़न् सुनाइङ्‌ङिन् से़रे़आङ्‌धो मे़न्‍छाम्‍गे़न् याप्‍मिहाॽ निङ्‌वाॽफुहाङ्‌जुम्‍मो साक्‍के़ल्‍ले़क् लाःप्‍मा मे़गोःत्‍लो॥

लुका 10:11

‘आनिगे लाङ्‌ङो खिप्‍तुआङ् के़बप्‍पा खिनिॽ पाङ्‌जुम्‍मोबा खाम्‍हिःक्‍हाॽ खिनिॽ तक्‍ले़ङ्‌वाओ आनिगे थाप्‍सुम्‍बे़रो॥ हे़क्‍केसाङ् निङ्‌वाॽफु हाङ्‌जुम्‍मिन् खिनिॽ निःत्ताङ् त्‍ये़आङ् वाॽ के़लॽबा कुसिङ् निःत्ते़म्‍मे़ॽओ॥

मर्कुस 16:15

ये़सुरे़ खे़ङ्‌हाॽ मे़त्तुसि, “आल्‍ल खिनिॽ काक् इक्‍सादिङ् खाम्‍बेःक्‍मो पेगे़म्‍मे़ॽआङ् के़रे़क् मे़न्‍छाम्‍गे़न् याप्‍मिहाॽ कन् सुनाइङ्‌ङिन् इङ्‌भोसे़म्‍सिम्‍मे़ॽओ!

लुका 10:1

खे़न् एगाङ् दाङ्‌बारे़ वेॽ नु-ने़त् (७२) मनाहाॽ सेगुसिआङ् पेर पत्‍छे़बा पाङ्‌जुम्‍हाॽ नु पाङ्‌भेॽहाॽओ ने़प्‍फु ने़प्‍फु लॽरिक् इङ्‌भन्‌ से़से़ पाङ्‌घुसिरो॥

मत्ति 10:5

ये़सुरे़ कन् थिक्-ने़त् सेःक्‌युक्‍मिबाहाॽ अक्‍खे मे़त्तुसिर पाङ्‌घुसिरो—“थिम्‍मे़न्‍दङ् सुवाङ्‌हाॽरो मे़बेगे़म्‍मिन्‍ने़ॽओ, हे़क्‍क्‍याङ् सामरिहाॽरे़ खुनिॽ पाङ्‌जुम्‍हाॽओ मे़बेगे़म्‍मिन्‍ने़ॽओ,