16 “हाःत्ले़आङ् सेमिन् हाःन्दुआङ् खप्प्या सिगाङ् मे़युक्खुन् हे़क्क्याङ् ने़त्ना सिगाङ्ङाङ् मे़युक्खुन्, कर के़दाबाहाॽरे़ मे़निसुर फाॽआङ् थो चम्जम्बा ते़न्नो युक्खुॽ॥
“आत्तिल्ले़आङ् सेमिन् हाःन्दुआङ् नइमाल्ले़ मे़सुःप्तुन् हे़क्क्याङ् मे़जिक्खुन्नाङ्, कर हिम्सिगाङ् के़लाःप्पाहाॽरे़ मे़निसुर फाॽआङ् चम्जम्बा ते़न्नो युक्खुॽरो॥
खे़ने़ॽ इङ्गाॽ आजुप्साङ् ले़प्माङ् के़निसुबा नुसि खेःम्सिक्हाॽ नु नुसि साम्म्याङ् सेमियुङ्दे़न्हाॽरे़न् सिबिॽ पाःन्हाॽग बा कन्लो—नुसि खेःम्सिक्हाॽ नुसि सेसेहुप्लक्हाॽओबा माङ्लाइङ्बासिरो, हे़क्क्याङ् नुसि साम्म्याङ् सेमियुङ्दे़न्हाॽ नुसि सेसेहुप्लक्सिरो॥”
खुन्छिॽग इक्सादिङ् खाम्बेक् दाङ्बाल्ले़ कुदगि के़ये़प्पा ने़त्छि जैतुन सिङ्बुङ् नु ने़त्छि सेमियुङ्दे़न्सिरो॥
कर नुबा खाम्मो मक्के़धाबा याॽरिःम्बाहाॽग नुबा नु सेसे निङ्वाॽ के़गप्पा मनाहाॽ कुइसिक् मे़जोक्॥ खे़ङ्हाॽरे़ पाःन्जाक्किन् मे़घे़प्सुर निङ्वाॽओ मे़युक्खु हे़क्क्याङ् नासि मे़धःत्तुआङ् कुजाॽ मे़भत्छुरो॥”