लुका 8:21 - लिम्‍बु

²¹ कर ये़सुरे़ नोगप् पिरुसि, “निङ्‌वाॽफु पाःन्‍जाक् के़घे़म्‍बाहाॽ हे़क्‍क्‍याङ् खे़न् कुइसिक् के़जोःक्‍पाहाॽ के़रे़क् इङ्‌गाॽ आम्‍मा नु आन्‍साॽसिरो॥”

लुका 8:21 Referans Kwoze

याकुब 1:22

कर पाःन्‍जाक्‍किल्‍ले़ पाःत्तुबा कुइसिक् चोगे़म्‍मे़ॽओ॥ पाःन्‍जाक् के़घे़म्‍बारक् के़बोःक्‍खिॽने़ फाॽग्र आबाङे इङ्‌गे़ले़क्‍कासिॽरो॥

युहुन्‍ना 13:17

आल्‍ल कन् पाःन्‍हाॽग कुसिङ् के़निःत्तुम्‍माङ् के़वयिॽ, हे़क्‍क्‍याङ् कङ्‌हाॽ के़जोगुम्‍ने़ फाॽग्र मुॽइसाबा के़बोःक्‍खिॽरो॥”

३ युहुन्‍ना 1:11

आमिःम् आन्‍जुम्‍मे, ताप्‍फे़ःम्‍बा याःम्‍बक्‍हाॽरे़न् मेःन्, कर नुबा याःम्‍बक्‍हाॽरे़न् चोःङ् के़इःप्‍पा पोःक्‍खे़ॽओ॥ हाःत्‍ले़ नुबा याःम्‍बक्‍हाॽ चोगुॽ खे़न् निङ्‌वाॽफुमाङ्‌ङिल्‍ले़ कुस्‍सारो॥ हाःत्‍ले़ ताप्‍फे़ःम्‍बा याःम्‍बक्‍हाॽ चोगुॽ खे़ल्‍ले़ निङ्‌वाॽफुमाङ्‌ङिन् मे़न्‍निए वाॽरो॥

१ युहुन्‍ना 2:29

निङ्‌वाॽफुमाङ्‌ङिन् साम्‌योबा चोक् फाॽआङ् खिनिॽ के़निसुम्‍लो॥ हे़क्‍केःल्‍ले़ काक् नुबा याःम्‍बक् के़जोक्‍पे़न् निङ्‌वाॽफुसा पोःक्‍खे़आङ् वाॽ के़लॽबा पाःन्‍निन्‍नाङ् खिनिॽ के़निसुम्‍लो॥

२ कोरन्‍थि 6:18

इङ्‌गाॽग खिनिॽ पानुदिङ् पा पोङ्‌ङा, हे़क्‍क्‍याङ् खिनिॽग इङ्‌गाॽ आबुगे़न् आस्‍सा के़बोःक्‍खिॽरो लॽरिक् मुक्‍सम्‍दाङ्‌बा यहवे दाङ्‌बाल्‍ले़ पाःत्तुॽरो॥”

लुका 8:15

कर नुबा खाम्‍मो मक्‍के़धाबा याॽरिःम्‍बाहाॽग नुबा नु सेसे निङ्‌वाॽ के़गप्‍पा मनाहाॽ कुइसिक् मे़जोक्॥ खे़ङ्‌हाॽरे़ पाःन्‍जाक्‍किन् मे़घे़प्‍सुर निङ्‌वाॽओ मे़युक्‍खु हे़क्‍क्‍याङ् नासि मे़धःत्तुआङ् कुजाॽ मे़भत्‍छुरो॥”

२ कोरन्‍थि 5:16

खे़ल्‍ले़चोगुल्‍ले़, आल्‍लआङ्‌धो आनिगे मे़न्‍छाम् याप्‍मि निमोलाम् आत्तिन्‍नाङ्‌ ओमे़मे़त्तुम्‍बे़न्‍लो॥ तगि हे़क्‍केलॽरिक्‍के ख्रिस्‍ते़न् ओमे़त्तुम्‍बे़आङ् वयिगे़साङ् आल्‍ल आनिगे हे़क्‍के मे़जोगुम्‍बे़न्‍लो॥

युहुन्‍ना 20:17

ये़सुरे़ खे़न् मे़त्तु “इङ्‌गाॽ मे़दे़म्‍साङ्‌ङिन्‍ने़ॽओ, थेआङ्‌भे़ल्‍ले़ आल्‍लो थारिक् इङ्‌गाॽ पानुदिङ् पाःल्‍लो मे़म्‍बेःक्‍के वाॽआरो॥ कर पेगे़ॽआङ् आन्‍साॽसि अक्‍खे मे़त्ते़से़ॽओ, ‘इङ्‌गाॽ पानुदिङ् आम्‍बा नु खिनिॽ पानुदिङ् पा हे़क्‍क्‍याङ् इङ्‌गाॽ आनिङ्‌वाॽफुमाङ् नु खिनिॽ निङ्‌वाॽफुमाङ्‌ङो नुःङ्‌ङा पेःक्‍कार पत्तारो॥’”

मत्ति 25:40

हे़क्‍क्‍याङ् हाङ्‌ङिल्‍ले़ खे़ङ्‌हाॽ मे़त्तुसि ‘इङ्‌गाॽ से़क्‍खाए मे़त्‍निङ्, कङ्‌हाॽओ के़वाॽबा आम्‍भुॽ आन्‍साॽसिओ लत्‍छा चुक्‍पाधिक् च्‍या के़मे़त्तुम्, खे़न् इङ्‌गाॽए याप्‍मि आगे़मे़त्तिबारो॥’

मत्ति 17:5

अक्‍खेलॽरिक् खुने़ॽ पारे़र पत्‍छे़ल्‍ले़ए फ लॽरिक् के़ओःप्‍पा खाप्‍मिःत्तिल्‍ले़ चिदे़प् ते़प्‍तुसिआङ् खाप्‍मिःत्तोलाम् अक्‍तङ्‌बा इक्‍ला मे़घे़प्‍सु, “कन् आमिःम् आस्‍सारो, खुने़ॽनु इङ्‌गाॽ सःत्ताङ्‌ङाङ् वाॽआरो॥ खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

मत्ति 28:10

हे़क्‍क्‍याङ् ये़सुरे़ खे़ङ्‌हाॽ मे़त्तुसि, “खिन्‍छिॽ मे़गिसे़त्‍छे़न्‍ने़ॽओ, पेगे़त्‍छे़ॽआङ् आन्‍साॽसि गालिलओ के़बेगिमु मे़त्ते़छे़से़ॽओ, खे़ङ्‌हाॽरे़ इङ्‌गाॽ खे़त्‍थोए मे़दुम्‍माॽरो॥”

मत्ति 25:45

खे़न् ये़म्‍मो खुने़ॽ नोगप् पिरुसि, ‘इङ्‌गाॽ से़क्‍खाए मे़त्‍निङ्, कन् आम्‍भुॽ आन्‍साॽसिओ आत्तिन् लत्‍छा चुक्‍साधिक् हे़क्‍के के़म्‍मे़त्तुम्‍मिन्, खे़न् इङ्‌गाॽए याप्‍मि आगे़म्‍मे़त्तिम्‍बारो॥’

लुका 8:20

हे़क्‍केःल्‍ले़ लत्‍छा मनाधिक्‍ले़ के़म्‍मा नु के़न्‍साॽसि के़दुम्‍से़ मे़द्‌ये़आङ् लाःक्‍कात् के़म्‍हाङ्‌ल मे़ये़प्‍लो लॽरिक् ये़सुन् मे़त्तु॥